بازار سۇبيېكتلىرىنىڭ ھاياتىي كۈچى ھەسسىلەپ ئاشتى

تىجارەت - سودا مۇھىتى ئىشلەپچىقىرىش كۈچىدۇر، تىجارەت - سودا مۇھىتىنى ئەلالاشتۇرغانلىق ئىشلەپچىقىرىش كۈچلىرىنى ئازاد قىلغانلىق، رىقابەت كۈچىنى ئاشۇرغانلىق. پارتىيە 18 - قۇرۇلتىيىدىن بۇيان، ئاپتونوم رايونىمىزدا «بېرىش، باشقۇرۇش، مۇلازىمەت قىلىش» قاتارلىق نۇقتىلىق ساھە ۋە ئاچقۇچلۇق ھالقىلاردىكى ئىسلاھات سىجىل چوڭقۇرلاشتۇرۇلۇپ، بازارلاشقان، قانۇنچىللاشقان، خەلقئارالاشقان تىجارەت - سودا مۇھىتى كۈچەپ بەرپا قىلىنىپ، بازار سۇبيېكتلىرىنىڭ ھاياتىي كۈچى قوزغىتىلىپ، شىنجاڭ ئىقتىسادىنىڭ يۇقىرى سۈپەتلىك تەرەققىياتىغا كۈچلۈك ھەرىكەتلەندۈرگۈچى كۈچ قوشۇلدى. بۇ يىل 8 - ئايغىچە، ئاپتونوم رايون بويىچە تىزىملاپ ئەنگە ئېلىنغان بازار سۇبيېكتى 2 مىليون 218 مىڭغا يېتىپ، 2012 - يىلىدىكىگە سېلىشتۇرغاندا ئىككى ھەسسە ئاشتى.

قەلب ۋە كۈچنى مۇجەسسەملەپ، بۇرچنى زىممىگە ئېلىپ، كۆتۈرەڭگۈ روھلۇق، جاسارەتلىك بولۇپ يېڭى سەھىپە پۈتۈپ چىقايلى

يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ كۈچلۈك رەھبەرلىكىدە، پارتىيە 20 - قۇرۇلتىيى ۋەكىللىرىنى سايلاش خىزمىتى ئوڭۇشلۇق تاماملاندى. پۈتۈن مەملىكەتتىكى 38 سايلام ئورنى ئايرىم - ئايرىم ھالدا پارتىيە قۇرۇلتىيى ياكى پارتىيە ۋەكىللىرى يىغىنى ئېچىپ، پارتىيە 20 - قۇرۇلتىيىغا قاتنىشىدىغان ۋەكىللەرنى سايلام ئارقىلىق بارلىققا كەلتۈردى. باش شۇجى شى جىنپىڭ پارتىيە ۋە دۆلەتنىڭ باشقا 51 نەپەر پارتىيەلىك رەھبىرىي يولداشلىرى بىلەن پارتىيە مەركىزىي كومىتېتى كۆرسەتكەن ۋەكىل نامزاتى سۈپىتىدە، پارتىيە 20 - قۇرۇلتىيى ۋەكىللىكىگە تولۇق سايلاندى. پارتىيە 20 - قۇرۇلتىيى ۋەكىللىرىنىڭ سايلام ئارقىلىق بارلىققا كېلىشى پارتىيە 20 - قۇرۇلتىيىنىڭ غەلىبىلىك ئېچىلىشى ئۈچۈن كەڭ كۆلەمدە ئورتاق تونۇشنى مۇجەسسەملىدى، پۇختا ئاساس سالدى، ئۆزىگە ئىشىنىدىغان، ئۆزىنى قۇدرەت تاپقۇزىدىغان جۇشقۇنلۇق ۋە ھاياتىي كۈچنى ئاشۇردى، جاسارەت بىلەن ئالغا ئىلگىرىلەيدىغان ئاكتىپ كۈچ قوشتى.

بۈيۈك ئىتتىپاقلىقنى مۇستەھكەملەپ ۋە راۋاجلاندۇرۇپ، قول تۇتۇشۇپ «مەركەزداش چەمبەر»نى ئورتاق سىزىپ چىقىش

باش شۇجى شى جىنپىڭ مۇنداق كۆرسەتتى: بىرلىك سەپ پارتىيەنىڭ دۈشمەن ئۈستىدىن غەلىبە قىلىش، ھاكىمىيەت يۈرگۈزۈپ دۆلەتنى گۈللەندۈرۈشتىكى مۇھىم ئەڭگۈشتەرى، مەملىكەت ئىچى - سىرتىدىكى پۈتكۈل جۇڭخۇا ئوغۇل - قىزلىرىنى ئىتتىپاقلاشتۇرۇپ، جۇڭخۇا مىللىتىنىڭ ئۇلۇغ گۈللىنىشىنى ئىشقا ئاشۇرۇشتىكى مۇھىم ئەڭگۈشتەرى، جەزمەن ئۇزاققىچە چىڭ تۇرۇش كېرەك.

پارتىيە 18 - قۇرۇلتىيىدىن بۇيان، شىنجاڭ بىرلىك سېپى مەركىزىي خىزمەتنى چۆرىدەش، ئومۇمىي ۋەزىيەتكە مۇلازىمەت قىلىش، خەلق رايىنى قولغا كەلتۈرۈشنى ئاساس قىلىشتا چىڭ تۇرۇپ، بىرلىك سەپ خىزمىتىدە يېڭىلىق يارىتىش ۋە ئۇنى راۋاجلاندۇرۇشقا تۈرتكە بولۇپ، سىياسىي پارتىيەلەر مۇناسىۋىتى، مىللەتلەر مۇناسىۋىتى، دىنلار مۇناسىۋىتى، قاتلاملار مۇناسىۋىتى، مەملىكەت ئىچى - سىرتىدىكى قېرىنداشلار مۇناسىۋىتىنىڭ ئىناقلىقىنى ئۈزلۈكسىز ئىلگىرى سۈرۈپ، گۈزەل شىنجاڭ قۇرۇپ چىقىش ئۈچۈن پائال تۆھپە قوشتى.

[قالتىس 10 يىل . جۇلالىق شىنجاڭ]تىنچ - ئامانلىق قۇرۇلۇشى ئارقىلىق ھەممە ئائىلىنىڭ بەختى كاپالەتلەندۈرۈلدى

تىنچ - ئامانلىق قۇرۇلۇشى ھەممە ئائىلىنىڭ بەختىنى كاپالەتلەندۈردى.

پارتىيە 18 - قۇرۇلتىيىدىن بۇيان، ئاپتونوم رايون تىنچ - ئامان شىنجاڭ، قانۇنچىل شىنجاڭ قۇرۇلۇشىنى سىجىل چوڭقۇرلاشتۇرۇپ، شەھەر رايونىدا جەمئىيەت ئىدارە قىلىشنى زامانىۋىلاشتۇرۇشنى چوڭقۇر ئالغا سىلجىتىپ، تىنچ - ئامانلىق بەرپا قىلىش پائالىيىتىنى چوڭقۇرلاشتۇرۇپ، جەمئىيەت ئىدارە قىلىش سىستېمىسى ۋە ئىدارە قىلىش ئىقتىدارىنىڭ زامانىۋىلىشىش سەۋىيەسىنى ئۈنۈملۈك ئۆستۈرۈپ، جەمئىيەت ئومۇمىي ۋەزىيىتىنىڭ سىجىل مۇقىم بولۇشى، ئۇزاققىچە مۇقىم بولۇشىغا ھەقىقىي كاپالەتلىك قىلدى. تىنچ - ئامان شىنجاڭ قۇرۇلۇشىنى چوڭقۇرلاشتۇرۇش جەريانىدا ئاممىنىڭ بىخەتەرلىك تۇيغۇسى 2012 - يىلىدىكى ％87.58تىن 2021 - يىلىدىكى ％99.14كە ئۆستى.

ئامبارلار ئاشلىققا لىق تولدى، ئاساس پۇختىلاندى

بىپايان شىنجاڭ زامانىۋى يېزا ئىگىلىكىنى تەرەققىي قىلدۇرۇشتا ئەلا سۈپەتلىك بايلىق ئەۋزەللىكىگە ئىگە، يېزا ئىگىلىكى، يېزىلارنى ياخشى تەرەققىي قىلدۇرغاندا، پۈتۈن ئاپتونوم رايوننىڭ ئىقتىساد، جەمئىيەت تەرەققىياتى مۇقىم ئاساسقا ئىگە بولىدۇ.

پارتىيە 18 - قۇرۇلتىيىدىن بۇيان، شىنجاڭ يېزا - كەنتلەرنى گۈللەندۈرۈش ئىستراتېگىيەسىنى يولغا قويۇشنى باش تۇتقا قىلىپ، يېزا ئىگىلىكى، يېزىلارنى ئالدىن تەرەققىي قىلدۇرۇشتا چىڭ تۇرۇپ، يېزا ئىگىلىكىنىڭ قۇرۇلمىسى ۋە جايلىشىشىنى ئۈزلۈكسىز تەڭشەپ ۋە ئەلالاشتۇرۇپ، يېزا ئىگىلىكىنىڭ دەرىجىسىنى ئومۇميۈزلۈك ئۆستۈرۈشكە تۈرتكە بولدى. شىنجاڭنىڭ دېھقانچىلىق، ئورمانچىلىق، چارۋىچىلىق، بېلىقچىلىق ئومۇمىي مەھسۇلات قىممىتى 2012 - يىلىدىكى 235 مىليارد 535 مىليون يۈەندىن كۆپىيىپ 2021 - يىلىدىكى 514 مىليارد 312 مىليون يۈەنگە يېتىپ، ئۆزگەرمەس باھا بويىچە ھېسابلىغاندا، يىلىغا ئوتتۇرا ھېساب بىلەن %6.1 ئاشتى. دېھقانچىلىق، ئورمانچىلىق، چارۋىچىلىق، بېلىقچىلىق ئومۇمىي مەھسۇلات قىممىتى مەملىكەت بويىچە 2012 - يىلىدىكى 18 - ئورۇندىن 2021 - يىلى 14 - ئورۇنغا ئۆتتى.