تىيانشان تورى   ›   خەۋەر مەركىزى   ›   شىنجاڭ

شىنجاڭدىكى تۇنجى فوتو ئىسسىقلىق ئېلېكتىر ئىستانسىسى ئېلېكتىر تورىغا بىرىكتۈرۈلۈپ توك چىقىرىپ ئىشقا كىرىشتۈرۈلدى

  تىيانشان تورى خەۋىرى (مۇخبىر جاڭ دۇڭمېي، ئىختىيارىي مۇخبىر خۇ پېيگېن، لى خۇا، ساۋ رۈيدې خەۋىرى، فوتوسى): 2019-يىلى 12-ئاينىڭ 30-كۈنى سائەت نۆلدە، شىنجاڭدىكى تۇنجى قۇياش ئېنېرگىيەلىك فوتو ئىسسىقلىق ئېلېكتىر ئىستانسىسى شىنجاڭ ئېلېكتىر تورىغا بىرىكتۈرۈلۈپ توك چىقىرىپ ئىشقا كىرىشتۈرۈلدى.

  1-ئاينىڭ 2-كۈنى، مۇخبىرنىڭ دۆلەت ئېلېكتىر تورى قومۇل توك بىلەن تەمىنلەش شىركىتىدىن ئىگىلىشىچە، قومۇل ئېلىمىزنىڭ قۇياش ئېنېرگىيەسى بايلىقى ئەڭ ياخشى بولغان رايونلارنىڭ بىرى بولۇپ، چۆللۈك، ئوتلاق كۆلىمى چوڭ، پايدىلىنىشقا بولىدىغان يەر كۆلىمى كەڭ، ئېلىمىزنىڭ فوتو ئىسسىقلىقىنى ئېچىش شارائىتى ئەڭ ياخشى بولغان رايونلارنىڭ بىرى ئىكەن. بۇ فوتو ئىسسىقلىق ئېلېكتىر ئىستانسىسى قومۇل شەھىرى ئاراتۈرۈك ناھىيەسىنىڭ نوم بازىرى تەۋەسىگە جايلاشقان بولۇپ، دۆلەتنىڭ تۇنجى تۈركۈمدىكى فوتو ئىسسىقلىق توك تارقىتىش ئۈلگە كۆرسىتىش تۈرلىرىنىڭ بىرى، شۇنداقلا شىنجاڭدىكى تۇنجى فوتو ئىسسىقلىقى توك تارقىتىش ئۈلگە كۆرسىتىش تۈرى ھېسابلىنىدۇ. بۇ تۈرنى جۇڭگو ئېنېرگىيە قۇرۇلۇش گۇرۇھى چەكلىك شىركىتى مەبلەغ سېلىپ قۇرغان بولۇپ، 2017-يىلى 10-ئاينىڭ 19-كۈنى رەسمىي قۇرۇلۇش باشلانغان، تۇنجى قارارلىق قۇرۇلۇش 50 مىڭ كىلوۋات ئىكەن.

مەسئۇل مۇھەررىر : مىھرىگۈل ناسىر

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • ئۈرۈمچى: خەلققە قولايلىق بازار ئېچىلدى ئاھالىلەر كۆڭۈلدىكىدەك مال سېتىۋالدى
  • شىنجاڭ خەلقئارا چوڭ بازار مەنزىرە رايونىدا تىجارەت باشلاندى!
  • «مەملىكەتلىك پەننى ئومۇملاشتۇرۇش كۈنى» شىنجاڭ ئاساسىي مەيدان پائالىيىتى قوزغىتىلدى