تىيانشان تورى خەۋىرى (مۇخبىرىمىز جاۋ مېي، ئىختىيارىي مۇخبىرلىرىمىز شىن لۇ، ۋاڭ بىن خەۋىرى، فوتوسى): 2-ئاينىڭ 18-كۈنى، ئاپتونوم رايونلۇق كېسەلنىڭ ئالدىنى ئېلىش-تىزگىنلەش مەركىزى ئەۋەتكەن تارقىلىشچان كېسەللەر ئىلمى بويىچە تەكشۈرۈش گۇرۇپپىسى ۋۇخەنگە يېتىپ باردى. بۇ شىنجاڭ ئەۋەتكەن تۇنجى تۈركۈمدىكى كېسەلنىڭ ئالدىنى ئېلىش-تىزگىنلەش خادىملىرى بولۇپ، ئۈچ كىشىدىن تەركىب تاپقان، ئاساسلىق ۋەزىپىسى ۋۇخەندە تارقىلىشچان كېسەللەر ئىلمى بويىچە تەكشۈرۈش ۋە سەييارە نازارەت قىلىش-يېتەكچىلىك قىلىش خىزمىتىنى قانات يايدۇرۇش بولۇپ، ئۇلار ۋۇخەندە ئىككى ھەپتىدىن ئۈچ ھەپتىگىچە خىزمەت قىلىدۇ.
2-ئاينىڭ 18-كۈنى ۋۇخەنگە يېتىپ بارغاندىن كېيىن، بۇ ئۈچ خادىم ۋۇخەننىڭ ئۈچ رايونىدىكى كېسەلنىڭ ئالدىنى ئېلىش-تىزگىنلەش نۇقتىسىدا خىزمەتلەرنى قانات يايدۇرغان.
سىننى ئاپتونوم رايونلۇق كېسەلنىڭ ئالدىنى ئېلىش-تىزگىنلەش مەركىزى تەمىنلىگەن
