3- ئاينىڭ 31- كۈنى، دۆلەت ئۆلچىمى «تۇرالغۇ تۈرى قائىدىسى» ئېلان قىلىندى، ئۇنىڭدا بىخەتەر، راھەت، يېشىل، ئاقىل بولۇش نىشان قىلىنىپ، كۆلىمى، ئورۇنلاشتۇرۇلۇشى، رولى، ئىقتىدارى ۋە ئاچقۇچلۇق تېخنىكا تەدبىرلىرى قاتارلىق جەھەتلەردە تۇرالغۇ تۈرىنى قۇرۇش، ئىشلىتىش ۋە ئاسراش توغرىسىدا بەلگىلىمە چىقىرىلدى. «تۇرالغۇ تۈرى قائىدىسى» بۇ يىل 5- ئاينىڭ 1- كۈنىدىن باشلاپ يولغا قويۇلىدۇ.
«تۇرالغۇ تۈرى قائىدىسى»دە «تام ۋە پولنىڭ ئاۋاز توسۇش ئىقتىدارىنى ئۆستۈرۈش كېرەك» دېگەن بەلگىلىمە چىقىرىلدى.
تەكشۈرۈپ تەتقىق قىلىشقا ئاساسلانغاندا، ۋاراڭ- چۇرۇڭ كەلتۈرۈپ چىقارغان ئەرز- شىكايەت بىر قەدەر كۆپ ئىكەن. بۇ قېتىم «تۇرالغۇ تۈرى قائىدىسى»دە ياتاق ئۆي، پائالىيەت ئۆيىنىڭ پاسىل تېمى ۋە پاسىل پولنىڭ ئىككى تەرەپتىكى ئۆيدىكى ھاۋادىكى ئاۋاز توسۇش ئىقتىدارى ھەمدە پاسىل پولنىڭ ئۇرۇلۇشتىن كېلىپ چىققان ئاۋازنى توسۇش ئىقتىدارىغا قويۇلغان تەلەپ ئۆستۈرۈلدى. بۇنىڭدىن باشقا، قۇرۇلۇش ئۈسكۈنىلىرىنىڭ ياتاق ئۆي، پائالىيەت ئۆيىگە تارقىلىپ كېلىدىغان قۇرۇلمىلىق شاۋقۇنى، تازىلىق ئۆيىدىكى سۇ چۈشۈرۈش شاۋقۇنى قاتارلىقلارغا قارىتا شاۋقۇن چەك قىممىتى تەلىپى قويۇلدى.
