3-ئاينىڭ 22-كۈنى، ۋاڭ گې ئالتە مېتىر ئۇزۇنلۇقتىكى قەغەز قىيما ئەسىرى «ۋەتەنگە گۇۋاھ بولۇش»نى كۆرسەتمەكتە.
3-ئاينىڭ 23-كۈنى، ۋاڭ گې قەغەز قىيما ئەسىرى «گۇاچيەن»نى تونۇشتۇرماقتا. گۇاچيەن جۇڭگونىڭ شىمال رايونىدىكى ئىشىك بېشى ۋە پېشايۋانغا چاپلىنىدىغان بىر خىل ئەنئەنىۋى قەغەز قىيما سەنئىتىدۇر.
تىيانشان تورى-شىنجاڭ گېزىتى مۇخبىرى لى شيۇڭشىن فوتوسى، خەۋىرى
3-ئاينىڭ 23-كۈنى، شىنجاڭ خەلقئارا چوڭ بازاردىكى غەيرىي ماددىي مەدەنىيەت مىراسلىرى ۋاڭخۇڭ داكا نۇقتىسىدا، «گىرت-گىرت» قىلغان ئاۋاز بىلەن تەڭ، ۋاڭ گې قايچىسىنى ئوينىتىپ ساياھەتچىلەرگە ئادەم ئوبرازىنى ئەينەن قىيىپ بەردى.
ئۇنىڭ دۇنياسىدا ئۇچار قانات، گۈل-گىياھلار، ئوت-چۆپ، قۇرت-قوڭغۇز، بېلىق، ھايۋانلار، ئادەم ئوبرازى، مەنزىرە نۇقتىلىرىدىكى ئىمارەتلەرنىڭ ھەممىسىنى قىيىپ چىققىلى بولىدۇ. 2009-يىلى، ۋاڭ گې ئاپتونوم رايون دەرىجىلىك غەيرى ماددىي مەدەنىيەت مىراسلىرى قەغەز قىيما قول ھۈنەر-سەنئىتىنىڭ ۋەكىللىك ۋارىسى بولدى.
يېقىنقى يىللاردىن بۇيان، ۋاڭ گېنىڭ قەغەز قىيما ئەسەرلىرى ھەر دەرىجىلىك مۇسابىقىلەردە ئارقا-ئارقىدىن مۇكاپاتقا ئېرىشتى، «دولان مۇقامى» قاتارلىق ئۈچ پارچە ئەسىرى جۇڭگو قەغەز قىيما مۇزېيى تەرىپىدىن مۇزىيدا ساقلاندى. نۇرغۇن ئەسەرلىرى دۆلەت ئىچىدە كۆپ قېتىم چوڭ تىپتىكى كۆرگەزمىلەرگە قاتناشتۇرۇلدى.
«قەغەز قىيما قول ھۈنەر-سەنئىتى ئارقىلىق تېخىمۇ كۆپ كىشىنى شىنجاڭنى چۈشىنىش، شىنجاڭنى ياخشى كۆرۈش ئىمكانىيىتىگە ئىگە قىلىش مېنىڭ ئەڭ چوڭ ئارزۇيۇم» دېدى ۋاڭ گې.
