ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش

شىنجاڭ ئائىلە ئېلېكتىر سايمانلىرىنىڭ كونىسىنى يېڭىسىغا ئالماشتۇرۇش بويىچە توردا سېتىش يولى ئېچىلدى

11-ئاينىڭ 15-كۈنى، شىنجاڭ ئائىلە ئېلېكتىر سايمانلىرىنىڭ كونىسىنى يېڭىسىغا ئالماشتۇرۇش بويىچە توردا سېتىش يولى رەسمىي ئېچىلغان. بۈگۈندىن باشلاپ 12-ئاينىڭ 31-كۈنىگىچە، توڭلاتقۇ، كىرئالغۇ، تېلېۋىزور، ھاۋا تەڭشىگۈچ، كومپيۇتېر، سۇ ئىسسىتقۇچ، ئائىلىدە ئىشلىتىلىدىغان ئوچاق، بۇس تارتقۇ قاتارلىق سەككىز چوڭ تۈردىكى ئائىلە ئېلېكتىر سايمانلىرىنى سېتىۋالسا، ھەر بىر ئىستېمالچىغا ھەر بىر تۈردىكى مەھسۇلاتتىن بىردىن ھېسابلىنىپ ياردەم پۇل بېرىلىدىكەن، ھەر بىر مەھسۇلاتقا بېرىلىدىغان ياردەم پۇل يۇقىرى چېكى 2000 يۈەن بولىدىكەن. ئىستېمالچىلار ئەڭ كۆپ بولغاندا 16 مىڭ يۈەن ياردەم پۇلىدىن بەھرىمەن بولالايدىكەن.

شىنجاڭدا توكلۇق ۋېلىسىپىتنىڭ كونىسىنى يېڭىسىغا ئالماشتۇرسا ياردەم پۇلى بېرىلىدۇ

@ شىنجاڭدىكى توكلۇق ۋېلسىپىت مىنگۈچىلەرگە: 12- ئاينىڭ 31- كۈنىدىن بۇرۇن، كونىسىنى يېڭىسىغا ئالماشتۇرۇشتا ئېتىبار بېرىلىدۇ. كونا توكلۇق ۋېلىسىپىتنى بەلگىلىمىگە ئۇيغۇن يېڭى توكلۇق ۋېلىسىپىتكە ئالماشتۇرسىڭىز، 500 يۈەن ياردەم پۇلىدىن بەھرىمەن بولالايسىز؛ لىتىي ئىيونلۇق باتارىيە ئىشلىتىلگەن كونا توكلۇق ۋېلىسىپىتنى قوغۇشۇن كىسلاتالىق ئاككۇمۇلياتورلۇق يېڭى توكلۇق ۋېلىسىپىتكە ئالماشتۇرسىڭىز، يەنە 100 يۈەن ياردەم پۇلى بېرىلىدۇ. ئاددىي بىر نەچچە قەدەم بىلەنلا، ئاسان ھەل قىلالايسىز. ئىككىلەنمەڭ، قولايلىق بولغان توكلۇق ۋېلىسىپىت ئالماشتۇرۇش سەپىرىنى باشلاپ، تېخىمۇ بىخەتەر، تېخىمۇ تېجەشلىك سەپەر قىلىڭ.

شىنجاڭدا ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش 5 مىليارد 800 مىليون يۈەندىن ئارتۇق ئىستېمالغا تۈرتكە بولدى

11 ـ ئاينىڭ 13 ـ كۈنىگىچە، شىنجاڭ بويىچە 10 مىڭ 300 ئاپتوموبىلنى بىراك قىلىش، يېڭىلاش ئىلتىماسى، 26 مىڭ ئاپتوموبىلنى ئالماشتۇرۇش، يېڭىلاش ئىلتىماسى تاپشۇرۇلغان بولۇپ، جەمئىي 36 مىڭ 300 ئاپتوموبىل بولغان؛ 189 مىڭ ئائىلە ئېلېكتىر سايمىنىنىڭ كونىسىنى يېڭىسىغا ئالماشتۇرۇش ئىلتىماسى تاپشۇرۇلۇپ، 1624 توكلۇق ۋېلىسىپىتنىڭ كونىسى يېڭىسىغا ئالماشتۇرۇلۇپ، ئۆي بېزەش، ئاشخانا، ھاجەتخانا سايمانلىرى مەھسۇلاتىدىن 3065ى «يېڭىلىنىپ»، جەمئىي 5 مىليارد 830 مىليون يۈەنلىك ئىستېمالغا تۈرتكە بولۇنغان.

كونىسىنى يېڭىسىغا ئالماشتۇرۇش سىياسىتى ئۈنۈم بەردى، ئىستېمال بازىرىنىڭ ھاياتىي كۈچى قويۇپ بېرىلدى

كونىسىنى يېڭىسىغا ئالماشتۇرۇش بۇ يىل شىنجاڭ ئىستېمال بازىرىدىكى قىزىق نۇقتىلىق سۆز بولۇپ قالدى. ھازىر، شىنجاڭدا كونىسىنى يېڭىسىغا ئالماشتۇرۇش خىزمىتى ئۈزلۈكسىز ئالغا سىلجىتىلىپ، ئىستېمال بازىرىنىڭ ھاياتىي كۈچى سىجىل قويۇپ بېرىلىپ، ئاھالىلەرنىڭ يېشىل ئىستېمالىغا كۈچلۈك تۈرتكە بولۇپ، پۇقرالارنىڭ تۇرمۇش سۈپىتىنىڭ ئۆسۈشىگە كۈچ قوشتى.

كونىسىنى يېڭىسىغا ئالماشتۇرۇش قىزىپ، ئىستېمالنىڭ جانلىنىشىغا تۈرتكە بولدى

ئۈسكۈنىلەرنى كەڭ كۆلەمدە يېڭىلاش ۋە ئىستېمال بۇيۇملىرىنىڭ كونىسىنى يېڭىسىغا ئالماشتۇرۇشتىن ئىبارەت «ئىككىنى يېڭىلاش» سىياسىتىگە تۈرتكە بولۇش ئۈچۈن، شىنجاڭ «ئەمەلىي تەدبىر قوللىنىپ» ئىستېمال بازىرىنى جانلاندۇردى. ھازىر، شىنجاڭدىكى ھەرقايسى جايلاردا تور سىرتىدىكى ئىستېمال سىجىل قىزىپ، ئاپتوموبىل، ئائىلە ئېلېكتىر سايمانلىرى، ئۆي بېزەش، ئاشخانا، ھاجەتخانا سايمانلىرى قاتارلىق چوڭ تاۋارلارنىڭ يوشۇرۇن يېڭىلىنىش ئېھتىياجى مەركەزلىك قويۇپ بېرىلىش مەزگىلىگە كىردى.

شىنجاڭدا ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش 5 مىليارد 800 مىليون يۈەندىن ئارتۇق ئىستېمالغا تۈرتكە بولدى

شىنجاڭ ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش سىياسىتىنىڭ ئەمەلىيلىشىپ ئۈنۈم ھاسىل قىلىشىغا پائال تۈرتكە بولۇپ، سودا ساھەسىدىكى ئاپتوموبىل، ئائىلە ئېلېكتىر سايمانلىرى، ئۆي بېزەش، ئاشخانا، ھاجەتخانا سايمانلىرى قاتارلىق «6 + 1» ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش سىياسەت سىستېمىسى ئورناتتى ھەم يولغا قويۇش تەپسىلىي قائىدىسىنى يۈرۈشلەشتۈرۈپ چىقاردى. سىياسەتنىڭ تۈرتكىسىدە، شىنجاڭدىكى ھەرقايسى جايلار ئەمەلىيەتكە بىرلەشتۈرۈپ، كونىسىنى يېڭىسىغا ئالماشتۇرۇش بويىچە بىر قاتار ئېتىبار پائالىيەتلىرىنى يولغا قويۇپ، قىسمەن ئىستېمالچىلارنىڭ كونا ئائىلە ئېلېكتىر سايمانلىرىنى شاللىۋېتىش ئېھتىياجىغا ئۇيغۇنلىشىپ، ئىستېمالچىلارنىڭ دەرىجىسى ئۆستۈرۈلگەن ئائىلە ئېلېكتىر سايمانلىرىنى تاللاپ سېتىۋېلىش ئاكتىپلىقىنى ئۆستۈرۈپ، ئىستېمال يېڭى ھاياتىي كۈچىنى ئۇرغۇتتى.