2-ئاينىڭ 9-كۈنى يېرىم كېچە سائەت 11 ئەتراپىدا، چېن يەنمېي ۋۇجوۋ شەھىرى ۋۇلىڭ يۇقىرى سۈرئەتلىك تاشيولىنىڭ چىقىش ئېغىزىدا ئۆتۈپ كېتىۋاتقان ئاپتوموبىللارنى تىزىملاپ، يولۇچىلارنىڭ بەدەن تېمپېراتۇرىسىنى ئۆلچىمەكتە.
شىنخۇا تورى خەۋىرى: گۇاڭشى ۋۇجوۋ شەھىرى ساڭۋۇ ناھىيەسى چاڭفا مەھەللىسى مەركىزىي دوختۇرخانىسىنىڭ دوختۇرى لى جيەنخۇي 1-ئاينىڭ 28-كۈنىدىن باشلاپ تەشەببۇسكارلىق بىلەن يۇقۇمنىڭ ئالدىنى ئېلىش-تېزگىنلەش بىرىنچى سېپىگە ئاتلىنىپ، ھەر كۈنى بەدەن تېمپېراتۇرىسىنى تەكشۈرۈش نۇقتىسىدا ئۆتكەن-كەچكەن ئاپتوموبىللارنى تىزىملاش، يولۇچىلارنىڭ بەدەن تېمپېراتۇرىسىنى تەكشۈرۈش، سانلىق مەلۇماتلارنى دەل جايىدا يۇقىرىغا يوللاش قاتارلىق خىزمەتلەرنى ئىشلىدى. ئوخشاشلا 1-ئاينىڭ 28-كۈنى، لى جيەنخۇي بىلەن بىر دوختۇرخانىدا سېسترا بولۇپ ئىشلەيدىغان خوتۇنى چېن يەنمېي ئانىسىنىڭ ئۆيىگە قايتىپ دەم ئېلىشتىن ۋاز كېچىپ، دوختۇرخانا باشلىقىدىن تەشەببۇسكارلىق بىلەن تەكشۈرۈش نۇقتىسىغا بېرىپ نۆۋەتچىلىك قىلىشنى تەلەپ قىلدى. «بىز ئەر ـ خوتۇن، تېخىمۇ مۇھىمى سەپداش!» لى جيەنخۇي ئەر-خوتۇن ئىككىسى يۇقۇمنىڭ ئالدىنى ئېلىش بىرىنچى سېپىدە كۈرەش قىلىپ، بىر –بىرىگە كۆڭۈل بۆلدى، لېكىن ئۇلار ئارىسىدا تېخىمۇ كۆپ بولغىنى ئۆزئارا چۈشىنىش ۋە قوللاش بولدى. شىنخۇا ئاگېنتلىقى تارقاتقان (لياۋ ۋېي فوتوسى)
2-ئاينىڭ 9-كۈنى يېرىم كېچە سائەت 12 دە، لى جيەنخۇي ۋۇجوۋ شەھىرى ۋۇلىڭ يۇقىرى سۈرئەتلىك تاشيولىنىڭ چىقىش ئېغىزىدا ئۆتۈپ كېتىۋاتقان ئاپتوموبىللارنى تىزىملاپ، يولۇچىلارنىڭ بەدەن تېمپېراتۇرىسىنى ئۆلچىمەكتە.
2-ئاينىڭ 9-كۈنى يېرىم كېچە سائەت 12 دە، چېن يەنمېي لى جيەنخۇي بىلەن ئىسمېنا ئالماشتۇرۇشنى ئاخىرلاشتۇرۇپ، ئېرىگە قىيمىغان ھالدا قايتتى.
2-ئاينىڭ 9-كۈنى يېرىم كېچە سائەت 11 يېرىم ئەتراپىدا، چېن يەنمېي خىزمەت ۋاقتىدىن پايدىلىنىپ، ئېرى لى جيەنخۇي ئېلىپ كەلگەن قارا شېكەر سۈيىنى ئىچمەكتە.
2-ئاينىڭ 9-كۈنى كېچە سائەت 10 دىن ئاشقاندا، چېن يەنمېي ۋۇجوۋ شەھىرى ۋۇلىڭ يۇقىرى سۈرئەتلىك تاشيولىنىڭ چىقىش ئېغىزىدا خىزمەت تىزىملاش جەدۋىلىنى تولدۇرماقتا.
2-ئاينىڭ 9-كۈنى يېرىم كېچە سائەت 11 دە، لى جيەنخۇي يان تېلېفون ئېكرانىغا قاراپ كىيىملىرىنى رەتلەپ، خوتۇنى چېن يەنمېي بىلەن ئىسمېنا ئالماشتۇرۇشقا تەييارلىق قىلماقتا.
