3-ئاينىڭ 25-كۈنى، جۇڭگو-قىرغىزىستان چېگرىسى تورغات پورتىدا، جۇڭگو-قىرغىزىستان ئىككى تەرەپ ۋەكىللىرى ياردەم بېرىش ماددىي ئەشيالىرىنى تاپشۇرۇپ بېرىش-تاپشۇرۇۋېلىش مۇراسىمى ئۆتكۈزدى. (شىنخۇا ئاگېنتلىقى تارقاتتى)
شىنخۇا ئاگېنتلىقى، بىشكەك، 3-ئاينىڭ 26-كۈنى تېلېگراممىسى (مۇخبىر گۇەن جيەنۋۇ، نۇران): جۇڭگو تەرەپنىڭ قىرغىزىستانغا ياردەم بەرگەن بىر تۈركۈم يۇقۇمغا قارشى ماددىي ئەشيالىرى 3-ئاينىڭ 25-كۈنى كەچتە جۇڭگو-قىرغىزىستان چېگرىسى تورغات پورتىدا قىرغىزىستان تەرەپكە تاپشۇرۇپ بېرىلدى.
بۇ ماددىي ئەشيالارنى شىنجاڭ ئۇيغۇر ئاپتونوم رايونى قىزىلسۇ قىرغىز ئاپتونوم ئوبلاستى ياردەم قىلغان. شۇ كۈنى كەچتىكى تاپشۇرۇپ بېرىش-تاپشۇرۇۋېلىش مۇراسىمىدا «ئۆزئارا ھەمدەم بولۇش، ۋاقىتلىق قىيىنچىلىقنى ئورتاق يېڭىش» مېھىر-شەپقەت لوزۇنكىسى ئېسىلىپ، قىزىلسۇ قىرغىز ئاپتونوم ئوبلاستى ۋە قىرغىزىستان نارىن ئوبلاستىنىڭ مەسئۇللىرى تاپشۇرۇپ بېرىش-تاپشۇرۇۋېلىش گۇۋاھنامىسىگە ئورتاق ئىمزا قويدى.
قىرغىزىستان سەھىيە مىنىستىرلىقىنىڭ خەۋىرىگە قارىغاندا، قىرغىزىستاندا يېڭى تىپتىكى تاجسىمان ۋىرۇسلۇق ئۆپكە ياللۇغى دەپ ئېنىق دىياگنوز قويۇلغان ئاغرىق مىسالى جەمئىي 44كە يەتكەن. قىرغىزىستان پارلامېنتى 3-ئاينىڭ 24-كۈنى زۇڭتۇڭ پەرمانىنى ماقۇللاپ، ئۈچ ئاساسلىق شەھەر ۋە ئۈچ رايوندا جىددىي ھالەتكە ئۆتۈپ، يۇقۇمغا قارشى تۇرىدىغانلىقىنى قارار قىلغان.
