تىيانشان تورى خەۋىرى (ئىختىيارىي مۇخبىرىمىز ما دىڭ خەۋىرى، فوتوسى): يېقىندىن بۇيان، يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ تارقىلىشىغا ئەگىشىپ، شىنجاڭ باقتۇ چېگرادىن كىرىپ-چىقىش چېگرا مۇداپىئەسىنى تەكشۈرۈش پونكىتىدىكى بارلىق خەلق ساقچىلىرى يۇقۇمنىڭ ئالدىنى ئېلىش-تىزگىنلەش، زەربە بېرىشنىڭ بىرىنچى سېپىدە پىداكارلىق بىلەن كۈرەش قىلماقتا. «يۇقۇم بولسا، بىز ئالغا ئىلگىرىلەيمىز؛ يۇقۇم تۈگىمىسە، بىز قايتمايمىز!» يېقىندا، بۇ پونكىتتىكى چېگرا مۇداپىئە تەكشۈرۈش ساقچىسى ۋاڭ شياۋفاڭ قولىدىكى رەسىم قەلىمى ئارقىلىق بىرىنچى سەپتىكى خەلق ساقچىلىرىنىڭ «يۇقۇمغا قارشى تۇرۇش» جەريانىدىكى تەسىرلىك دەقىقىلەرنى خاتىرىلىدى. ھەر بىر دەقىقە شۇنچە تەسىرلىك ھەم ئۇنتۇلغۇسىز ئىدى.
