تىيانشان تورى خەۋىرى: يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ يېڭى تىپتىكى تاجسىمان ۋىرۇس بىلەن يۇقۇملانغان ئۆپكە ياللۇغى يۇقۇمنىڭ ئالدىنى ئېلىش-تىزگىنلەش 1-سېپىدىكى ئاساسىي قاتلام تەشكىلاتلىرى ۋە پارتىيە ئەزالىرى، ئاممىغا بولغان غەمخورلۇقى، مېھىر-مۇھەببىتىنى تولۇق نامايان قىلىش ئۈچۈن، يېقىندا ئاپتونوم رايونلۇق پارتىيە كومىتېتىنىڭ ئورۇنلاشتۇرۇشى بويىچە، ئاپتونوم رايونلۇق پارتىيە كومىتېتى تەشكىلات بۆلۈمى ئاپتونوم رايونلۇق پارتىيە كومىتېتىغا ۋاكالىتەن باشقۇرۇۋاتقان پارتىيە ئەزالىق بەدەل پۇلىدىن مەخسۇس تۈر مەبلىغى ئورۇنلاشتۇردى، بۇنىڭغا مەركىزىي كومىتېت تەشكىلات بۆلۈمى ئاجراتقان پارتىيە ئەزالىق بەدەل پۇلىنى قوشقاندا جەمئىي 4 مىليون 700 مىڭ يۈەن بولغان بولۇپ، بۇ پۇل 14 ۋىلايەت، ئوبلاست، شەھەر، شىنجاڭ ئىشلەپچىقىرىش-قۇرۇلۇش بىڭتۇەنىدىكى ئاساسىي قاتلام پارتىيە تەشكىلاتلىرى ۋە كەڭ كومپارتىيە ئەزالىرىنىڭ يۇقۇمنىڭ ئالدىنى ئېلىش-تىزگىنلەش خىزمىتىنى ياخشى ئىشلىشىگە ئىشلىتىلىدۇ.
ئاپتونوم رايونلۇق پارتىيە كومىتېتى تەشكىلات بۆلۈمى پۈتۈن ئاپتونوم رايوندىكى ئاساسىي قاتلام پارتىيە تەشكىلاتلىرى ۋە كەڭ كومپارتىيە ئەزالىرىدىن باش شۇجى شى جىنپىڭنىڭ مۇھىم كۆرسەتمىسىنىڭ روھى ۋە پارتىيە مەركىزىي كومىتېتىنىڭ تەدبىر-ئورۇنلاشتۇرمىلىرىنى قەتئىي ئىزچىلاشتۇرۇپ، ئەمەلىيلەشتۈرۈپ، ئاپتونوم رايونلۇق پارتىيە كومىتېتىنىڭ خىزمەت ئورۇنلاشتۇرۇشى بويىچە، يۇقۇمنىڭ ئالدىنى ئېلىش-تىزگىنلەش خىزمىتىنى نۆۋەتتىكى ئەڭ مۇھىم خىزمەت سۈپىتىدە چىڭ تۇتۇپ، رەھبىرىي كادىرلارنىڭ نەمۇنىلىك رولى، ئاساسىي قاتلام پارتىيە تەشكىلاتلىرىنىڭ جەڭگىۋار قورغانلىق رولى ۋە پارتىيە ئەزالىرىنىڭ ئاۋانگارت نەمۇنىلىك رولىنى تولۇق جارى قىلدۇرۇپ، ئەسلىي مەقسەتنى ئۇنتۇماي، بۇرچنى ئەستە چىڭ ساقلاپ، خېيىم-خەتەردىن قورقماي، باتۇرلارچە كۈرەش قىلىشنى، ئىلمىي ئالدىنى ئېلىش، دەل جايىدا تەدبىر قوللىنىش ئارقىلىق پارتىيە بايرىقىنى يۇقۇمنىڭ ئالدىنى ئېلىش-تىزگىنلەشنىڭ 1-سېپىدە جەۋلان قىلدۇرۇپ، يۇقۇمنىڭ ئالدىنى ئېلىش–تىزگىنلەشتىن ئىبارەت بۇ مەيدان جەڭدە قەتئىي غەلىبە قىلىپ، پۈتۈن ئاپتونوم رايوندىكى ھەر مىللەت خەلقنىڭ ھاياتىي بىخەتەرلىكى ۋە جىسمانىي ساغلاملىقىنى كاپالەتكە ئىگە قىلىشنى تەلەپ قىلدى.
