شىنجاڭ گېزىتى، ئۈرۈمچى، 3 - ئاينىڭ 31 - كۈنى خەۋىرى ئانار بۇلۇت\شىنجاڭ گېزىتى مۇخبىرى لى شىڭ خەۋەر قىلىدۇ: گۈزەل شىنجاڭ قۇرۇلۇشىنى چوڭقۇر ئالغا سىلجىتىش ئۈچۈن، بۇ يىل، ئاپتونوم رايونلۇق ئېكولوگىيە - مۇھىت نازارىتى يەتتە جەھەتتىكى مۇھىت سۈپىتىنى ياخشىلاش نىشانىنى بېكىتىپ، يىللىق ئېكولوگىيە - مۇھىت قوغداش ۋەزىپىسىنى يۇقىرى سۈپەتلىك تاماملاش، «14 - بەش يىل»نى مۇۋەپپەقىيەتلىك تاماملاشقا ھەقىقىي كاپالەتلىك قىلىدۇ.
مۇھىت، ھاۋا سۈپىتى جەھەتتە، پۈتۈن ئاپتونوم رايوندىكى ۋىلايەت دەرىجىلىك ھەم ئۇنىڭدىن يۇقىرى شەھەرلەرنىڭ ھاۋا سۈپىتى ئەلا بولغان كۈن سانى نىسبىتى ％75.5كە يەتكۈزۈلىدۇ، ھەر كۇبمېتىردىكى ئۇششاق دانچىلار (PM2.5)نىڭ ئوتتۇرىچە قويۇقلۇق دەرىجىسى 33 مىكروگىرامدىن يۇقىرى بولمايدۇ، ئېغىر بۇلغىنىش كۆرۈلىدىغان كۈن سانى نىسبىتى ％1.1 ئىچىدە تىزگىنلىنىدۇ. «ئۈرۈمچى − سانجى − شىخەنزە»، «كۈيتۈن − مايتاغ − شىخو» بىرلىشىپ ئالدىنى ئېلىش، بىرلىشىپ تىزگىنلەش رايونىدا PM2.5نىڭ قويۇقلۇق دەرىجىسى 2020 - يىلىدىكىدىن ئايرىم - ئايرىم ھالدا ％20 ۋە ％15 تۆۋەنلىتىلىدۇ، ئېغىر بۇلغىنىش كۆرۈلىدىغان كۈن سانى نىسبىتى ئايرىم - ئايرىم ھالدا ％5 ۋە ％2 ئىچىدە تىزگىنلىنىدۇ.
سۇ ئېكولوگىيەسى - مۇھىتى سۈپىتى جەھەتتە، پۈتۈن ئاپتونوم رايوندىكى دۆلەتنىڭ باھالىشىغا كىرگۈزۈلگەن يەر ئۈستى سۈيىنىڭ سۇ سۈپىتى بويىچە 1 - تۈردىن 3 - تۈرگىچە بولغان كەسمە يۈز نىسبىتى ％94.5 بولۇپ، ناچار 5 - تۈردىكى كەسمە يۈز نىسبىتى ％1.4 ئىچىدە تىزگىنلىنىدۇ؛ يەر ئاستى سۈيىنىڭ دۆلەت تىزگىنلەش نۇقتا ئورنى بويىچە 5 - تۈردىكى سۇ سۈپىتى نىسبىتى ％29.4 ئىچىدە تىزگىنلىنىدۇ.
تۇپراق مۇھىت سۈپىتى جەھەتتە، پۈتۈن ئاپتونوم رايوننىڭ بۇلغانغان تېرىلغۇ يەردىن بىخەتەر پايدىلىنىش نىسبىتى ％98تىن كۆپرەككە يەتكۈزۈلۈپ، نۇقتىلىق قۇرۇلۇش يېرىدىن بىخەتەر پايدىلىنىشقا ئۈنۈملۈك كاپالەتلىك قىلىنىدۇ. يېزىلاردىكى تۇرمۇش پاسكىنا سۈيىنى بىر تەرەپ قىلىش(باشقۇرۇش - تىزگىنلەش) نىسبىتى ％38كە يەتكۈزۈلىدۇ، گۈزەل يېزا - كەنتلەرنى ناھىيە بويىچە قۇرۇپ چىقىش نىسبىتى ％10كە يەتكۈزۈلىدۇ.
تەبىئىي ئېكولوگىيەنى قوغداش جەھەتتە، پۈتۈن ئاپتونوم رايوننىڭ ئېكولوگىيە سۈپەت كۆرسەتكۈچى (EQI) مۇقىم بولۇش ئاساسىدا ياخشىلىنىدۇ.
ئاۋاز مۇھىتى سۈپىتى جەھەتتە، ئاپتونوم رايون بويىچە ئاۋاز مۇھىتى فۇنكسىيە رايونىنىڭ كېچىدە ئۆلچەمگە يېتىش نىسبىتى ％85كە يەتكۈزۈلىدۇ.
كىلىمات ئۆزگىرىشىگە تاقابىل تۇرۇش جەھەتتە، «14 - بەش يىل»دا ئاپتونوم رايون بويىچە بىرلىك ئىچكى ئىشلەپچىقىرىش ئومۇمىي قىممىتىدىكى كاربون تۆت ئوكسىدى قويۇپ بېرىشنى تۆۋەنلىتىش نىشانى تىرىشىپ تاماملىنىدۇ.
بۇلغىما قويۇپ بېرىشنى ئازايتىش جەھەتتە، ئاپتونوم رايون بويىچە ئازوت ئوكسىدلىرى، پارلىنىشچان ئورگانىك ماددا (VOCs)، خىمىيەۋى ئېھتىياجلىق ئوكسىگېن مىقدارى، ئاممىياكلىق ئازوت نۇقتىلىق قۇرۇلۇشلىرىدا جەمئىي ئازايتىلغان بۇلغىما قويۇپ بېرىش مىقدارى ئايرىم - ئايرىم ھالدا 16 مىڭ 600 توننا، 7800 توننا، 28 مىڭ 100 توننا، 1000 توننىغا يەتكۈزۈلىدۇ.
