شىنجاڭ گېزىتى خەۋىرى ئاپتونوم رايونلۇق پارتىيە كومىتېتىنىڭ ئورۇنلاشتۇرمىسىغا ئاساسەن، 10 - نۆۋەتلىك ئاپتونوم رايونلۇق پارتىيە كومىتېتىنىڭ 6 - نۆۋەتلىك كۆزىتىشى بويىچە قايتما ئىنكاس قىلىش خىزمىتى يېقىندا تولۇق تاماملاندى. بۇ نۆۋەتلىك كۆزىتىش بويىچە قايتما ئىنكاس قىلىش مەركەزلىك قايتما ئىنكاس قىلىش بىلەن كۆزىتىش گۇرۇپپىسى «بىرگە بىر» قايتما ئىنكاس قىلىشنى بىرلەشتۈرۈش ئۇسۇلى قوللىنىلىپ ئېلىپ بېرىلدى.
3 - ئاينىڭ 21 - كۈنى، 10 - نۆۋەتلىك ئاپتونوم رايونلۇق پارتىيە كومىتېتىنىڭ 6 - نۆۋەتلىك كۆزىتىشى بويىچە مەركەزلىك قايتما ئىنكاس قىلىش يىغىنى ئېچىلدى. يىغىندا كۆزىتىشتە بايقالغان گەۋدىلىك مەسىلىلەر مەركەزلىك ئومۇمىي ئۇقتۇرۇش قىلىنىپ، كۆزىتىشكە ئاساسەن تۈزىتىشنى پۇختا، ياخشى ئىشلەش توغرىسىدا ئورۇنلاشتۇرما قىلىندى. ئاپتونوم رايونلۇق پارتىيە كومىتېتىنىڭ شۇجىسى ما شىڭرۇي يىغىنغا قاتناشتى ھەم سۆز قىلدى. ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، ئاپتونوم رايوننىڭ رەئىسى ئەركىن تۇنىياز يىغىنغا رىياسەتچىلىك قىلدى.
يېقىندا، 14 كۆزىتىش گۇرۇپپىسى ئايرىم - ئايرىم ھالدا بۇ نۆۋەت كۆزىتىلگەن ئاپتونوم رايونغا بىۋاسىتە قاراشلىق 34 تارماق، (ئورۇن)غا قارىتا «بىرگە بىر» قايتما ئىنكاس قىلدى. ئاپتونوم رايونلۇق پارتىيە كومىتېتى ۋە ھۆكۈمەتتىكى ئالاقىدار رەھبىرىي يولداشلار ئۆزى مەسئۇل بولغان تارماقلار، ئورۇنلارنىڭ كۆزىتىش ئەھۋالى بويىچە قايتما ئىنكاس قىلىش يىغىنىغا قاتناشتى، ئاپتونوم رايونلۇق پارتىيە كومىتېتى كۆزىتىش خىزمىتى رەھبەرلىك گۇرۇپپىسىنىڭ ئەزالىرى قايتما ئىنكاس قىلىش يىغىنىغا قاتناشتى. يىغىندا ئاپتونوم رايونلۇق پارتىيە كومىتېتى شۇجىسىنىڭ مەخسۇس تېمىلىق يىغىنىدا، دائىمىي كومىتېت يىغىنىدا ئاڭلاپ ئۆتۈلگەن 6 - نۆۋەتلىك كۆزىتىش ئومۇمىي ئەھۋالىدىن دوكلاتنىڭ ئالاقىدار روھى ۋە ما شىڭرۇي شۇجىنىڭ 10 - نۆۋەتلىك ئاپتونوم رايونلۇق پارتىيە كومىتېتىنىڭ 6 - نۆۋەتلىك كۆزىتىشى بويىچە مەركەزلىك قايتما ئىنكاس قىلىش يىغىنىدا قىلغان سۆزىنىڭ روھى يەتكۈزۈلدى، ئۆگىنىلدى، كۆزىتىلگەن پارتىيە تەشكىلاتلىرىدىكى ئاساسلىق مەسئۇل يولداشلارغا كۆزىتىشتە بايقالغان گەۋدىلىك مەسىلىلەر ئومۇمىي ئۇقتۇرۇش قىلىندى ھەم رەھبەرلىك بەنزىلىرىگە كۆزىتىش ئەھۋالى قايتما ئىنكاس قىلىندى.
قايتما ئىنكاس قىلىشتا مۇنداق كۆرسىتىلدى: ئالدىنقى نۆۋەتلىك كۆزىتىشتىن بۇيان، كۆزىتىلگەن پارتىيە تەشكىلاتلىرى شى جىنپىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 20 - قۇرۇلتىيى ھەمدە 20 - نۆۋەتلىك مەركىزىي كومىتېتى 2 -، 3 - ئومۇمىي يىغىنىنىڭ روھىنى ئەستايىدىل ئۆگىنىپ، ئىزچىللاشتۇرۇپ، دىققەتنى يېڭى تەرەققىيات ئىدىيەسى ۋە يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇشقا مەركەزلەشتۈرۈپ، ئىسلاھات، تەرەققىيات، مۇقىملىقنى بىرتۇتاش پىلانلاپ ئالغا سىلجىتىپ، تۈرلۈك خىزمەتلەردە بەلگىلىك ئىلگىرىلەشلەرنى قولغا كەلتۈردى.
قايتما ئىنكاس قىلىشتا كۆزىتىلگەن پارتىيە تەشكىلاتلىرىدا ساقلانغان مەسىلىلەر كەسكىن كۆرسىتىپ بېرىلدى. بەزىلىرىنىڭ نەزەرىيە بىلەن قوراللىنىشنى كۈچەيتىش ئاڭلىقلىقى، تەخىرسىزلىك تۇيغۇسى كۈچلۈك ئەمەس، شى جىنپىڭ يېڭى دەۋر جۇڭگوچە سوتسىيالىزم ئىدىيەسىنىڭ جەۋھىرى، مۇھىم مەزمۇنى، ئىلمىي ماھىيەتلىك مەزمۇنى، ئەمەلىيەت تەلىپىنى چۈشىنىشى، ئىگىلىشى دېگەندەك چوڭقۇر ئەمەس، ئۇنىڭغا مۇجەسسەملەنگەن مەيدان، قاراش، ئۇسۇللارنى قوللىنىپ كاللىنى قوراللاندۇرۇشقا، خىزمەتلەرگە تۈرتكە بولۇشقا ماھىر ئەمەس؛ بەزىلىرىنىڭ سىياسىي يۈكسەكلىكى دېگەندەك يۇقىرى ئەمەس، سىياسىي ھۆكۈم قىلىش ئىقتىدارى، سىياسىي ئۆزلەشتۈرۈش ئىقتىدارى، سىياسىي ئىجرا قىلىش ئىقتىدارى دېگەندەك كۈچلۈك ئەمەس، پارتىيە ۋە دۆلەت ئومۇملۇقى يۈكسەكلىكىدىن خىزمەتلەرنى ئويلىشىش، پىلانلاش ئېڭى كەمچىل، تەرەققىيات بىلەن بىخەتەرلىكنى، ئېچىۋېتىش بىلەن خەۋپسىزلىكنى بىرتۇتاش پىلانلاش ئىقتىدارى بىرقەدەر كەمچىل، مەۋقەنى ئومۇمىيەتكە قويۇپ مەسىلىنى ئويلاش، تەدبىر بەلگىلەش، ئىش قىلىشقا ماھىر ئەمەس؛ بەزىلىرىنىڭ مەسئۇلىيەتنى ئادا قىلىش ئىقتىدارى كۈچلۈك ئەمەس، مەسئۇلىيەتنى زىممىگە ئېلىپ نەتىجە يارىتىشقا جۈرئەت قىلالمىغان، خىزمەت ئۈنۈمى يۇقىرى ئەمەس، جاسارەت بىلەن نەتىجە يارىتىش مەسئۇلىيەت تۇيغۇسى ۋە ئىش قىلىپ نەتىجە يارىتىش تەخىرسىزلىك تۇيغۇسى كەمچىل؛ بەزىلىرىنىڭ پارتىيەنى ئومۇميۈزلۈك قاتتىق ئىدارە قىلىش مەسئۇلىيىتى پۇختا ئەمەس، پارتىيەنى باشقۇرۇش، پارتىيەنى ئىدارە قىلىش سىياسىي مەسئۇلىيىتىنى زىممىگە ئېلىشى مۇستەھكەم ئەمەس، ئاچقۇچلۇق ئاز سانلىقلار، نۇقتىلىق ساھەلەرگە قارىتا نازارەت قىلىش - باشقۇرۇش كەمچىل، «تۆت خاھىش»نى تۈزىتىش دېگەندەك كۈچلۈك ئەمەس، چىرىكلىك پەيدا بولىدىغان تۇپراق ۋە شارائىت تېخى يىلتىزىدىن تۈگىتىلمىگەن، پارتىيە ئەزالىرى، كادىرلارنىڭ ئىستىل مەسىلىسى يەنىلا گەۋدىلىك؛ بەزىلىرىنىڭ يېڭى دەۋردىكى پارتىيەنىڭ تەشكىلىي لۇشيەنىنى ئىزچىللاشتۇرۇشى دېگەندەك چوڭقۇر ئەمەس، رەھبەرلىك بەنزىسىنىڭ ئۆز قۇرۇلۇشى، كادىرلار، ئىختىساسلىقلار قوشۇنى قۇرۇلۇشى قاتارلىق جەھەتلەردە يەنىلا كەمتۈكلۈك مەۋجۇت، دېموكراتىك مەركەزلەشتۈرۈش تۈزۈمىنى ئىجرا قىلىشى دەل جايىدا بولمىغان.
قايتما ئىنكاس قىلىشتا مۇنداق تەلەپ قىلىندى: كۆزىتىلگەن پارتىيە تەشكىلاتلىرى باش شۇجى شى جىنپىڭنىڭ پارتىيە قۇرۇلۇشى توغرىسىدىكى مۇھىم ئىدىيەسى، پارتىيەنىڭ ئۆزلۈك ئىنقىلابى توغرىسىدىكى مۇھىم ئىدىيەسى، كۆزىتىش خىزمىتى توغرىسىدىكى مۇھىم بايانلىرى ۋە شىنجاڭ خىزمىتى توغرىسىدىكى مۇھىم سۆزى، مۇھىم يوليورۇقى، تەستىقىي يوليورۇقىنىڭ روھىنى چوڭقۇر ئۆگىنىپ، ئىزچىللاشتۇرۇپ، «ئىككىنى تىكلەش»نىڭ ھەل قىلغۇچ ئەھمىيىتىنى چوڭقۇر ئۆزلەشتۈرۈش، «ئىككىنى قوغداش»نى قەتئىي ئىشقا ئاشۇرۇش يۈكسەكلىكىدىن كۆزىتىشكە ئاساسەن تۈزىتىشنى ياخشى تۇتۇش سىياسىي ئاڭلىقلىقىنى ھەقىقىي كۈچەيتىشى كېرەك. كۆزىتىشكە ئاساسەن تۈزىتىشتىكى ئاساسىي گەۋدىلىك مەسئۇلىيەتنى پۇختا زىممىگە ئېلىپ، «بىرىنچى باشلىق» بىرىنچى جاۋابكارلىق مەسئۇلىيىتىنى ئادا قىلىپ، بەنزە ئەزالىرى «بىر ئىش ئورنىدا قوش مەسئۇلىيەت بولۇش»نى ئەمەلىيلەشتۈرۈپ، تۈزىتىشنى كۈندىلىك خىزمەتلەرگە سىڭدۈرۈپ، ئاخىرغىچە قاتتىق بولۇپ، خىزمەتلەرنى ئالغا سىلجىتىشتىكى ئەمەلىي ئۈنۈمگە ئايلاندۇرۇشى كېرەك. كۆزىتىشكە ئاساسەن تۈزىتىشنىڭ ئەمەلىي ئۈنۈمدارلىقىنى كۈچەپ ئاشۇرۇپ، نۇقتىلىق مەسىلىلەرنى تۈزىتىشنى تۇتۇش ئارقىلىق ئومۇميۈزلۈك تۈزىتىشكە تۈرتكە بولۇپ، خەلق ئاممىسىنىڭ جانىجان مەنپەئىتىگە مۇناسىۋەتلىك، كۆپ تارماقلارنىڭ ماسلىشىپ ھەل قىلىشىغا ئېھتىياجلىق بولغان نۇقتىلىق قىيىن مەسىلىلەرگە قارىتا ئۈنۈملۈك تەدبىرلەرنى قوللىنىپ، نەتىجىلەردىن پايدىلىنىشنى چوڭقۇرلاشتۇرۇپ، مەنبەدىن تۈزەشنى ئالغا سىلجىتىپ، ھادىسىدىنمۇ، ماھىيەتتىنمۇ تۈزەشنى ئىلگىرى سۈرۈپ، كۆزىتىش ئارقىلىق تۈزىتىشنى ئىلگىرى سۈرۈش، كۆزىتىش ئارقىلىق قائىدە - تۈزۈم ئورنىتىشنى ئىلگىرى سۈرۈش، كۆزىتىش ئارقىلىق تۈزەشنى ئىلگىرى سۈرۈشنى ئۈزلۈكسىز چوڭقۇرلاشتۇرۇشى كېرەك.
قايتما ئىنكاس قىلىشتا مۇنداق تەلەپ قىلىندى: ئىنتىزام تەكشۈرۈش، رېۋىزىيە ئورگانلىرى ۋە تەشكىلات تارماقلىرى كۆزىتىشكە ئاساسەن تۈزىتىشكە بولغان دائىملىق نازارەتچىلىكنى ئەمەلىي ئىشلەپ، دادىللىق بىلەن ھەقىقىي قول سېلىپ قىيىنىغا تېگىش قىلىپ، نۇقتىلىق كىشىلەر، نۇقتىلىق ئىشلارنى چىڭ قادىلىپ قويۇۋەتمەي، تىزىملىككە بىرمۇبىر سېلىشتۇرۇپ ئۆچۈرۈپ، مەسىلىلەرنى ھەقىقىي تۈزىتىشكە، ئەمەلىي تۈزىتىشكە تۈرتكە بولۇشى، تۈزىتىشى كۈچلۈك بولمىغان، ئەپلەپ - سەپلەپ ئىش قىلغان، ساختا تۈزەتكەنلەرنىڭ جاۋابكارلىقىنى بەلگىلىمە، ئىنتىزام بويىچە قاتتىق سۈرۈشتۈرۈشى كېرەك. ئاپتونوم رايونلۇق پارتىيە كومىتېتى كۆزىتىش خىزمىتى رەھبەرلىك گۇرۇپپىسى ئىشخانىسى بىرتۇتاش پىلانلاپ ماسلاشتۇرۇش، ئىزلاپ ھەيدەكچىلىك قىلىش، ئومۇملاشتۇرۇپ دوكلات قىلىشنى كۈچەيتىپ، كۆزىتىشكە ئاساسەن تۈزىتىشنىڭ دەل جايىدا ئەمەلىيلىشىشى، پۇختا ئۈنۈملۈك بولۇشىغا ھەقىقىي كاپالەتلىك قىلىشى كېرەك. ھەرقايسى فۇنكسىيەلىك تارماقلار كۆزىتىش تەكلىپىنى ئەستايىدىل بېجىرىپ، كۆزىتىشتە بايقالغان كەسىپ خاراكتېرلىك، ساھە خاراكتېرلىك گەۋدىلىك مەسىلىلەرنى ئەستايىدىل تەتقىق قىلىپ، تۈرگە ئايرىپ تۈزەشنى يولغا قويۇپ، ئىسلاھات چارىسى، سىستېمىلىق تەپەككۇر ئارقىلىق مەسىلىنى ھەل قىلىشقا ماھىر بولۇپ، كۆزىتىشكە ئاساسەن تۈزىتىش خىزمىتىنىڭ سۈپىتى ۋە ئۈنۈمىنى ئۆستۈرۈشى كېرەك.
ئىگىلىنىشىچە، ئاپتونوم رايونلۇق پارتىيە كومىتېتى كۆزىتىش گۇرۇپپىسى يەنە بەزى رەھبىرىي كادىرلارنىڭ مەسىلىسى ئىنكاس قىلىنغان يىپ ئۇچىنى تاپشۇرۇۋالغان بولۇپ، ئالاقىدار بەلگىلىمىلەر بويىچە ئاپتونوم رايونلۇق ئىنتىزام تەكشۈرۈش كومىتېتى، رېۋىزىيە كومىتېتى، ئاپتونوم رايونلۇق پارتىيە كومىتېتى تەشكىلات بۆلۈمى قاتارلىق ئالاقىدار تەرەپلەرنىڭ بىر تەرەپ قىلىشىغا يوللاپ بەرگەن.
