شىنجاڭ گېزىتى پۈتۈن تاراتقۇ مۇخبىرى چاۋ جىن خەۋەر قىلىدۇ: 1 - ئاينىڭ 23 - كۈنى، ئاپتونوم رايونلۇق سەھىيە - ساغلاملىق كومىتېتى شىنجاڭدا يېڭى تىپتىكى تاجسىمان ۋىرۇس بىلەن يۇقۇملانغان ئىككى ئۆپكە ياللۇغى كېسەللىك مىسالىغا ئېنىق دىياگنوز قويۇلغانلىقىنى تۇنجى قېتىم جەزملەشتۈردى.
ئاغرىق لىx، ئەر، 47 ياش، 1 - ئاينىڭ 15 - كۈنى ۋۇخەنگە ئۆگىنىشكە بارغان، 1 - ئاينىڭ 20 - كۈنى شىنجاڭغا قايتقاندىن كېيىن قىزىش، ماغدۇرسىزلىنىش، مۇسكۇلى سىرقىراپ ئاغرىش سەۋەبىدىن دوختۇرخانىغا كىرىپ ئايرىپ داۋالانغان. دۆلەت ۋە ئاپتونوم رايونلۇق كېسەلنى كونترول قىلىش مەركىزى ۋىرۇسنى نۇكلېئىك كىسلاتالىق تەكشۈرۈپ ئۆلچىگەندە، نەتىجىسى مۇسبەت بولۇپ چىققان. 1 - ئاينىڭ 23 - كۈنى، ئاپتونوم رايونلۇق سەھىيە - ساغلاملىق كومىتېتى يۇقۇمنىڭ ئالدىنى ئېلىش - تىزگىنلەش رەھبەرلىك گۇرۇپپىسى دىياگنوز قويۇش مۇتەخەسسىسلەر گۇرۇپپىسى بۇ كېسەللىك مىسالىنىڭ يېڭى تىپتىكى تاجسىمان ۋىرۇس بىلەن يۇقۇملانغان ئۆپكە ياللۇغى دەپ ئېنىق دىياگنوز قويۇلغان كېسەللىك مىسالى ئىكەنلىكىنى باھالاپ جەزملەشتۈردى. ھازىر، بۇ ئاغرىق داۋاملىق بېكىتىلگەن دوختۇرخانىدا ئايرىپ داۋالىنىۋاتىدۇ، كېسەللىك ئەھۋالى تۇراقلىق.
ئاغرىق گۇx، ئەر، 52 ياش، ئۇزاق مەزگىل ۋۇخەندە خىزمەت قىلغان، 1 - ئاينىڭ 19 - كۈنى شىنجاڭغا قايتقاندىن كېيىن قىزىش، ماغدۇرسىزلىنىش، مۇسكۇلى سىرقىراپ ئاغرىش سەۋەبىدىن دوختۇرخانىغا كىرىپ ئايرىپ داۋالانغان. دۆلەت ۋە ئاپتونوم رايونلۇق كېسەلنى كونترول قىلىش مەركىزى ۋىرۇسنى نۇكلېئىك كىسلاتالىق تەكشۈرۈپ ئۆلچىگەندە، نەتىجىسى مۇسبەت بولۇپ چىققان. 1 - ئاينىڭ 23 - كۈنى، ئاپتونوم رايونلۇق سەھىيە - ساغلاملىق كومىتېتى يۇقۇمنىڭ ئالدىنى ئېلىش - تىزگىنلەش رەھبەرلىك گۇرۇپپىسى دىياگنوز قويۇش مۇتەخەسسىسلەر گۇرۇپپىسى بۇ كېسەللىك مىسالىنىڭ يېڭى تىپتىكى تاجسىمان ۋىرۇس بىلەن يۇقۇملانغان ئۆپكە ياللۇغى دەپ ئېنىق دىياگنوز قويۇلغان كېسەللىك مىسالى ئىكەنلىكىنى باھالاپ جەزملەشتۈردى. ھازىر، بۇ ئاغرىق داۋاملىق بېكىتىلگەن دوختۇرخانىدا ئايرىپ داۋالىنىۋاتىدۇ، كېسەللىك ئەھۋالى تۇراقلىق.
ئاپتونوم رايونىمىز ئىككى ئاغرىق بىلەن قويۇق ئۇچراشقان ئۈچ كىشىنى ئايرىپ تېببېي كۆزىتىشنى قانات يايدۇردى، نۆۋەتتە قىزىش قاتارلىق نورمالسىز ئەھۋاللار كۆرۈلمىدى.
