تىيانشان تورى خەۋىرى (مۇخبىر جاڭ شىنجۈن، ئىختىيارىي مۇخبىر ليۇ جىڭ خەۋىرى، فوتوسى) شىنجاڭ مېيىپلەرنىڭ سالامەتلىكىنى ئەسلىگە كەلتۈرۈش مۇلازىمەت يېتەكچىلىك مەركىزىنىڭ «سالامەتلىكنى ئەسلىگە كەلتۈرۈش تور دەرسخانىسى»دا 2- ئاينىڭ 17- كۈنى دەرس باشلانغاندىن بۇيان، بۇ مەركەزدىكى بارلىق سالامەتلىكنى ئەسلىگە كەلتۈرۈش ئوقۇتقۇچىلىرى بىرلىكتە تورغا چىقىپ، ئاپتونوم رايونىمىزدىكى 57 نەپەر مېيىپ بالىلار ئائىلىلىرىگە قارىتا سالامەتلىكنى ئەسلىگە كەلتۈرۈش بويىچە بىرمۇبىر يېتەكچىلىك قىلدى، شۇنىڭ بىلەن بىر ۋاقىتتا، ئاتا-ئانىلار، سالامەتلىكنى ئەسلىگە كەلتۈرۈش ئوقۇتقۇچىلىرى قاتارلىقلارنى «سالامەتلىكىنى ئەسلىگە كەلتۈرۈش توردا كىتاب ئوقۇش» پائالىيىتى بىلەن تەمىنلىدى.
ئالاھىدە تەربىيە ئوقۇتقۇچىسى ئالمىرە ئابلىز «سالامەتلىكنى ئەسلىگە كەلتۈرۈش تور دەرسخانىسى»دا بالىلارنىڭ سالامەتلىكىنى ئەسلىگە كەلتۈرۈش مەشىقى قىلىشىغا يېتەكچىلىك قىلماقتا.
يۇقۇمنىڭ ئالدىنى ئېلىش-تىزگىنلەش مەزگىلىدە، شىنجاڭ مېيىپلەرنىڭ سالامەتلىكىنى ئەسلىگە كەلتۈرۈش مۇلازىمەت يېتەكچىلىك مەركىزىدىكى بارلىق سالامەتلىكنى ئەسلىگە كەلتۈرۈش ئوقۇتقۇچىلىرى پائال ھەرىكەتلىنىپ، مېيىپ بالىلارنىڭ سالامەتلىكىنى ئەسلىگە كەلتۈرۈشكە دائىر تۈرلۈك مەشىقلەرنىڭ ئالاھىدىلىكىگە بىرلەشتۈرۈپ، تېلېفون بېرىش، «سالامەتلىكنى ئەسلىگە كەلتۈرۈش تور دەرسخانىسى» ئېچىش قاتارلىق شەكىللەر ئارقىلىق، توردا مەسلىھەت بېرىپ يېتەكچىلىك قىلىش، يىراق مۇساپىلىك سىنلىق ئوقۇتۇش، سالامەتلىكنى ئەسلىگە كەلتۈرۈش بويىچە كىتاب ئوقۇش پائالىيىتى، پىسخىكا جەھەتتىن ياردەم بېرىش، پىسخىكا جەھەتتىن ياردىمى بولىدىغان يۈرۈشلۈك ئېلېكتىرونلۇق گېزىت ئىشلەش قاتارلىق پائالىيەتلەرنى قانات يايدۇرۇپ، مېيىپ بالىلارنىڭ ئاتا-ئانىلىرىنىڭ بالىلارغا ئائىلىدە سالامەتلىكىنى ئەسلىگە كەلتۈرۈش مەشىقى ئېلىپ بېرىشىغا يېتەكچىلىك قىلدى.
