تىيانشان تورى خەۋىرى(مۇخبىر يۈ جياڭيەن خەۋىرى): شىنجاڭدىكى يەككە سودا-سانائەتچىلەرنىڭ يىللىق مەلۇمات ئاخىرلىشىش ۋاقتى يېرىم يىل ئۇزارتىلىدۇ.
«يۇقۇمنىڭ تەسىرىگە تاقابىل تۇرۇپ، يەككە سودا-سانائەتچىلەرنى يۆلەش سالمىقىنى زورايتىش توغرىسىدىكى يېتەكچى پىكىر»نىڭ روھىنى ئىزچىللاشتۇرۇش، ئەمەلىيلەشتۈرۈش ئۈچۈن، ئاپتونوم رايونلۇق بازارنى نازارەت قىلىپ باشقۇرۇش ئىدارىسى تەتقىق قىلىپ، يەككە سودا-سانائەتچىلەرنىڭ يىللىق مەلۇمات ئاخىرلىشىش ۋاقتىنى ئۇزارتىشنى قارار قىلدى. 3-ئاينىڭ 3-كۈنى، ئاپتونوم رايونلۇق بازارنى نازارەت قىلىپ باشقۇرۇش ئىدارىسى «2019-يىللىق يەككە سودا-سانائەتچىلەرنىڭ يىللىق مەلۇمات ئاخىرلىشىش ۋاقتىنى ئۇزارتىش توغرىسىدىكى ئۇقتۇرۇش»(تۆۋەندە قىسقارتىلىپ «ئۇقتۇرۇش» دېيىلىدۇ)نى ئېلان قىلدى.
«ئۇقتۇرۇش»تا مۇنداق قارار قىلىندى: ئومۇمەن 2019-يىلى 12-ئاينىڭ 31-كۈنىدىن بۇرۇن تىجارەت كىنىشكىسى ئالغان يەككە سودا-سانائەتچىلەرنىڭ 2019-يىللىق يىللىق مەلۇمات ئاخىرلىشىش ۋاقتى 2020-يىلى 6-ئاينىڭ 30-كۈنىدىن 2020-يىلى 12-ئاينىڭ 31-كۈنىگە ئۇزارتىلىدۇ. 2019-يىللىق يىللىق مەلۇماتى قەرەلىدىن ئۆتۈپ كېتىش سەۋەبىدىن تىجارەتتىكى بىنورماللىق تىزىملىكىگە كىرىپ قېلىش ۋاقتىمۇ 2021-يىلى 1-ئاينىڭ 1-كۈنىدىن كېيىنگە سۈرۈلدى.
ئاپتونوم رايونلۇق بازارنى نازارەت قىلىپ باشقۇرۇش ئىدارىسىنىڭ ئىستاتىستىكىسىغا ئاساسلانغاندا، 2019-يىلىنىڭ ئاخىرغىچە، پۈتۈن شىنجاڭدىكى يەككە سودا-سانائەتچىلەر 1 مىليون 452 مىڭغا يەتكەن.
