زامانىۋىلاشتۇرۇشنى چىڭ كۆزلەپ، ئىسلاھاتنى يەنىمۇ چوڭقۇرلاشتۇرۇش

شىنجاڭدا زامانىۋى ئەشيا ئوبوروتى يۈرۈشۈش سىستېمىسى شەكىللەندى

نۆۋەتتە، شىنجاڭدا «يول + تۈگۈن + تور» زامانىۋى ئەشيا ئوبوروتى يۈرۈشۈش سىستېمىسى ئاساسىي جەھەتتىن شەكىللەنگەن. 2019 ـ يىلى دۆلەت ئەشيا ئوبوروتى تۈگۈنى قۇرۇلۇشى باشلانغاندىن بۇيان، شىنجاڭدا دۆلەت ئەشيا ئوبوروتى تۈگۈنىدىن توققۇزى قۇرۇلغان. «دۆلەت ئەشيا ئوبوروتى تۈگۈنى تورى قۇرۇلۇشىنى يولغا قويۇش لايىھەسى (2021 ـ يىلىدىن 2025 ـ يىلىغىچە)»گە ئاساسەن، «14 ـ بەش يىل»دا دۆلىتىمىز «يول + تۈگۈن + تور» زامانىۋى ئەشيا ئوبوروتى يۈرۈشۈش سىستېمىسىنى بەرپا قىلىدۇ.

دۆلىتىمىز تۇنجى قېتىم قۇرۇقلۇق يولى ئارقىلىق شىمالىي مۇز ئوكيان تىرىك دىۋاڭ قىسقۇچپاقىسىنى ئىمپورت قىلدى

10 ـ ئاينىڭ 30 ـ كۈنى، شىمالىي مۇز ئوكياندىن كەلتۈرۈلگەن 20 توننا تىرىك دىۋاڭ قىسقۇچپاقىسى جېمىنەي پورتى ئارقىلىق چېگرادىن كىرگۈزۈلگەن، بۇ، دۆلىتىمىزنىڭ تۇنجى قېتىم قۇرۇقلۇق يولى تىرانسپورت شەكلى ئارقىلىق شىمالىي مۇز ئوكيان تىرىك سۇ ھايۋانلىرىنى ئىمپورت قىلىشى بولۇپ، شىمالىي مۇز ئوكياندىن دۆلىتىمىزگە بىۋاسىتە تۇتىشىدىغان قۇرۇقلۇق يولى ئارقىلىق ئىمپورت قىلىش يولى ماس قەدەمدە ئېچىلغان.

شىنجاڭ ئەركىن سودا سىناق رايونى تاشقى پېرېۋوت NRA ھېساباتىنى ئاددىيلاشتۇرۇپ پېرېۋوت راسچوتى قىلىشنى ئىشقا ئاشۇردى

تاشقى پېرېۋوت پۇل مۇئامىلىسىدىكى «بېرىش، باشقۇرۇش، مۇلازىمەت قىلىش» ئىسلاھاتىنى چوڭقۇرلاشتۇرۇشتىكى باشلامچىلارنىڭ بىرى بولۇش سۈپىتى بىلەن، جۇڭگو بانكىسى شىنجاڭ شۆبە بانكىسى پۇل مۇئامىلە مۇلازىمەت ئەندىزىسىنى ئۈزلۈكسىز ئەلالاشتۇرۇپ، پۇل مۇئامىلە مەھسۇلاتلىرىدا يېڭىلىق يارىتىپ، جۇڭگو (شىنجاڭ) ئەركىن سودا سىناق رايونى بازار ئاساسىي گەۋدىسىنىڭ چېگرا ھالقىغان سودا ۋە مەبلەغ سېلىش، مەبلەغ يۈرۈشتۈرۈش پائالىيىتىنىڭ قولايلىقلىقىنى ئۆستۈرۈپ، تىجارەت ـ سودا مۇھىتى ياخشى، مەبلەغ سېلىش، سودىغا قولايلىق بولغان يۇقىرى ئۆلچەملىك ئەركىن سودا سىناق رايونى بەرپا قىلىشقا كۈچ قوشتى. لى جىڭ مۇنداق بىلدۈردى: كەلگۈسىدە بانكىمىز دىققەتنى شىنجاڭنىڭ ئۆزگىچە رايون ئورنى ئەۋزەللىكىگە مەركەزلەشتۈرۈپ، سىجىل تۈردە چەت ئەلگە ئالاقىدار ئاساسىي گەۋدىلەرنى قولايلىق، يۇقىرى ئۈنۈملۈك چېگرا ھالقىغان پۇل مۇئامىلە مۇلازىمىتى بىلەن تەمىنلەيدۇ.

«ئۈچ ھېسابات» پۇختا ئىشلەندى، كىرىمنى ئاشۇرۇش يولى تېخىمۇ كېڭەيدى− شىنجاڭنىڭ يېزا كوللېكتىپىنىڭ «ئۈچ مۈلۈك»ىنى باشقۇرۇشنى كۈچەيتىشىگە نەزەر

يېزا كوللېكتىپىنىڭ مەبلەغ، بايلىق، مۈلۈكتىن ئىبارەت «ئۈچ مۈلۈك»ى دېھقانلارنىڭ جانىجان مەنپەئىتىگە مۇناسىۋەتلىك بولۇپ، يېزا - كەنتلەرنى گۈللەندۈرۈشنى ئومۇميۈزلۈك ئالغا سىلجىتىشنىڭ مۇھىم ماددىي ئاساسى. شىنجاڭدا، يېزا كوللېكتىپىنىڭ «ئۈچ مۈلۈك»ىنى باشقۇرۇشى بىرقەدەر ياخشى بولغان كەنتلەردە، دېھقانلارنىڭ كىشى بېشى ئوتتۇرىچە كىرىمى ئومۇميۈزلۈك 20 مىڭ يۈەندىن ئېشىپ، پۈتۈن شىنجاڭنىڭ ئوتتۇرىچە سەۋىيەسىدىن كۆرۈنەرلىك يۇقىرى بولدى، بۇ، «ئۈچ مۈلۈك»نى باشقۇرۇشنىڭ كەنت كوللېكتىپىنىڭ ئىگىلىك باشقۇرۇش ھاياتىي كۈچىنى ئاشۇرۇش، دېھقانلارنىڭ مال - مۈلۈك خاراكتېرلىك كىرىمىنى ئاشۇرۇش جەھەتتىكى مۇھىملىقىنى تولۇق نامايان قىلدى.

بىر ئاي ئىچىدە شىنجاڭ سىرتىدىكى 12 كارخانا شەرقىي جۇڭغارغا ماكانلاشتى

قىسقىغىنا بىر ئاي ۋاقىتتا، خېنەن جېڭجوۋ، جياڭسۇ شۈجوۋ قاتارلىق جايلاردىكى شىنجاڭ سىرتىدىكى 12 كارخانا ئارقا ـ ئارقىدىن شىنجاڭ شەرقىي جۇڭغار ئىقتىساد ـ تېخنىكا تەرەققىيات رايونى (تۆۋەندە قىسقارتىلىپ «شەرقىي جۇڭغار تەرەققىيات رايونى» دېيىلدى)دا ئەنگە ئالدۇرۇپ تىزىملىتىپ، تىجارەت كىنىشكىسى بېجىردى، بۇ، بۇ كارخانىلارنىڭ شەرقىي جۇڭغار تەرەققىيات رايونىغا رەسمىي ماكانلاشقانلىقىدىن دېرەك بەردى.