3-ئاينىڭ 31-كۈنى، دۆلەت ئۆلچىمى «تۇرالغۇ تۈرى قائىدىسى» ئېلان قىلىندى، ئۇنىڭدا بىخەتەر، راھەت، يېشىل، ئاقىل بولۇش نىشان قىلىنىپ، كۆلىمى، ئورۇنلاشتۇرۇلۇشى، رولى، ئىقتىدارى ۋە ئاچقۇچلۇق تېخنىكا تەدبىرلىرى قاتارلىق جەھەتلەردە تۇرالغۇ تۈرىنى قۇرۇش، ئىشلىتىش ۋە ئاسراش توغرىسىدا بەلگىلىمە چىقىرىلدى. «تۇرالغۇ تۈرى قائىدىسى» بۇ يىل 5- ئاينىڭ 1- كۈنىدىن باشلاپ يولغا قويۇلىدۇ.
بۇ قېتىم «تۇرالغۇ تۈرى قائىدىسى»دە توسالغۇسىز ۋە ياشانغانلارغا لايىقلاشتۇرۇلغان قۇرۇلۇش جەھەتتە سىستېمىلىق تەلەپ ئوتتۇرىغا قويۇلدى. مەسىلەن، تازىلىق ئۆيىدىكى تەرەت قاچىسى ۋە يۇيۇنۇش ئۈسكۈنىسىنىڭ يېنىغا تۇتقۇچ ئورنىتىش ياكى تۇتقۇچ ئورنىتىشقا شارائىت قالدۇرۇپ قويۇش تەلەپ قىلىندى؛ ھەر بىر تۇرالغۇ دەنيۈەنىدە ئاز دېگەندە بىر توسالغۇسىز ئاممىۋى كىرىش- چىقىش ئېغىزى بولۇش تەلەپ قىلىندى؛ ئۆينىڭ كىرىش ئىشىكى، تازىلىق ئۆيىنىڭ ئىشىكىنىڭ ساپ كىرىش كەڭلىكىگە قويۇلىدىغان تەلەپ ئۆستۈرۈلۈپ، ياشانغانلارنى يۆلەپ كىرىشكە ياكى چاقلىق ئورۇندۇققا ئولتۇرغۇزۇپ ئەكىرىش ۋە ئېلىپ چىقىشقا قولايلىق بولۇش تەلەپ قىلىندى؛ لىفىت بۆلمىسىنىڭ چوڭ- كىچىكلىكى، جىددىي چاقىرىش كۇنۇپكىسىنىڭ ئورنىتىلغان ئورنىنىڭ ئېگىزلىكى قاتارلىق جەھەتلەردىن تەلەپلەر ئوتتۇرىغا قويۇلدى.
