ئۈرۈمچى كەچلىك گېزىتى خەۋىرى (مۇخبىر جياڭ شياۋ خەۋىرى، فوتوسى): 7-ئاينىڭ 16-كۈنى، ئۈرۈمچى شەھىرى سايباغ رايونى شىنيۆيۈەن ئولتۇراق رايونىدا، تەۋەلىكتىكى پىدائىي شياۋ زىچىڭ بىلەن ئۇنىڭ ھەمراھى ئولتۇراق رايوندىكى بەدەن چېنىقتۇرۇش سايمانلىرى، دەم ئېلىش رايونىدىكى ئۈستەل، ئورۇندۇق قاتارلىق ئاممىۋى ئەسلىھەلەرنى دېزىنفېكسىيە قىلىپ تازىلىدى.
7-ئاينىڭ 16-كۈنى، دائىملاشقان يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈش بىلەن بىر ۋاقىتتا، سايباغ رايونى خۇڭمياۋزى تەۋەلىك رايونى پىدائىيلارنى تەشكىللەپ، تەۋەلىكتىكى 48 ئولتۇراق رايون، كوچا ياقىسىدىكى دۇكان، ئارقا كوچا قاتارلىق جايلارنى تازىلاپ ۋە دېزىنفېكسىيە قىلىپ، ياخشى تازىلىق مۇھىتى ياراتتى.
