ساۋما قىلىپ تولۇق مەزمۇنىنى كۆرۈڭ
شىنخۇا ئاگېنتلىقى، بېيجىڭ، 3 - ئاينىڭ 31 - كۈنىدىكى تېلېگراممىسىغا ئاساسلانغان يېقىندا، جۇڭگو كوممۇنىستىك پارتىيەسى مەركىزىي كومىتېتى بەنگۇڭتىڭى، گوۋۇيۈەن بەنگۇڭتىڭى «ئىجتىمائىي ئىناۋەت سىستېمىسىنى تاكامۇللاشتۇرۇش توغرىسىدىكى پىكىر»نى ئېلان قىلدى.
«پىكىر»دە مۇنداق كۆرسىتىلدى: ئىجتىمائىي ئىناۋەت تۈزۈمى بازار ئىگىلىكى ئاساسىي تۈزۈمى.
«پىكىر»دىكى ئومۇمىي تەلەپ مۇنداق: شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىشتا چىڭ تۇرۇپ، پارتىيە 20 - قۇرۇلتىيى ۋە 20 - نۆۋەتلىك مەركىزىي كومىتېتى 2 -، 3 - ئومۇمىي يىغىنىنىڭ روھىنى چوڭقۇر ئىزچىللاشتۇرۇپ، پارتىيە رەھبەرلىكىدە چىڭ تۇرۇپ ۋە ئۇنى كۈچەيتىپ، مۇقىملىق ئاساسىدا ئىلگىرىلەش خىزمەت باش رىتىمىدا چىڭ تۇرۇپ، يېڭى تەرەققىيات ئىدىيەسىنى تولۇق، دەل جايىدا، ئومۇميۈزلۈك ئىزچىللاشتۇرۇپ، ھۆكۈمەت يېتەكلەش، بازار تۈرتكە بولۇش، جەمئىيەت ئورتاق قۇرۇشتا چىڭ تۇرۇپ، سەمىمىيەت مەدەنىيىتىنى ئەۋج ئالدۇرۇشتا چىڭ تۇرۇپ، ئاممىۋى ئىناۋەت ئۇچۇرى بىلەن بازار ئىناۋەت ئۇچۇرىنى ئۆزئارا يۇغۇرۇشتا چىڭ تۇرۇپ، ئىناۋەت بويىچە مۇكاپاتلاش، جازالاشنىڭ مۇۋاپىق، قانۇنلۇق بولۇشىدا چىڭ تۇرۇپ، تۈرلۈك ئاساسىي گەۋدىلەرنى قاپلىغان، تۈزۈم - قائىدىلەر بىرلىككە كەلگەن، ئورتاق قۇرىدىغان، ئورتاق بەھرىلىنىدىغان، ئورتاق قوللىنىدىغان ئىجتىمائىي ئىناۋەت سىستېمىسىنى بەرپا قىلىپ، ئىجتىمائىي ئىناۋەت سىستېمىسى بىلەن ئىقتىساد، جەمئىيەت تەرەققىياتىنىڭ ھەرقايسى تەرەپلىرى، ھەرقايسى ھالقىلىرىنىڭ چوڭقۇر يۇغۇرۇلۇشىغا تۈرتكە بولۇپ، مەملىكەت بويىچە بىرلىككە كەلگەن چوڭ بازار قۇرۇشنى تېزلىتىش، ئادىل، تەرتىپلىك رىقابەت بولغان بازار تەرتىپىنى قوغداش، يۇقىرى سۈپەتلىك تەرەققىياتقا تۈرتكە بولۇشنى كۈچلۈك تىرەك بىلەن تەمىنلەش كېرەك.
«پىكىر»دە يەنە ئاساسي گەۋدىلەرنى قاپلىغان ئىجتىمائىي ئىناۋەت سىستېمىسى بەرپا قىلىش، ئىجتىمائىي ئىناۋەت سىستېمىسىنىڭ سانلىق مەلۇمات ئاساسىنى پۇختىلاش، لەۋزىدە تۇرغانلارنى رىغبەتلەندۈرۈش ۋە لەۋزىدە تۇرمىغانلارنى جازالاش مېخانىزمىنى تاكامۇللاشتۇرۇش، ئىناۋەتنى ئاساس قىلغان نازارەت قىلىش - باشقۇرۇش ۋە ئىدارە قىلىش مېخانىزمىنى تاكامۇللاشتۇرۇش، ئىجتىمائىي ئىناۋەت سىستېمىسىنى بازارلاشتۇرۇش، ئىجتىمائىيلاشتۇرۇش سەۋىيەسىنى ئۆستۈرۈش، تەشكىللەش، يولغا قويۇشنى كۈچەيتىش قاتارلىقلار توغرىسىدا تەلەپلەر ئوتتۇرىغا قويۇلدى.
