چاقىلىق ناھىيەلىك خەلق دوختۇرخانىسى ئىچكى كېسەللەر بۆلۈمىنىڭ سېسترالار باشلىقى ما جۈنخۇا شىنجاڭدىن ئىككىنچى تۈركۈمدە خۇبېيغا ياردەمگە بارغان داۋالاش ئەترىتىنىڭ ئەزاسى. ئۇ ۋۇخەنگە بارغاندىن كېيىن ئىزچىل ۋۇخەن كېتىڭ فاڭساڭ دوختۇرخانىسىدا پەرۋىش خىزمىتى بىلەن شۇغۇللاندى. 20 نەچچە كۈندىن بۇيان، ئۇ ئۆزىنىڭ ئىنچىكە پەرۋىش قىلىشى، ئىللىق مۇئامىلىسى ئارقىلىق ھەر بىر ئاغرىقنىڭ قەلبىدىكى تۈگۈننى يېشىپ، ئۇلارنىڭ كېسەل ئۈستىدىن غالىپ كېلىشكە ئىشەنچ تۇرغۇزۇشىغا ياردەم بەردى. ئۇ مۇنداق دېدى: پەن-تېخنىكىلىق قۇتقۇزۇپ داۋالاشتىن باشقا، مەن ئىزچىل ئىشەنچ ۋە ئۈمىدۋارلىقنىڭ كېسەلنى يېڭىشتە كەم بولسا بولمايدىغان كۈچ ئىكەنلىكىگە ئىشىنىمەن. مەن فاڭساڭدىكى ئاغرىقلارنىڭ ساقىيىشىغا بولغان ئىشەنچىنى ئاشۇرۇشىغا كۈچۈمنىڭ بارىچە تىرىشىپ، ئۇلارغا باھار ئۈمىدىنى بېغىشلاشنى ئارزۇ قىلىمەن.
