جۇڭگو ئاخبارات تورى 3-ئاينىڭ 8-كۈنى خەۋىرى: ھىندىستاننىڭ جەنۇبىغا جايلاشقان خۇبلى كەنتىدىكى ئىككى ياشلىق سامراز بانگارى ئىسىملىك بىر بالا بىر توپ مايمۇنلار بىلەن « دوستلۇق» ئورناتقان. بۇ مايمۇنلار ھەر كۈنى سامرازنى«يوقلاپ» تۇرىدىغان بولۇپ، بەزىلىرى ھەر كۈنى سەھەر سائەت ئالتە بىلەنلا سامرازنىڭ ئىشىك ئالدىغا كېلىپ ئۇنى ئويغۇتىدىكەن. سامراز ھەر كۈنى يەسلىدىن قايتقاندا مايمۇنلار ئۇنىڭ ئۆيىنىڭ ئىشىك ئالدىدا ئۇنىڭ كېلىشىنى كۈتىدىكەن، بۇ چاغدا سامراز ئاشخانا ئۆيىدىن لىق بىر خالتا يېمەكلىك ئېلىپ چىقىپ، ئۇلار بىلەن بىرلىكتە ھەمبەھرىلىنىدىكەن.
