تىيانشان تورى خەۋىرى (مۇخبىرىمىز جاڭ دۇڭمېي، ئىختىيارىي مۇخبىرلىرىمىز دۇڭ ياگې، چاڭ شۆخۇي خەۋىرى، فوتوسى): لوپنۇر ناھىيەسىدىكى داۋالاش خادىملىرى ۋۇخەندە داۋالاش خادىملىرىنىڭ جىددىي يېتىشمىگەنلىكى، زور مىقداردا جىددىي خادىم تولۇقلاش كېرەكلىكىدىن خەۋەر تاپقاندىن كېيىن، بەس-بەستە جەڭگە قاتنىشىپ ياردەم بېرىشكە ئىلتىماس سۇندى، 26 ياشلىق دۇڭ ياگې شۇلارنىڭ بىرى ئىدى. 2-ئاينىڭ 4-كۈنى، دۇڭ ياگې شىنجاڭنىڭ ھەر قايسى جايلىرىدىكى نۇرغۇن دوختۇرخانىلاردىن ئاجرىتىلغان 100دىن ئارتۇق داۋالاش خادىمى بىلەن بىللە ۋۇخەنگە ئاتلىنىپ، قارشى يۆنىلىشتە يۈرۈپ، پۈتۈن مەملىكەتتىكى كەسىپداشلار بىلەن بىرلىكتە كۈرەش قىلدى. «سالام خەت ئەرزىيدۇ مىڭ تىللاغىمۇ، توختىماي قىلغاچ يۇقۇم ئۈچ ئاي داۋام». ئالدىراشچىلىقتىن سەل بوشىغاندا، دۇڭ ياگې بىر پارچە سالام خەت يېزىپ، ئانىسىدىن ئۆزىنىڭ يولغا چىققاندا يالغان سۆزلىگەنلىكىنى ئەپۇ قىلىشنى ئۆتۈندى.
خەت قىسقا، مۇھەببەت ئۇزۇن، چاسا بۆلمىدە مۇھەببەت بار، شىنجاڭغا يېزىلغان سالام خەتتە تېخىمۇ جاسارەت ۋە كۈچ بار.
