ئولتۇراقلىشىشقا ماس كېلىدىغان شەھەر ـــ قەشقەر

2019- يىلى 8- ئاينىڭ 21- كۈنى، قەشقەر شەھىرى دۇڭخۇ باغچىسى مەنزىرە بەلبېغى.   (شىنجاڭ گېزىتى مۇخبىرى ئۆتكۈر نىجات فوتوسى)

20-ئەسىرنىڭ 50- يىللىرىدىكى قەشقەر دۇڭخۇ كۆلى. (شىنجاڭ سۈرەتلەر توپلىمى)

قەشقەر شەھىرى قەدىمىي يىپەك يولىدىكى مۇھىم شەھەر، ئېلىمىزنىڭ غەربكە ئېچىۋېتىشىدىكى مۇھىم كۆزنىكى، 1952- يىلى شەھەر قىلىپ قۇرۇلغان. قەشقەر شەھىرى 1984- يىلى دۆلەت B دەرىجىلىك سىرتقا ئېچىۋېتىلگەن شەھەر، دۆلەت دەرىجىلىك تارىخىي مەدەنىيەت شەھىرى، جۇڭگو مۇنەۋۋەر ساياھەت شەھىرى بولۇپ باھالانغان. قەشقەر شەھىرى «قەشقەرگە بارمىسا، شىنجاڭغا بارغان ھېسابلانمايدۇ» دېگەن گۈزەل نامغا، دۇنيا دەرىجىلىك ساياھەت مەنزىلى بەرپا قىلىدىغان سۈپەتكە ئىگە.

يېقىنقى يىللاردا، قەشقەر شەھىرى ساياھەت مەركىزىي شەھىرى ئېكولوگىيەلىك مۇھىت قۇرۇلۇشىىنى ئۈزلۈكسىز كۈچەيتتى، ئاھالىلەرنىڭ تۇرمۇش سۈپىتىنى ياخشىلىدى، ئىلگىرى-كېيىن بولۇپ تۈمەن دەرياسىنىڭ شەھەر رايونى بۆلىكىنى ئۆزگەرتىش، كۆكەرتىش ھەمدە يار باغ كۆۋرۈكى، كوزىچى يار بېشى، تۈمەن باغچىسى، دۇڭخۇ باغچىسى قاتارلىقلارنىڭ مەنزىرە قۇرۇلۇشىنى تاماملىدى. يېڭىدىن قوشۇلغان سۇ رايونى 3000 موغا يېقىنلاشتى. تۈمەن دەرياسى، قىزىل دەرياسى، دايالاڭ، شياۋيالاڭ، دۇڭخۇ كۆلى، بېيخۇ كۆلىدىن ئىبارەت ئالتە چوڭ سۇ سىستېمىسى باغچىسى قۇردى. %30.8لىك قۇرۇلغان رايون كۆكەرتىلىش نىسبىتى ۋە %35.63لىك شەھەرنىڭ يېشىللىق بىلەن قاپلىنىش نىسبىتى قەشقەر شەھەر ئاھالىلىرىنىڭ تۇرمۇش سۈپىتىنى يەنىمۇ ئۆستۈردى. ھازىرغىچە، قەشقەر شەھىرىدە A دەرىجىلىك مەنزىرە رايونىدىن جەمئىي توققۇزى بار، بۇنىڭ ئىچىدە قەشقەر قەدىمىي شەھىرى دۆلەت ساياھەت ئىدارىسى تەرىپىدىن 5A دەرىجىلىك مەنزىرە رايونى بولۇپ باھالاندى.