تىيانشان تورى خەۋىرى(مۇخبىرىمىز ۋاڭ جىڭجىڭ خەۋىرى): 2-ئاينىڭ 24-كۈنى، شىنجاڭنىڭ تۇنجى تۈركۈمدىكى خۇبېيغا ياردەم بېرىش داۋالاش ئەترىتىنىڭ ئەزاسى ما جياۋ ۋۇخەنگە بارغاندىن بۇيان تۇنجى قېتىم نۆۋەت بىلەن دەم ئالدى، بىر ئايغا يېقىن ۋاقىت ئىچىدە، ئۇ ئىزچىل ۋۇخەن داشۆسى خەلق دوختۇرخانىسى شەرقىي دوختۇرخانا رايونىدىكى ئېغىر كېسەللەرنى داۋالاش بۆلۈمىدە خىزمەت قىلىپ، خەتەرلىك ئېغىر ئاغرىقلارنىڭ ھالىدىن خەۋەر ئېلىۋاتاتتى.
ۋۇخەندە ما جياۋنى يېتەكلىگەن پەرۋىش ئوقۇتقۇچىسى مۇنداق دېدى: ئاغرىقلارنىڭ نەپەس رېتىمىنى تەڭشەشتە، ئۇلارنى خۇددى گۈل ھىدىنى پۇرىغاندەك نەپەس ئالدۇرۇش كېرەك، مۇشۇنداق بولغاندا قاننىڭ ئوكسىگېنغا تويۇنۇش دەرىجىسىنى يۇقىرى كۆتۈرگىلى بولىدۇ، بۇ، ئاغرىقنىڭ سالامەتلىكىنى ئەسلىگە كەلتۈرۈشكە ناھايىتى پايدىلىق.
«كېسەلخانىدا ئەمەلىيەتتە گۈل يوق، بىراق مېنىڭ قەلبىمگە ئۈمىد ئۇرۇقى تېرىلغان، مېنىڭ قىلىدىغىنىم بۇ گۈلنىڭ ئۇرۇقىنى ئاغرىقلارنىڭ قەلبىگە تېرىش» دېدى ما جياۋ.
سىننى زىيارەت قىلىنغۇچى تەمىنلىگەن
