«<تيەنئەنمېن> بىلەن خاتىرە سۈرەتكە چۈشۈش» ئارقىسىدىكى قەلبلەرنى ئىللىتقان ھېكايە

سىندىكى سۈرەتلەر | «تيەنئەنمېن» ئالدىدىكى ئۇلارنىڭ تەبەسسۇمى شۇنچىلىك تەسىرلىك

بىر فوتو ئاپپارات، بىر دېكىراتسىيەلىك پەردە، بىر فوتو ئاپپارات تىرىكى. خوتەن ناھىيەسى ئاۋات يېزىسىنىڭ تەشۋىقات كادىرى خۇ چۇنفاڭ كەنتتىكى مەيداندا «تيەنئەنمېن»نى ئارقا كۆرۈنۈش قىلىپ، كەنت ئاھالىلىرىنى ئىشىكى ئالدىدىلا «تيەنئەنمېن» بىلەن ھەقسىز سۈرەتكە تارتىپ قويدى. ئۇلارنىڭ ئارىسىدا يېقىملىق بىر ئائىلە كىشىلىرى، توي قىلغىنىغا ئۇزۇن بولمىغان ئەر-خوتۇنلار، يەنە مەكتەپتە ئوقۇۋاتقان بالىلار بار ئىدى ...

سۈرەتتىكى سۆز | مەن تيەنئەنمېن بىلەن سۈرەتكە چۈشىمەن

خوتەن ناھىيەسى ئاۋات يېزىسىنىڭ تەشۋىقات كادىرى «تيەنئەنمېن» ئارقا كۆرۈنۈش قىلىنغان بىر پارچە دېكىراتسىيەلىك پەردە زاكاز قىلىپ، كەنت ئاھالىلىرىنى ھەقسىز سۈرەتكە تارتىپ قويدى. ئەڭ چىرايلىق كىيىملىرىنى كىيگەن كەنت ئاھالىلىرى تەرەپ-تەرەپتىن يېتىپ كېلىپ، بەس-بەستە «تيەنئەنمېن» ئالدىدا خاتىرە سۈرەتكە چۈشتى. «تيەنئەنمېن» شىنجاڭدىكى ھەر مىللەت ئامما كۆرۈشنى ئەڭ ئارزۇ قىلىدىغان جاي. كەنت ئاھالىلىرى «تيەنئەنمېن» بىلەن چۈشكەن ھەربىر پارچە خاتىرە سۈرەتكە تولۇپ تاشقان ئىپتىخارلىق ۋە قىزغىنلىق مۇجەسسەملەنگەن بولۇپ، ئەڭ ئاددىي - ساددا، تەسىرلىك بولغان ۋەتەننى سۆيۈش ھېسسىياتى يۇغۇرۇلغان.

بۇ كەنتتىكى كەنت ئاھالىلىرىنىڭ ئوتتۇرىچە يىللىق كىرىمى 17 مىڭ 180 يۈەنگە يەتتى

قۇمئېغىل كەنتى قۇملۇقنىڭ ئىچكىرىسىگە جايلاشقان، پۈتۈن كەنتنىڭ تېرىلغۇ يېرى 4800 مو كېلىدىغان بولۇپ، بۇغداي، قوناق تېرىش، چىلان، ياڭاق ئۆستۈرۈشنى ئاساس قىلىدۇ، ئەنئەنىۋى تېرىقچىلىقتا يۇقىرى سېلىنما، يۇقىرى ھاسىلاتنى ئىشقا ئاشۇرۇش ناھايىتى تەس. شۇڭا، بۇ يەردىكى كىشىلەر دېھقانچىلىقنىڭ بوش ۋاقىتلىرىدا گۇاڭدۇڭ، ئەنخۇي، جياڭسۇ قاتارلىق دۆلەت ئىچىدىكى باشقا ئۆلكىلەرگە بېرىپ قۇرۇق مېۋە، كاۋاپ ساتىدۇ. تۈرلۈك چارە - ئاماللار ئارقىلىق كەنت كوللېكتىپ ئىقتىسادى زورايتىلدى، دېھقانلارنىڭ ھەميېنى بارغانسېرى تومپايدى.

جەنۇبىي شىنجاڭدىكى كەنت ئاھالىلىرىنىڭ «تيەنئەنمېن» ئالدىدا چۈشكەن خاتىرە سۈرىتى قەلبلەرنى ھاياجانغا سالدى

3 - ئاينىڭ 30 - كۈنىدىن باشلاپ، شىنجاڭ گېزىتخانىسى (گۇرۇھى)نىڭ ھەرقايسى سۇپىلىرى ئاخبارات مەخسۇس تېمىسى «<تيەنئەنمېن> خاتىرە سۈرىتىنىڭ ئارقىسىدىكى ھېكايە» ۋە پۈتۈن تاراتقۇ خەۋەرلىرىنى ئۇدا ئېلان قىلىپ، خاتىرە سۈرەتكە چۈشۈش جەريانىدىكى ھەربىر باش قەھرىماننىڭ ھېكايىسى ئارقىلىق، ئوقۇرمەنلەرنى بۇ ئاددىي - ساددا دۆلەت ھېسسىياتىنىڭ مەنبەسىنى ئىزدەشكە يېتەكلىدى. بۇ ھېكايىلەر قارىماققا ئادەتتىكىدەك كۆرۈنسىمۇ، لېكىن ئاددىي - ساددىلىق ئىچىگە بىۋاسىتە قەلبلەرنى ھاياجانلاندۇرىدىغان، كىشىلەرنى تەسىرلەندۈرىدىغان كۈچ مۇجەسسەملەنگەن. خوتەن يېزا - كەنتلىرىدىكى بۇ ھېكايىلەر دەل شىنجاڭدىكى 26 مىليوندىن ئارتۇق ھەر مىللەت خەلقنىڭ بېيجىڭغا قەلبتىن تەلپۈنۈش، ۋەتەننى قىزغىن سۆيۈش چوڭقۇر مۇھەببىتىنىڭ ئىخچام كۆرۈنۈشى.

كەنتتىكى ئەڭ ئالدىراش ئادەم تۇرسۇن ئىككى قولىغا تايىنىپ تىرىشىپ ياخشى تۇرمۇشقا ئېرىشتى

3 - ئاينىڭ 26 - كۈنى، خوتەن ناھىيەسىنىڭ ئاۋات يېزىسى قۇمئېغىل كەنتىدىكى ئۈزۈملۈكتە، ئۈزۈم تەكلىرىنى ئېچىۋاتقان تۇرسۇن نايىپ ئۆزىنىڭ «تيەنئەنمېن» ئالدىدا چۈشكەن خاتىرە سۈرىتىنى تاپشۇرۇپ ئالدى. سۈرەتتە، قىزىل پوپايكا، قارا بوغما چاپان كىيگەن تۇرسۇن قەددىنى رۇسلاپ، ئىككى قولى بىلەن بېلىنى تۇتۇپ، «تيەنئەنمېن» ئارقا كۆرۈنۈش قىلىنغان دېكىراتسىيەلىك پەردە ئالدىدا تۇرغان بولۇپ، كۆزلىرىدىن تەبەسسۇم جىلۋىلىنىپ تۇراتتى. «شۇ چاغدا سەل ھاياجانلىنىپ قالغاچقا، كاللامدا ئويلىۋالغان سۈرەتكە چۈشۈش ھالىتىنى پۈتۈنلەي ئۇنتۇپ قاپتىمەن» دېدى تۇرسۇن. تۇرسۇننىڭ يۇرتى قۇمئېغىل كەنتى تەكلىماكان قۇملۇقىنىڭ ئىچكىرىسىگە جايلاشقان بولۇپ، خوتەن ناھىيەسىنىڭ ناھىيە بازىرىغا 100 نەچچە كىلومېتىر كېلىدۇ. تۇرسۇننىڭ قەلبىدە، پايتەخت بېيجىڭ ئۇلۇغ ۋەتىنىمىزنىڭ سىمۋولى ئىدى. «ھازىر، پۇقرالارنىڭ تۇرمۇشىدىكى ئۆزگىرىش ناھايىتى زور، قىلىدىغانغا ئىشىمىز، يانچۇقىمىزدا پۇلىمىز بار بولدى، ھەممىمىزنىڭ سىرتقا چىقىپ كۆرۈپ بېقىش ئويىمىز بار» دېدى ئۇ.