تىيانشان تورى خەۋىرى(مۇخبىرىمىز ليۇ شىنشىن خەۋىرى): ئۈرۈمچى بىلەن سانجى ئارىسىدىكى يولۇچى توشۇش مۇلازىمىتى 3-ئاينىڭ 15-كۈنى ئومۇميۈزلۈك ئەسلىگە كەلدى. 3- ئاينىڭ 14-كۈنى، مۇخبىر سانجى يولۇچى توشۇش بېكىتىگە بېرىپ، ئاپتوموبىللارنىڭ يولغا چىقىش ۋاقتى، بېلەت سېتىۋېلىش ئۇسۇلى قاتارلىق مەسىلىلەرنى ئىگىلىدى.
ئىگىلىنىشىچە، ئۈرۈمچى شەھىرىدىن سانجى شەھىرىگە قاتنايدىغان تۇنجى نۆۋەتچى ئاپتوموبىل سائەت 08:30دا، ئاخىرقى نۆۋەتچى ئاپتوموبىل سائەت 30 :19دا يولغا چىقىدىكەن؛ سانجى شەھىرىدىن ئۈرۈمچى خەلقئارا ئايروپورتىغا قاتنايدىغان تۇنجى نۆۋەتچى ئاپتوموبىل سائەت 00: 10دا، ئاخىرقى نۆۋەتچى ئاپتوموبىل سائەت 30: 18دا يولغا چىقىدىكەن.
ئۈرۈمچى-سانجى يولۇچى توشۇش شىركىتى ئىلگىرىكى «ئاۋۋال ماشىنىغا ئولتۇرۇپ ئاندىن بېلەت سېتىۋېلىش» ئۇسۇلىنى ئۆزگەرتتى. يۇقۇم مەزگىلىدە، ھەقىقىي ئىسىم بىلەن بېلەت سېتىۋېلىش يولغا قويۇلدى، يولۇچىلار كىملىك قاتارلىق ئىناۋەتلىك كىنىشكىلىرىگە ئاساسەن سانجى يولۇچى توشۇش بېكىتىنىڭ بېلەت سېتىش كۆزنىكىدىن بېلەت سېتىۋالسا ياكى نەق مەيداندىكى بېلەت سېتىش ماشىنىسىدا ئېلېكترونلۇق بېلەت سېتىۋالسا بولىدۇ؛ شۇنىڭ بىلەن بىر ۋاقىتتا، سانجى يولۇچى توشۇش بېكىتى ئۈرۈمچى-سانجى تېز يولۇچى توشۇش مەخسۇس بېلەت تەكشۈرۈش يولىنى ئېچىپ، يولۇچىلارنىڭ تېز سۈرئەتتە بېلەت تەكشۈرتۈپ ئاپتوموبىلغا چىقىشىغا قولايلىق يارىتىپ بەردى.
