يۇقۇم ئەھۋالى يامان ئەلپازدا يېتىپ كەلدى، جايلار پۈتۈن كۈچى بىلەن يۇقۇمنىڭ ئالدىنى ئالماقتا ۋە ئۇنى تىزگىنلىمەكتە، نۇرغۇن كىشى بىرىنچى سەپتە پىداكارلىق بىلەن جەڭ قىلماقتا. بۇ ھالقىلىق پەيتتە، بەزىلەر «ئىنتايىن ئامالسىز قېلىۋاتقان»لىقىنى مۇبالىغە قىلىپ، ساراسىمە كەيپىياتىنى كۈچەيتىپ، تورداشلارنىڭ نارازىلىقىنى قوزغىدى. يۇقۇم ئەھۋالى ئالدىدا، ئىرادىنى چىڭىتىپ، ئەقلىي پسىخىكىلىق ھالەتنى ساقلاش ناھايىتى مۇھىم. ئۇنىڭغا يۈكسەك ئەھمىيەت بېرىش، لېكىن ساراسىمىگە چۈشۈپ قالماسلىق، تېخىمۇ مۇھىمى ئۆز-ئۆزىنى بوشاشتۇرۇپ قويماسلىق، ئۆز-ئۆزىنى پاراكەندە قىلماسلىق كېرەك. نۆۋەتتە ئەڭ تەخىرسىز بولغىنى، ھەممەيلەن كۈچىنىڭ بارىچە مەسئۇلىيىتىنى ئادا قىلىپ، تۈرلۈك ئالدىنى ئېلىش، تېزگىنلەش تەدبىرلىرىنى دەل جايىدا ئەمەلىيلەشتۈرۈپ، يۇقۇمنىڭ يامراش ۋەزىيىتىنى قەتئىي توسۇش. يۇقۇمنىڭ ئالدىنى ئېلىش ۋە ئۇنى تىزگىنلەشكە بولغان ئىشەنچنى كۈچەيتىش، غەيرەتنى ئاشۇرۇشلا جەمئىيەت ئېھتىياجلىق بولۇۋاتقان ئاكتىپ كۈچتۇر.
