تىيانشان تورى   ›   خەۋەر مەركىزى   ›   مەدەنىيەت - ساياھەت

توقسۇ ناھىيەسىدە چاڭغا تېيىلىش قىزغىنلىقى كۆتۈرۈلدى

  تىيانشان تورى خەۋىرى (مۇخبىرىمىز پەن تىڭ، ئىختىيارىي مۇخبىر ليەن شۆتىڭ خەۋىرى): 1-ئاينىڭ 1-كۈنى، ئاقسۇ ۋىلايىتى توقسۇ ناھىيەسىنىڭ قۇملۇق گۈل دېڭىزى مەنزىرە رايونىدىكى قار تېيىلىش مەيدانى تىجارەت باشلىدى، نۇرغۇن ساياھەتچى بۇ يەرگە كېلىپ سەيلە-ساياھەت ۋە تاماشا قىلدى.

  شۇ كۈنى، توقسۇ ناھىيەسى بىڭخۇ مەھەللىدىكى ئاھالە گۇەن فېيفېي مۇز ئۈستى سوقۇلۇش ئاپتوموبىلى، توكلۇق چانا قاتارلىق كۆڭۈل ئېچىش تۈرلىرىنى ئوينىدى. ئۇ مۇنداق دېدى: «يېقىنقى يىللاردىن بۇيان، توقسۇنىڭ ساياھەت تۈرلىرى بارغانسېرى كۆپەيدى، بۇ يىل ئىشىكىمىز ئالدىدىلا قار تېيىلغىلى بولىدىغان بولدى، ھەقىقەتەن بەك خۇشال بولدۇم».

  سىچۇەنلىك ساياھەتچى ماۋ يۈەنخۇي مۇنداق دېدى: «قۇملۇقتا قار-مۇز مەدەنىيىتىنى ھېس قىلىپ كۆرسە مەنىلىك بولىدىكەن».

  توقسۇ ناھىيەسى قۇملۇق گۈل دېڭىزى مەنزىرە رايونىنىڭ باش دىرېكتورى لى گۇيخەي تونۇشتۇرۇپ مۇنداق دېدى: قار تېيىلىش مەيدانىنىڭ يەر كۆلىمى 150 مو، سېلىنغان مەبلەغ جەمئىي 2 مىليون يۈەن، مەيدان ئىچىدە توكلۇق چانا، قار تېيىلىش ئاپتوموبىلى، مۇز ئۈستى ئايلانما ئاپتوموبىلى، مۇز ئۈستى سوقۇلۇش ئاپتوموبىلى، چاڭغا تېيىلىش چەمبىرىكى، بالىلار قار تېيىلىش ئاپتوموبىلى قاتارلىق 20 نەچچە خىل كۆڭۈل ئېچىش تۈرى بولۇپ، ساياھەتچىلەرنىڭ ياقتۇرۇشىغا ئېرىشتى.

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • جەڭ
  • دېھقانچىلىقنىڭ ئالدىراش مەزگىلى بىلەن يۇقۇمنىڭ ئالدىنى ئېلىش ئىككىلىسىگە دەخلى يەتكۈزمەسلىك
  • 【ئىرادىدىن سېپىل ھاسىل قىلىپ، يۇقۇمنىڭ ئالدىنى ئېلىش-تىزگىنلەش، توسۇپ زەربە بېرىش جېڭىدە غەلىبە قىلايلى】 مېۋە-چېۋە ئىئانە قىلىپ، يۇقۇمغا تاقابىل تۇرۇشقا ياردەم بېرىش