تىيانشان تورى خەۋىرى (مۇخبىرىمىز گو لىڭ خەۋىرى): ئەڭ يېڭى خەۋەرگە قارىغاندا، ھەق ئېلىنىدىغان تاشيوللاردا كىچىك تىپتىكى يولۇچىلار ئاپتوموبىللىرىنىڭ يول يۈرۈش ھەققىنى كەچۈرۈم قىلىش ۋاقتى 2-ئاينىڭ 2-كۈنى سائەت 24كىچە ئۇزارتىلغان.
1-ئاينىڭ 28-كۈنى مۇخبىرنىڭ ئاپتونوم رايونلۇق قاتناش-تىرانسپورت نازارىتىدىن ئىگىلىشىچە، «گوۋۇيۈەننىڭ قاتناش-تىرانسپورت مىنىستىرلىقى قاتارلىق تارماقلارنىڭ ھېيت، بايرام مەزگىلىدە كىچىك تىپتىكى يولۇچىلار ئاپتوموبىللىرىنىڭ يول يۈرۈش ھەققىنى كەچۈرۈم قىلىشنى يولغا قويۇش لايىھەسىنى تەستىقلاپ تارقىتىش توغرىسىدىكى ئۇقتۇرۇشى»(گوۋۇيۈەن تارقاتقان [2012] 37-نومۇرلۇق) ۋە «گوۋۇيۈەن بەنگۇڭتىڭىنىڭ 2020-يىللىق چاغانلىق دەم ئېلىش ۋاقتىنى ئۇزارتىش توغرىسىدىكى ئۇقتۇرۇشى»(گوۋۇيۈەن بەنگۇڭتىڭى تارقاتقان تېلېگرامما [2020] 1-نومۇرلۇق)دىكى تەلەپكە ئاساسەن، ھەق ئېلىنىدىغان تاشيوللاردا كىچىك تىپتىكى يولۇچىلار ئاپتوموبىللىرىنىڭ ھەقسىز يۈرۈش ۋاقتىنى 2-ئاينىڭ 2-كۈنى سائەت 24كىچە ئۇزارتىش قارار قىلىنغان.
ئەسلىدىكى يەتتە كىشلىكتىن تۆۋەن(يەتتە كىشلىكنىمۇ ئۆز ئىچىگە ئالىدۇ) كىچىك تىپتىكى يولۇچىلار ئاپتوموبىلىنىڭ يۈرۈش ۋاقتى 2020-يىلى 1-ئاينىڭ 24-كۈنى سائەت 0دە باشلىنىپ، 1-ئاينىڭ 30-كۈنى سائەت 24تە ئاخىرلىشاتتى، ھازىر 2-ئاينىڭ 2-كۈنى سائەت 24كىچە ئۇزارتىلدى.
