«توردا ئوقۇش باشلاش» پەيتىدە، ئۈرۈمچىدىكى ئوقۇتقۇچىلار ئۆيىدە سىنلىق دەرس تەييارلىدى

　　ئۈرۈمچى شەھىرى سايباغ رايونلۇق ئوقۇتۇش-تەتقىقات ئىشخانىسىنىڭ ئوقۇتقۇچىسى لى يەن ئۆيىدە دەرس تەييارلىماقتا.

　　ئۈرۈمچى شەھىرى سايباغ رايونلۇق ئوقۇتۇش-تەتقىقات ئىشخانىسىنىڭ ئوقۇتقۇچىسى لى يەن ئۆيىدە باشلانغۇچ مەكتەپ 5-يىللىقنىڭ ئەدەبىيات دەرسلىكىنى سىنغا ئالماقتا.

　　تىيانشان تورى خەۋىرى (مۇخبىرىمىز چىن پېڭ خەۋىرى، فوتوسى) 2-ئاينىڭ 15-كۈنى، ئۈرۈمچى شەھىرى سايباغ رايونلۇق ئوقۇتۇش-تەتقىقات ئىشخانىسىنىڭ ئوقۇتقۇچىسى لى يەن باشلانغۇچ مەكتەپ 5-يىللىقنىڭ توردا ئۆتۈلىدىغان ئەدەبىيات دەرسلىكىنى ئۆيىدە سىنغا ئالدى. مۇخبىرنىڭ ئاپتونوم رايونلۇق مائارىپ نازارىتىدىن ئىگىلىشىچە، يۇقۇمنىڭ ئالدىنى ئېلىش-تىزگىنلەش مەزگىلىدە «دەرس توختىسىمۇ ئوقۇشنى توختاتماسلىق، دەرس توختىسىمۇ ئۆگىنىشنى توختاتماسلىق»قا كاپالەتلىك قىلىش ئۈچۈن، ئاپتونوم رايونلۇق مائارىپ نازارىتى ئوقۇتقۇچىلارنى بىر تۇتاش سىنلىق دەرسلىك ئىشلەشكە تەشكىللىگەن بولۇپ، باشلانغۇچ مەكتەپنىڭ 4-يىللىقىدىن تولۇق ئوتتۇرا مەكتەپنىڭ 2-يىللىقىغىچە بولغان ئاساسىي پەنلەرنى ئۆز ئىچىگە ئالىدىكەن. 2-ئاينىڭ 17-كۈنىدىن باشلاپ، شىنجاڭدا تېلېۋىزور ۋە تور قاتارلىق ئۇچۇرلاشقان ۋاسىتىدىن پايدىلىنىپ، ئوتتۇرا-باشلانغۇچ مەكتەپ ئوقۇغۇچىلىرىغا توردا ئوقۇتۇش ئېلىپ بېرىلىدىكەن.