3-ئاينىڭ 30-كۈنى سائەت 16دە، قەشقەر قەدىمىي شەھىرىدىكى قۇرۇق مېۋە دۇكىنىنىڭ لاۋبىنى ئىسمايىل بىر تېز يوللانمىنى تاپشۇرۇۋېلىپ، جىڭدۇڭ ئەشيا ئوبوروتى قەشقەر ئىسكىلاتىنىڭ سىناق تەرىقىسىدە تىجارەت باشلىغاندىكى تۇنجى خېرىدارى بولۇپ قالدى.
3-ئاينىڭ 30-كۈنى، قەشقەر قەدىمىي شەھىرىدىكى قۇرۇق مېۋە دۇكىنىنىڭ لاۋبىنى ئىسمايىل جىڭدۇڭ ئەشيا ئوبوروتى قەشقەر ئامبىرىنىڭ سىناق تەرىقىسىدە تىجارەت باشلىغاندىكى تۇنجى خېرىدارى بولۇپ قالدى، جىڭدۇڭ تېز يەتكۈزۈش خادىمى ئۇنىڭغا گۈل سوۋغا قىلدى.
سۈرەتنى جىڭدۇڭ ئەشيا ئوبوروتى بىلەن تەمىنلىگەن
«ئەتىگەندىلا جىڭدۇڭدىن بىر يۈرۈش تېرە ئاسراش بۇيۇملىرىنى زاكاز قىلغانىدىم، بۇنچە تېز تاپشۇرۇپ ئالىدىغانلىقىمنى ئويلىماپتىمەن.» ئىسمايىلنىڭ ئېيتىشىچە، بۇ ئۇنىڭ خوتۇنى ئۈچۈن تەييارلىغان بايراملىق سوۋغىتى ئىكەن.
شۇ كۈنى جىڭدۇڭ ئەشيا ئوبوروتى قەشقەر ئامبىرىدا سىناق تەرىقىسىدە تىجارەت باشلانغان تۇنجى كۈن. بۇنىڭدىن كېيىن، جەنۇبىي شىنجاڭ رايونىدا توردا مال سېتىۋېلىش سۈرئىتى ئومۇميۈزلۈك تېزلىتىلىپ، قەشقەر شەھىرى ۋە ئۇنىڭ ئەتراپىدىكى نۇرغۇن جايلاردا «211 چەكلىك ۋاقىت ئىچىدە يەتكۈزۈش» ئىشقا ئاشۇرۇلىدۇ، باشقا رايونلاردا توردا مال سېتىۋېلىش سۈرئىتى ئىككى كۈندىن ئۈچ كۈنگىچە تېزلىتىلىدۇ. شۇنىڭ بىلەن بىللە، قەشقەر، ئۈرۈمچى قاتارلىق ئىسكىلات تورلىرىنىڭ ئورۇنلاشتۇرۇلۇشىغا تايىنىپ، جىڭدۇڭ ئەشيا ئوبوروتى جەنۇبىي شىنجاڭ رايونىنىڭ «شىنجاڭنىڭ مەھسۇلاتلىرىنى شىنجاڭدىن چىقىرىش»ىغا سىجىل تۈرتكە بولۇپ، ئەشيا ئوبوروتىنىڭ قوش يۆنىلىشلىك ئوبوروتىنى تېخىمۇ تېز، تېخىمۇ يۇقىرى ئۈنۈمگە ئىگە قىلىدۇ.
2024-يىلى، جىڭدۇڭ ئەشيا ئوبوروتى بىلەن قەشقەر شەھەرلىك خەلق ھۆكۈمىتى بىرلىكتە جىڭدۇڭ ئەشيا ئوبوروتى (قەشقەر) ئەقلىي ئىقتىدارلىق ئەشيا ئوبوروت پورتى تۈرىنى قۇرۇشقا تەييارلىق قىلغان بولۇپ، قەشقەر ۋىلايىتى، خوتەن ۋىلايىتى، ئاقسۇ ۋىلايىتى، قىزىلسۇ قىرغىز ئاپتونوم ئوبلاستى، ئارال شەھىرى، كۇنيۈ شەھىرى، تۇمشۇق شەھىرىگە تەسىر كۆرسىتىدۇ.
«ئىلگىرى، قەشقەر ۋىلايىتىدىكى ئىستېمالچىلار توردىن سېتىۋالغان كۆپ قىسىم تاۋارلار ئۈرۈمچىدىن ئۇلاپ توشۇلاتتى، يەتكۈزۈپ بېرىش ۋاقتى بىرقەدەر ئۇزاق، يېزا ئىگىلىك مەھسۇلاتلىرىنى سىرتقا سېتىش ئەشيا ئوبوروتى تەننەرخى نىسبەتەن يۇقىرى ئىدى. جىڭدۇڭ ئەشيا ئوبوروتى شىنجاڭ رايونىنىڭ ئالاقىدار مەسئۇلىنىڭ تونۇشتۇرۇشىچە، كەسىپ ئورۇنلاشتۇرۇش جەھەتتە، جىڭدۇڭ ئەشيا ئوبوروتى قەشقەر ئىسكىلاتىدا چوڭ پوسۇلكىلار ۋە ئوتتۇرا، كىچىك تىپتىكى پوسۇلكىلاردىن ئىبارەت ئىككى چوڭ مەخسۇس رايون تەسىس قىلىنغان. بۇنىڭ ئىچىدە، چوڭ پوسۇلكىلار ئىسكىلاتى قەشقەر ۋىلايىتىدىكى خېرىدارلارنى ھاۋا تەڭشىگۈچ قاتارلىق چوڭ تىپتىكى تاۋارلارنى تېز يەتكۈزۈش مۇلازىمىتى بىلەن تەمىنلەيدۇ، كېتىدىغان ئومۇمىي ۋاقىت ئىلگىرىكى ئۈرۈمچىدىن بىۋاسىتە توشۇش سۈرئىتىدىن ئۈچ كۈن تېز بولىدۇ؛ ئوتتۇرا، كىچىك تىپتىكى پوسۇلكىلارنىڭ ئىسكىلاتتىكى زاپاس مال تۈرى 50 مىڭدىن ئاشىدۇ، قەشقەر قاتارلىق كۆپ رايونلاردا ئەڭ تېز بولغاندا «شۇ كۈنى يەتكۈزۈش» ئىشقا ئاشۇرۇلىدۇ.
«تىيانشان تورى» ۋىيشىن ئاممىۋى سۇپىسىدىن ئېلىپ تەرجىمە قىلىندى
