پارتىيە بايرىقىنى ئاساسىي قاتلامنىڭ بىرىنچى سېپىدە ئېگىز جەۋلان قىلدۇرۇش

چوڭ دۆلەت مۇھىم جابدۇقلىرىنىڭ «يۈرىكى»نى قوغدىغۇچى − ئالاھىدە تىرانسفورموتور سانائىتى شىنجاڭ تىرانسفورموتور زاۋۇتىنىڭ ئالاھىدە دەرىجىلىك تېخنىكى جاڭ گويۈن توغرىسىدا

ئۇ ئىشلەپچىقىرىش سېخىدا 25 يىل يىلتىز تارتىپ، بىر ئادەتتىكى شاگىرتتىن تىرانسفورموتور سىمى ئوراش يادرولۇق تېخنىكىغا، دۇنيادىكى تۇنجى يۈرۈشلۈك مەھسۇلاتنى ئوراش-ياساش ماھىرىغا، ئالاھىدە دەرىجىلىك تېخنىكقا، ئاندىن چوڭ دۆلەت ھۈنەرۋەنىگە ئايلاندى. ئۇ ئالاھىدە تىرانسفورموتور پاي چەكلىك شىركىتى شىنجاڭ تىرانسفورموتور زاۋۇتىنىڭ ئالاھىدە دەرىجىلىك تېخنىكى، مەملىكەتلىك «1-ماي» ئەمگەك مېدالىغا ئېرىشكۈچى جاڭ گويۈن.

ئامما ئۈچۈن ئەمەلىي ئىش قىلىپ بېرەلىسەملا قانچىلىك ئەجر قىلسام ئەرزىيدۇ

بۇ يىل 74 ياشقا كىرگەن مەخمۇت تۇرپان شەھىرى ئىدىقۇت رايونلۇق خەلق سوت مەھكىمىسى يالقۇنتاغ خەلق سوتىنىڭ پېنسىيەگە چىققان سوتچىسى بولۇپ، 1981-يىلى خىزمەتكە قاتنىشىپ 2013-يىلى 5-ئايدا پېنسىيەگە چىقتى، ئۇ ئىككى يىل سوت مەھكىمىسى ئورگىنىدا ئىشلىگەندىن سىرت، قالغان ۋاقىتلىرىنىڭ ھەممىسىدە ئاساسىي قاتلام سوتىدا ئىشلىدى. 1987-يىلى 2-ئايدا، مەخمۇت پارتىيە بايرىقى ئاستىدا تەنتەنىلىك قەسەم بېرىپ، جۇڭگو كوممۇنىستىك پارتىيەسىگە كىردى. 43 يىلدىن بۇيان، ئۇ كېلىشكەن يىگىتتىن «مەخمۇت تاغا»غا ئايلاندى. پېنسىيەگە چىققاندىن كېيىن، مەخمۇت ئاممىغا ياردەملىشىپ قانۇن مەسىلىلىرىگە جاۋاب بېرىپ، زىددىيەت، ماجىرالارنى مۇرەسسە قىلىپ، كەنت ئاھالىلىرىنىڭ چوڭقۇر ئىشەنچىسىگە ئېرىشتى.

«سىرداش ھەدە» ئاممىۋى مەنپەئەتدارلىق يولىدا قەدىمىنى توختاتمىدى − سانجى شەھىرى يېڭى دەۋر مەدەنىيلىك ئەمەلىيىتى سۇ يۈچىن پىدائىيلار مۇلازىمىتى خىزمەت پونكىتى پارتىيە ياچېيكىسىنىڭ شۇجىسى سۇ يۈچىن توغرىسىدا

13 يىلدىن بۇيان، سۇ يۈچىن ۋە ئۇنىڭ پىدائىيلار مۇلازىمەت ئەترىتىدىكىلەر باھاردىكى ئىللىق قۇياشتەك تىيانشاننىڭ جەنۇبى ۋە شىمالىغا بېرىپ، ھەر يىلى 10 مىڭ ئادەم قېتىمدىن ئارتۇق ياردەم بېرىپ، قارىغۇچىسى يوق ياشانغانلارغا غەمخورلۇق قىلدى، ئۆيدە قالغان بالىلارغا كۆڭۈل بۆلدى، پارتىيەنىڭ سىياسىتى، قانۇن-نىزاملىرىنى تەشۋىق قىلدى... قەيەر ئېھتىياجلىق بولسا، شۇ يەردە ئۇلارنىڭ سىماسى پەيدا بولدى.