ساقىيىپ دوختۇرخانىدىن چىققانلار جەمئىي 24كە يەتتى
شىنجاڭ گېزىتى خەۋىرى 2 - ئاينىڭ 21 - كۈنى، شىنجاڭ(بىڭتۇەننى ئۆز ئىچىگە ئالىدۇ)دا يېڭى تىپتىكى تاجسىمان ۋىرۇسلۇق ئۆپكە ياللۇغى دەپ ئېنىق دىياگنوز قويۇلغان يەنە ئىككى ئاغرىق مىسالى ساقىيىپ دوختۇرخانىدىن چىقتى، ئىككىلىسى بايىنغولىن موڭغۇل ئاپتونوم ئوبلاستىدىكى ئاغرىق مىسالى.
بۇ ئىككى ئاغرىق دوختۇرخانىغا كىرگەندىن كېيىن، ئاپتونوم رايونلۇق قۇتقۇزۇش - داۋالاش مۇتەخەسسىسلەر گۇرۇپپىسى ئىلمىي يېتەكچىلىك قىلدى، بەلگىلەنگەن دوختۇرخانىدىكى تېببىي خادىملار كۆڭۈل قويۇپ دىياگنوز قويۇپ داۋالىدى، مۇتەخەسسىسلەر گۇرۇپپىسىنىڭ دىياگنوز قويۇپ باھالىشى ئارقىلىق، دۆلەت سەھىيە - ساغلاملىق كومىتېتىنىڭ يېڭى تىپتىكى تاجسىمان ۋىرۇسلۇق ئۆپكە ياللۇغى دەپ ئېنىق دىياگنوز قويۇلغان ئاغرىق مىسالىنى ئايرىشنى ئەمەلدىن قالدۇرۇش ۋە دوختۇرخانىدىن چىقىرىش ئەڭ يېڭى ئۆلچىمىگە يەتتى، دەپ قارىلىپ، 2 - ئاينىڭ 21 - كۈنى دوختۇرخانىدىن چىقتى.
ھازىرغا قەدەر، شىنجاڭ(بىڭتۇەننى ئۆز ئىچىگە ئالىدۇ)دا ساقىيىپ دوختۇرخانىدىن چىققان ئاغرىق مىسالى جەمئىي 24كە يەتتى.
