ئۆزئارا ھەمدەم بولۇش شياۋگەن خەنچۇەندە تۇرۇشلۇق بىر شىنجاڭلىق قېرىنداش پۇل ئىئانە قىلىپ شياۋگەننىڭ يۇقۇمغا قارشى تۇرۇشىغا ياردەم بەردى
2-ئاينىڭ 4-كۈنى، خۇبېي ئۆلكىسىنىڭ شياۋگەن خەنچۇەن شەھىرىدە سودا قىلىۋاتقىنىغا كۆپ يىل بولغان شىنجاڭ خوتەن ۋىلايىتى قاراقاش ناھىيەسىلىك روزىمەمەت ئەبەي خەنچۇەن شەھەرلىك قىزىل كىرىست جەمئىيىتىگە 10 مىڭ يۈەن ئىئانە قىلىپ، يۇقۇمغا قارشى تۇرۇشقا بىر كىشىلىك تۆھپە قوشتى.
ئىگىلىنىشىچە، يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى يۈز بەرگەندىن بۇيان، روزىمەمەت ئەبەي بارلىق كاۋاپ يايمىلىرىنى تاقاپ، بارلىق ئامال-چارىلەر بىلەن «يۇقۇم»غا قارشى جەڭگە بىر كىشىلىك تۆھپە قوشۇشنى ئويلىغان.
خەنچۇەندە 18 يىل تۇرمۇش كەچۈرگەن روزىمەمەت ئەبەي خەنچۇەن شەھەرلىك مىللەت-دىن ئىشلىرى ئىدارىسىنىڭ خىزمەتچى خادىمى جوۋ گورۇڭغا ئۇچۇر يوللاپ، ئۆزىنىڭ خەنچۇەن شەھەرلىك ئۇنىۋېرسال تولۇق ئوتتۇرا مەكتەپنىڭ پەرۋىش كەسپىدە ئوقۇۋاتقان قىزىنىڭ دوختۇرخانىغا بېرىپ ياردەم بېرىش ئارزۇسى بارلىقىنى ئېيتقان.
روزىمەمەت ئەبەينىڭ ئاددىي سۆزىدە مىننەتدارلىق ھېسسىياتى ۋە كۈچلۈك جەمئىيەت مەسئۇلىيىتى تۇيغۇسى بار. ئىگىلىنىشىچە، بۇ قېتىملىقى ئۇنىڭ يۇقۇمغا تاقابىل تۇرۇشقا ئىككىنچى قېتىم پۇل ئىئانە قىلىشى ئىكەن.
«ئۆگىنىش كۈچلۈك دۆلىتى» شىنجاڭ ئۆگىنىش سۇپىسىدىن تەرجىمە قىلىندى
