ياشىن تورى خەۋىرى (مۇخبىر لۇ جۇڭ خەۋىرى): 3-ئاينىڭ 8-كۈنى، مۇخبىرنىڭ شىنجاڭ غۇلجا ۋوگزالىدىن ئىگىلىشىچە، 3-ئاينىڭ 9-كۈنى، غۇلجا بىلەن ئۈرۈمچى ئارىلىقىدا قاتنايدىغان نۆۋەتچى پويىز ئەسلىگە كەلتۈرۈلىدىكەن.
ئىگىلىنىشىچە، 3-ئاينىڭ 9-كۈنىدىن باشلاپ، 13:30دا غۇلجىغا يېتىپ بارىدىغان C8741-قېتىملىق (ئۈرۈمچىدىن غۇلجىغا بارىدىغان) نۆۋەتچى پويىزنىڭ، 13:50دە قوزغىلىدىغان C8746-قېتىملىق (غۇلجىدىن ئۈرۈمچىگە بارىدىغان) نۆۋەتچى پويىزنىڭ، 23:31 دا غۇلجىغا يېتىپ بارىدىغان C8749-قېتىملىق (ئۈرۈمچىدىن غۇلجىغا بارىدىغان) نۆۋەتچى پويىزنىڭ قاتنىشى ئەسلىگە كەلتۈرۈلىدىكەن. 3-ئاينىڭ 10-كۈنىدىن باشلاپ، 8:20دە قوزغىلىدىغان C8742-قېتىملىق (غۇلجىدىن ئۈرۈمچىگە بارىدىغان) نۆۋەتچى پويىزنىڭ، 18:05دە غۇلجىغا يېتىپ بارىدىغان C8745-قېتىملىق (ئۈرۈمچىدىن غۇلجىغا بارىدىغان) نۆۋەتچى پويىزنىڭ، 18:29دا قوزغىلىدىغان C8750-قېتىملىق (غۇلجىدىن ئۈرۈمچىگە بارىدىغان) نۆۋەتچى پويىزنىڭ قاتنىشى ئەسلىگە كەلتۈرۈلىدىكەن. 3-ئاينىڭ 11-كۈنىدىن باشلاپ، 5:53تە غۇلجا ۋوگزالىغا يېتىپ كېلىپ 6:15تە قوزغىلىدىغان K9789-قېتىملىق (ئۈرۈمچىدىن قورغاسقا بارىدىغان) نۆۋەتچى پويىزنىڭ قاتنىشى ئەسلىگە كەلتۈرۈلىدىكەن. 3-ئاينىڭ 12-كۈنىدىن باشلاپ، غۇلجا ۋوگزالىغا 20:54تە يېتىپ كېلىپ، 21:00دە قوزغىلىدىغان K9790-قېتىملىق (قورغاستىن ئۈرۈمچىگە بارىدىغان) نۆۋەتچى پويىزنىڭ قاتنىشى ئەسلىگە كەلتۈرۈلىدىكەن.
بۇنىڭدىن باشقا، 3-ئاينىڭ 8-كۈنى مۇخبىرنىڭ غۇلجا (نارات) ئايرودۇرۇمىدىن ئىگىلىشىچە، 3-ئاينىڭ 7-كۈنى غۇلجىدىن ئۈرۈمچىگە ئۇچىدىغان نۆۋەتچى ئايروپىلان كۈنىگە ئۈچ قېتىمغا كۆپەيگەن. بۇنىڭدىن كېيىن، نۆۋەتچى ئايروپىلان يەنە تەدرىجىي كۆپەيتىلىدىكەن.
