تەڭرىتاغ تورى   ›   خەۋەر مەركىزى   ›   ئۈرۈمچى

پارتىيە قۇرۇلتىيىنىڭ ۋەكىلى ساقچىلارغا پارتىيە 19 - قۇرۇلتىيىنىڭ روھىنى تەشۋىق قىلدى

  مۇخبىرىمىز سۈي يۈنيەن

  ئۈرۈمچى شەھەرلىك جامائەت خەۋپسىزلىكى ئىدارىسى ئالاھىدە ساقچى 8 - ئەترىتى 11 - ئاينىڭ 2 - كۈنى پارتىيە 19 - قۇرۇلتىيىنىڭ ۋەكىلى، ئۈرۈمچى ناھىيەسى شۇيشىگو بازىرى فاڭجياجۇاڭ كەنتى كەنت ئاھالە كومىتېتىنىڭ مۇدىرى خەي جۈنى تەكلىپ قىلىپ، ساقچىلارغا بىر مەيدان لېكسىيە ئورۇنلاشتۇردى.

  خەي جۈ ساقچىلارغا «جۇڭگوچە سوتسىيالىزمنىڭ يېڭى دەۋرگە قەدەم قويغانلىقى»، «شى جىنپىڭ يېڭى دەۋر جۇڭگوچە سوتسىيالىزم ئىدىيەسى»، «ئېلىمىز جەمئىيىتىدىكى ئاساسلىق زىددىيەتنىڭ ئۆزگەرگەنلىكى»، «ئومۇميۈزلۈك سوتسىيالىستىك زامانىۋىلاشقان دۆلەت قۇرۇش يېڭى مۇساپىسىنىڭ باشلانغانلىقى» قاتارلىق پارتىيە 19 - قۇرۇلتىيىدىكى ئەڭ يېڭى بايانلارنى چۈشەندۈردى. ئۇنىڭ جەلپ قىلارلىق ۋە چۈشىنىشلىك لېكسىيەسىنى ئاڭلىغان ساقچىلار ئالقىش سادالىرىنى ياڭراتتى.

  لېكسىيەنى ئاڭلىغاندىن كېيىن ساقچىلارنىڭ پارتىيە 19 - قۇرۇلتىيىغا بولغان چۈشەنچىسى تېخىمۇ چوڭقۇرلاشتى. دۆلىتىمىزنىڭ كەلگۈسى تەرەققىياتىغا بولغان ئىشەنچى تېخىمۇ ئاشتى. ساقچىلار بىردەك، شىنجاڭنىڭ ئىجتىمائىي مۇقىملىقىنى قوغدايدىغان تايانچ كۈچ بولۇش سۈپىتى بىلەن ھەر ۋاقىت خەلقنى قەلبىگە پۈكۈپ، مەسئۇلىيەتنى دادىل زىممىسىگە ئالىدىغانلىقىنى بىلدۈردى.

  46 ياشلىق خەي جۈ ئۈرۈمچى ناھىيەسىدىكى ئاساسىي قاتلامدىن كەلگەن پارتىيە قۇرۇلتىيىنىڭ ۋەكىلى بولۇپ، ئىلگىرى - ئاخىر بولۇپ، ئاپتونوم رايون ۋە ئۈرۈمچى شەھىرى بويىچە «8 - مارت قىزىل بايراقدارى»، «ئەمگىكىگە تايىنىپ بېيىش باشلامچىسى» قاتارلىق شەرەپلەرگە ئېرىشكەن. ئۇ مۇنداق دېدى: پارتىيە قۇرۇلتىيىنىڭ ئاساسىي قاتلامدىكى ۋەكىلى بولۇش سۈپىتىم بىلەن قۇرۇلتاي روھىنى چوڭقۇر ئۆگىنىپ ئىزچىللاشتۇرىمەن، بولۇپمۇ، پارتىيە 19 - قۇرۇلتىيىدىكى «يېزا ئىگىلىكى، يېزا، دېھقانلار»غا مۇناسىۋەتلىك مەزمۇنلارنى چوڭقۇر ئۆگىنىپ، پارتىيە ئەزالىرى يىغىنى، كەنت ئاھالىلىرى يىغىنلىرىدا، ئۆيلەرگە كىرىپ نوپۇس تىزىملاش جەريانىدا تەشۋىق قىلىش قاتارلىق ھەر خىل شەكىللەر ئارقىلىق پارتىيە 19 - قۇرۇلتىيىنىڭ روھىنى ئەڭ ئاساسىي قاتلامغىچە ئىزچىللاشتۇرىمەن.

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • جۇڭگو ـ ياۋروپا نۆۋەتچى پويىزى ئېچىۋېتىش يولىنى بارغانسېرى كېڭەيتمەكتە
  • تەڭرىتاغ بوغدا كۆلى مەنزىرە رايونى ساياھەتچىلەرگە لىق تولدى
  • ھەر مىللەت ئامما بايرامنى خۇشال ئۆتكۈزدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى