جۇڭگو مەدەنىيەت سەپىرى

شىنشىجيې شىنجاڭ غەيرىي ماددىي مەدەنىيەت مىراسلىرى سارىيىنىڭ يوپۇقى ئېچىلدى

شىنجاڭ بويىچە تۇنجى چوڭ تىپتىكى ئۇنىۋېرسال غەيرىي ماددىي مەدەنىيەت مىراسلىرى كۆرگەزمە سارىيى − شىنشىجيې شىنجاڭ غەيرىي ماددىي مەدەنىيەت مىراسلىرى سارىيى (تۆۋەندە قىسقارتىلىپ «شىنجاڭ غەيرىي ماددىي مەدەنىيەت مىراسلىرى سارىيى» دېيىلىدۇ) 9 - ئاينىڭ 18 - كۈنى ئوڭۇشلۇق پۈتتى ھەم شىنجاڭغا رەسمىي ئۆتكۈزۈپ بېرىلدى، يىل ئاخىرىدا سىرتقا ئېچىۋېتىش پىلانلاندى، بۇ، كېيىن غەيرىي ماددىي مەدەنىيەت مىراسلىرى كۆرگەزمە بۇيۇملىرىنى كۆرگەزمە قىلىش، جانلىق كۆرگەزمە قىلىش، ھۈنەر - سەنئەتكە ۋارىسلىق قىلىش، ھەمتۈرتكىلىك ھېس قىلىش، جەمئىيەت تەربىيەسى، ئاممىۋى مۇلازىمەت، ئىلمىي تەتقىقات قاتارلىقلار بىر گەۋدە قىلىنغان كۆپ ئىقتىدارلىق مەدەنىيەت سورۇنى بولۇپ قالىدۇ.

خەلق ئىچى سەنئىتى − ئۇسسۇلغا چۈشكەن شىنجاڭ

داپ چېلىنىپ ئېيتىلدى ناخشا، شىنجاڭنىڭ كۈز پەسلى مول ھوسۇلغا تولغان پەسل، تېخىمۇ مۇھىمى سەنئەت كاتتا زىياپىتى سۇنۇلغان گۈزەل مەزگىلدۇر. باش كۈز پەسلىدە، مەدەنىيەت ۋە ساياھەت مىنىستىرلىقى، ئاپتونوم رايونلۇق خەلق ھۆكۈمىتى، شىنجاڭ ئىشلەپچىقىرىش-قۇرۇلۇش بىڭتۇەنى بىرلىكتە مەسئۇل بولۇپ ئۆتكۈزگەن «داپ چېلىنىپ ئېيتىلدى ناخشا» تۇنجى نۆۋەتلىك جۇڭگو شىنجاڭ خەلق ئىچى سەنئىتى پەسلى ئۈرۈمچى شەھىرىدە داغدۇغىلىق باشلاندى. تىيانشاننىڭ جەنۇبى-شىمالىدا، جۇڭگو خەلق ئىچى سەنئىتىنىڭ شەكلى كۆپ خىللاشتى؛ تارىم دەرياسىنىڭ يۇقىرى-تۆۋەن ئېقىنىدا، ھەرقايسى جايلاردىن ئېلىپ كېلىنگەن خەلق ئىچى سەنئىتى قىزغىن ئالماشتۇرۇلدى. شىنجاڭ كۆپ مىللەت توپلىشىپ ئولتۇراقلاشقان، كۆپ مەنبەلىك مەدەنىيەت توپلانغان جاي بولۇپ، ئۆزىنىڭ رەڭدار قىياپىتىنى تولۇق نامايان قىلماقتا.

داپ چېلىنىپ ئېيتىلدى ناخشا — تۇنجى نۆۋەتلىك جۇڭگو شىنجاڭ خەلق ئىچى سەنئىتى پەسلى مەملىكەتلىك خەلق ئىچى سەنئىتى كۆرىكىدىن كۆرۈنۈش

8-ئاينىڭ 30-كۈنى، مەدەنىيەت ۋە ساياھەت مىنىستىرلىقى، شىنجاڭ ئۇيغۇر ئاپتونوم رايونلۇق خەلق ھۆكۈمىتى، شىنجاڭ ئىشلەپچىقىرىش-قۇرۇلۇش بىڭتۇەنى بىرلىشىپ ئۆتكۈزگەن تۇنجى نۆۋەتلىك جۇڭگو شىنجاڭ خەلق ئىچى سەنئىتى پەسلى مەملىكەتلىك خەلق ئىچى سەنئىتى كۆرىكى ئاياغلاشتى. كۆرەك ۋاقتى 10 كۈن بولۇپ، 47 خەلق ئىچى سەنئەت ئۆمىكىدىكى 1800دىن ئارتۇق كىشى ئېچىلىش مۇراسىمى ئويۇن ئەترىتىنىڭ سەييارە ئويۇن قويۇشىغا قاتناشتى، ئۈرۈمچى ۋە ئەتراپتىكى مەنزىرە رايونلىرىدىكى 16 ئۈستى ئوچۇق سەھنىدە 58 مەيدان خەلق ئىچى سەنئىتى خەلققە نەپ يەتكۈزۈش ئۇنىۋېرسال ئويۇنى قويۇلدى، يەنە 30 نەچچە مەيدان ئويۇن تىيانشاننىڭ جەنۇبى-شىمالىدىكى يېزا-كەنت ۋە مەھەللىلەرگە يەتكۈزۈلدى ... پۈتۈن مەملىكەتنىڭ ھەرقايسى جايلىرىدىن كەلگەن خەلق ئىچى سەنئىتىگە ۋارىسلىق قىلغۇچىلار جۇڭگو خەلق ئىچى سەنئىتىنىڭ يېڭى دەۋردىكى ۋارىسلىق قىلىنىش، يېڭىلىق يارىتىش، تەرەققىي قىلىش، گۈللىنىش ھالىتىگە ۋەكىللىك قىلىدىغان ھەر بىر مۇنەۋۋەر ئەسەر ئارقىلىق، باش كۈزدىكى شىنجاڭ ئۈچۈن رەڭگارەڭ گۈزەل سەنئەت يۆگىمە رەسىملىرىنى نامايان قىلدى.

شىنجاڭ كۆرگەزمە ئۆمىكى قىزغىن ئالقىشلىنىپ، مول نەتىجىگە ئېرىشتى

شىنجاڭ كۆرگەزمە ئۆمىكى «تەرەققىي قىلىۋاتقان شىنجاڭنىڭ مەدەنىيەت يادىكارلىقلىرى ـ مۇزېي ئىشلىرى»نى باش تېما قىلغان بولۇپ، شىنجاڭ مۇزېي جەمئىيىتى پۈتۈن ئاپتونوم رايوندىكى 50كە يېقىن مۇزېينى كۆرگەزمىگە قاتنىشىشقا تەشكىللىدى، شىنجاڭ كۆرگەزمە سارىيى شىنجاڭ مۇزېيى مەدەنىيەت ئىجادىيىتى كۆرگەزمىسى، قومۇل قەدىمكى مەدەنىيەت يادىكارلىقلىرى كۆرگەزمىسى، ئۈرۈمچى قىزىل مەدەنىيەت كۆرگەزمىسى، قاراماي نېفىت سانائىتى كۆرگەزمىسى، شىخەنزە ھەربىيلەر بوز يەر ئۆزلەشتۈرۈش روھى كۆرگەزمىسى، چۆچەك ئاككوردىيون كۆرگەزمىسى، تيەنما مۇزېيى «سىرلىق شىنجاڭ، ئىناق ماكان» كۆرگەزمىسى قاتارلىق يەتتە چوڭ رايوندىن تەركىب تاپقان. ئىجادىي، يېڭى مەدەنىيەت ئىجادىيىتى مەھسۇلاتلىرى، قايناق ھېسسىياتقا تولغان ناخشا ـ ئۇسسۇل نومۇرلىرى، نەپىس ياسالغان ھايۋانات ئەۋرىشكىلىرى... جاي ـ جايلاردىن كەلگەن ئېكسكۇرسىيەچىلەرگە شىنجاڭنىڭ مول تەبىئىي بايلىقى ۋە قويۇق مەدەنىيەت جۇغلانمىسىنى چوڭقۇر ھېس قىلدۇردى.

2024 - يىللىق «شىنجاڭ ياخشى جاي» شىنجاڭغا نىشانلىق ياردەم بېرىش بويىچە غەيرىي ماددىي مەدەنىيەت مىراسلىرى كۆرگەزمىسى باشلاندى

بۇ نۆۋەتلىك غەيرىي ماددىي مەدەنىيەت مىراسلىرى كۆرگەزمىسىنى مەدەنىيەت ۋە ساياھەت مىنىستىرلىقى، شىنجاڭ ئۇيغۇر ئاپتونوم رايونلۇق خەلق ھۆكۈمىتى مەسئۇل بولۇپ ئۆتكۈزگەن، ئاپتونوم رايونلۇق مەدەنىيەت ۋە ساياھەت نازارىتى، بايىنغولىن موڭغۇل ئاپتونوم ئوبلاستلىق خەلق ھۆكۈمىتى ئۆتكۈزۈشنى ئۈستىگە ئالغان. غەيرىي ماددىي مەدەنىيەت مىراسلىرى كۆرگەزمىسىدە «مەدەنىيەت گۆھىرى، خەلقنىڭ غەيرىي ماددىي مەدەنىيەت مىراسلىرى» باش تېمىسى چىڭ كۆزلىنىپ، غەيرىي ماددىي مەدەنىيەت مىراسلىرى بويىچە دۆلەت دەرىجىلىك كۆرگەزمە سۇپىسى بەرپا قىلىنىپ، غەيرىي ماددىي مەدەنىيەت مىراسلىرى يادرو قىلىنىپ، كۆرەك، مەدەنىيەت ئىجادىيىتى، تەتقىقات - ئۆگىنىش، كۇەيشەن، ساياھەت لىنىيەسى قاتارلىق كۆپ خىل شەكىللەرگە سىڭدۈرۈلۈپ، دۆلىتىمىزنىڭ غەيرىي ماددىي مەدەنىيەت مىراسلىرىنى قوغداش نەتىجىلىرى قالتىس نامايان قىلىنىپ، غەيرىي ماددىي مەدەنىيەت مىراسلىرىنىڭ زامانىۋى تۇرمۇشقا كىرىشىگە تۈرتكە بولۇنۇپ، خەلقنىڭ ئورتاق بەھرىلىنىشى ئىشقا ئاشۇرۇلدى.