خەلق تورى خەۋىرى: بېيجىڭ ۋاقتى 2-ئاينىڭ 28-كۈنى، خەلقئارا ۋاسكېتبولچىلار بىرلەشمىسى دۇنيا لوڭقىسى ئىجتىمائىي ئالاقە سۇپىسىدا 2019-يىللىق دۇنيا لوڭقىسى ۋاسكېتبول مۇسابىقىسىدە ئىشلىتىلىدىغان ۋاسكېتبولنى رەسمىي ئېلان قىلدى.
18-نۆۋەتلىك ئەرلەر ۋاسكېتبول دۇنيا لوڭقىسى مۇسابىقىسى 2019-يىلى 8-ئاينىڭ 31-كۈنىدىن 9-ئاينىڭ 15-كۈنىگىچە ئېلىمىزنىڭ بېيجىڭ، شاڭخەي، گۇاڭجۇ، شېنجېن، نەنجىڭ، ۋۇخەن، دۇڭگۇەن ۋە فۇشەن قاتارلىق سەككىز شەھىرىدە ئۆتكۈزۈلىدۇ، مۇسابىقىگە قاتنىشىدىغان كوماندىلارمۇ تۇنجى قېتىم 24 كوماندىدىن 32 كوماندىغا كېڭەيتىلىدۇ. NBAنىڭ داڭلىق ۋاسكېتبول چولىپىنى كوبى برايىن 2019-يىللىق دۇنيا لوڭقىسى ۋاسكېتول مۇسابىقىسىنىڭ يەرشارىۋى ئەلچىسى بولىدۇ. بېيجىڭ ۋاقتى 3-ئاينىڭ 16-كۈنى، 2019-يىللىق دۇنيا لوڭقىسى ۋاسكېتبول مۇسابىقىسىنىڭ چەك تارتىپ گۇرۇپپىلارغا ئايرىش مۇراسىمى شېنجېن قولتۇقى تەنتەربىيە مەركىزىدە ئۆتكۈزۈلىدۇ.
