تىيانشان تورى خەۋىرى: شىنجاڭ ئۇيغۇر ئاپتونوم رايونلۇق سەھىيە-ساغلاملىق كومىتېتىنىڭ ئەڭ يېڭى ئومۇمىي ئۇقتۇرۇشى، 2-ئاينىڭ 8-كۈنى سائەت 0 دىن 24 كىچە، ئاپتونوم رايون (شىنجاڭ ئىشلەپچىقىرىش-قۇرۇلۇش بىڭتۇەنىنىمۇ ئۆز ئىچىگە ئالىدۇ) يېڭى تىپتىكى تاجسىمان ۋىرۇس بىلەن يۇقۇملانغان يەنە ئۈچ ئۆپكە ياللۇغى كېسەللىك مىسالىغا ئېنىق دىياگنوز قويۇلغانلىقىنى دوكلات قىلدى. بۇنىڭ ئىچىدە، بىرى ئۈرۈمچىدە ئېنىق دىياگنوز قويۇلغان كېسەللىك مىسالى، بىرى بايىنغولىن ئوبلاستىدا ئېنىق دىياگنوز قويۇلغان كېسەللىك مىسالى، بىرى ئىلى ئوبلاستىدا ئېنىق دىياگنوز قويۇلغان كېسەللىك مىسالى ئىكەن.
2-ئاينىڭ 8-كۈنى سائەت 24 كىچە، ئاپتونوم رايون (شىنجاڭ ئىشلەپچىقىرىش-قۇرۇلۇش بىڭتۇەنىنىمۇ ئۆز ئىچىگە ئالىدۇ) يېڭى تىپتىكى تاجسىمان ۋىرۇس بىلەن يۇقۇملانغان ئۆپكە ياللۇغى دەپ ئېنىق دىياگنوز قويۇلغان كېسەللىك مىسالىدىن جەمئىي 45 نى دوكلات قىلغان. بۇنىڭ ئىچىدە، شىنجاڭ ئۇيغۇر ئاپتونوم رايونىدا 37سى، شىنجاڭ ئىشلەپچىقىرىش-قۇرۇلۇش بىڭتۇنىدە سەككىزى بار ئىكەن. ئېنىق دىياگنوز قويۇلغان كېسەللىك مىساللىرى ئىچىدە، ئۈرۈمچى شەھىرىدە 20 سى، ئىلى ئوبلاستىدا 10 ى، تۇرپان شەھىرىدە بىرى، ئاقسۇ ۋىلايىتىدە بىرى، سانجى ئوبلاستىدا ئىككىسى، بايىنغولىن ئوبلاستىدا ئۈچى، بىڭتۇەن 7-شىسىدە بىرى، بىڭتۇەن 8-شىسى شىخەنزە شەھىرىدە بىرى، بىڭتۇەن 9-شىسىدە تۆتى، بىڭتۇەن 6-شىسىدە بىرى، بىڭتۇەن 12-شىسىدە بىرى بار ئىكەن. ھازىر ئېغىر كېسەللىك مىسالىدىن 10 ى، خەتەرلىك كېسەللىك مىسالىدىن ئۈچى بار بولۇپ، ئۆلۈپ كەتكەن كېسەللىك مىسالى يوق ئىكەن.
نۆۋەتتە، 3049 كىشى تېببىي كۆزىتىشنى قوبۇل قىلىۋاتىدۇ.
