چىڭمىڭ بايرىمى ھەم ئەجدادلارنى ياد ئېتىدىغان ئەنئەنىۋى بايرام، ھەم باھار سەيلىسى قىلىپ ساياھەتكە چىقىدىغان ياخشى مەزگىل. قەبرە سۈپۈرگەندە ئوت ئىشلىتىش، سەپەرگە چىققاندا قاتناشنىڭ يۇقىرى پەللە مەزگىلىگە دۇچ كېلىش، ئەتىياز پەسلىدە ھاۋارايى كۆپ ئۆزگىرىش قاتارلىق ئامىللار گىرەلىشىپ كەتكەن بولۇپ، بىخەتەرلىك يوشۇرۇن خەۋپىگە سەل قاراشقا بولمايدۇ! بۇ بىخەتەرلىك كۆرسەتمىسىنى ياخشى ساقلىۋېلىڭ.
01
قەبرە سۈپۈرگەندە ئوتتىن مۇداپىئەلىنىش قىسمى:
مەدەنىي قەبرە سۈپۈرۈپ، تىنچ-ئامانلىقنى قوغداش كېرەك
خەۋپ-خەتەر ئەسكەرتمىسى: قەغەز كۆيدۈرۈش، كۈجە يېقىش ئاسانلا تاغ ئوت ئاپىتىنى كەلتۈرۈپ چىقىرىدۇ، ئەتىيازدا شامال كۈچلۈك، ھاۋا قۇرغاق بولغاچقا، ئوت تېز يامرايدۇ!
ئالدىنى ئېلىش تەدبىرى:
1. ئوت ياقماي قەبرە سۈپۈرۈش تەشەببۇس قىلىنىدۇ: قەبرىنى گۈل بىلەن يوقلاش، توردا قەبرە يوقلاش قاتارلىق مۇھىت قوغدايدىغان ئۇسۇللارنى ئالدىن تاللاش كېرەك؛
2. ئوت ئىشلىتىشتە ئېھتىياتچان بولۇش كېرەك؛
ئورمان، ئوتلاقلاردا ئوت ئىشلىتىشتىن ساقلىنىش، ئوت يېقىش توغرا كەلسە ئوچۇقچىلىق، ئاسان ئوت ئالىدىغان بۇيۇملار يوق رايوننى تاللاش كېرەك؛
كۈجە، قەغەز كۆيدۈرگەندىن كېيىن قالدۇق ئوتنى ئۈزۈل-كېسىل ئۆچۈرۈپ، ئۇچقۇننىڭ ئۆچكەنلىكىنى جەزملەشتۈرگەندىن كېيىن ئاندىن ئايرىلىش كېرەك؛
تاغلىق رايون، ئورمان رايونىدا ساليۇت-پوجاڭزا ئېتىش قەتئىي مەنئى قىلىنىدۇ.
3. بالىلار قەتئىي ئوت ئوينىماسلىقى كېرەك: بالىلارغا ئوت مەنبەسىدىن يىراق تۇرۇش توغرىسىدا تەربىيە قىلىش، قەبرە يوقلىغاندا بالىلارغا قارايدىغانغا مەخسۇس ئادەم بولۇش كېرەك.
ئوت ئاپىتىگە يولۇققاندا قانداق تاقابىل تۇرۇش كېرەك:
ئوت ئەھۋالى يېنىك بولغان ئەھۋالدا ئۆزىنى قۇتقۇزۇش كۆرسەتمىسى: قۇم-توپا، سۇ ياكى كىيىم-كېچەكلەرنى ئىشلىتىپ ئوتنى ئۆچۈرۈش، ئوتنى بىۋاسىتە ئۇرۇپ ئۆچۈرمەسلىك (ئۇچقۇننىڭ چاچرىشىدىن ساقلىنىش) كېرەك؛
ئوت ئەھۋالى ئېغىر بولغان ئەھۋالدا ئۆزىنى قۇتقۇزۇش كۆرسەتمىسى: دەرھال چېكىنىش ھەم 119غا تېلېفون قىلىش، شامالغا قارشى يۆنىلىشتە قېچىش، ئويمان يەرگە يوشۇرۇنۇۋالماسلىق كېرەك.
02
سەپەرگە چىقىش بىخەتەرلىكى قىسمى:
باھار سەيلىسىگە، سەيلە-ساياھەتكە چىققاندا بىپەرۋالىق قىلماسلىق كېرەك
خەۋپ-خەتەر ئەسكەرتمىسى: ئاپتوموبىل ئېقىمى كۆپ بولغاندا، ئەگرى-توقاي تاغ يولىدا، يامغۇرلۇق كۈنلەردە يول تېيىلغاق بولۇپ كېتىپ، ئاسانلا ھادىسە كېلىپ چىقىدۇ.
ئالدىنى ئېلىش تەدبىرى:
1. قاتناشنىڭ يۇقىرى پەللە مەزگىلىگە تاقاشتۇرماي سەپەرگە چىقىش: قاتناش رادىيوسىغا دىققەت قىلىپ، قىستاڭچىلىق بولىدىغان ۋاقىت بۆلىكىدە سەپەرگە چىقىشتىن ساقلىنىش؛
2. ئاپتوموبىلنى تەكشۈرۈش: تورمۇز، چاقنى ئالدىن تەكشۈرۈپ رېمونت قىلىش، يامغۇر ياغقان كۈنى سۈرئەتنى ئاستىلىتىپ مېڭىش؛
3. پىيادە مېڭىش بىخەتەرلىكى: تېخى ئېچىلمىغان رايونلاردا تاغقا ياماشماسلىق، تېيىلىشتىن ساقلىنىش ئايىغى، جىددىي ئىشلارغا تاقابىل تۇرۇش دورىلىرىنى تولۇق تەييارلاش كېرەك.
تاسادىپىي يبزبېرىدىغان ئىشلارنى بىر تەرەپ قىلىش:
ئاپتوموبىل كاشىلىسى كۆرۈلگەندە: قوش ئاگاھلاندۇرۇش چىرىغىنى يېقىپ، ئۈچ بۇلۇڭلۇق ئاگاھلاندۇرۇش تاختىسىنى قويۇپ، ئاپتوموبىلدىكى كىشىلەرنى بىخەتەر جايغا چېكىندۈرۈش كېرەك؛
يولدىن ئېزىپ قالغاندا، قاپسىلىپ قالغاندا: يان تېلېفوننىڭ توك مىقدارىنى ساقلاش، ئۆزى تۇرۇۋاتقان جاينىڭ ئورنىنى ئەۋەتىپ ياردەم سوراش (شۇ جايدىكى قۇتقۇزۇش-ياردەم بېرىش ئەترىتى بىلەن ئالاقىلىشىش ياكى 110 بىلەن ئالاقىلىشىش) كېرەك.
03
ئائىلىدە بىخەتەرلىككە دىققەت قىلىش قىسمى:
ئۆيدىن ئايرىلغاندا توكنى ئۈزۈپ يوشۇرۇن خەۋپنىڭ ئالدىنى ئېلىش كېرەك.
چىڭمىڭلىق دەم ئېلىش مەزگىلىدە، بەزى ئائىلىلەر سىرتقا چىقىشى مۇمكىن، تۆۋەندىكىلەرگە دىققەت قىلىش كېرەك:
1. يېقىلغۇ گاز كىلاپانىنى ئېتىپ، ئاشخانىدا ئوت يېقىلغان ياكى يېقىلمىغانلىقىنى تەكشۈرۈش كېرەك؛
2. ئېلېكتىر سايمانلىرىنىڭ چاتقۇچسىنى زۆرۈر بولمىسا تارتىۋېتىش، قىسقا تۇتىشىپ ئوت ئاپىتى يۈزبېرىشتىن ساقلىنىش كېرەك؛
3. بالكوننى تازىلاش: ئاسان ئوت ئالىدىغان بۇيۇملارنى ياخشى يىغىشتۇرۇپ، سىرتتىكى ئوت مەنبەسى سەۋەبلىك ئوت كېتىشنىڭ ئالدىنى ئېلىش كېرەك.
04
جىددىي ئىشلارغا تاقابىل تۇرۇش تېلېفون نومۇرى تىزىملىكى
ھالقىلىق پەيتتە جاننى قۇتقۇزىدۇ
ئوت كەتكەنلىكىنى مەلۇم قىلىش تېلېفونى: 119
جىددىي داۋالاش-قۇتقۇزۇش تېلېفونى: 120
قاتناش ۋەقەسى تېلېفونى: 122
ئورمانغا ئوت كەتكەنلىكىنى مەلۇم قىلىش تېلېفونى: 12119
ھادىسە يوشۇرۇن خەۋپىنى پاش قىلىش تېلىفونى: 12350
ئەسكەرتمە: يولغا چىقىشتىن بۇرۇن مەنزىلگاھتىكى ساقچىخانا، مەنزىرە رايونىنىڭ قۇتقۇزۇش تېلېفونىنى ساقلىۋېلىڭ ھەم ئائىلىڭىزدىكىلەرگە سەپەر ئەھۋالىڭىزنى ئۇقتۇرۇپ قويۇڭ!
چىڭمىڭنى تىنچ-ئامان ئۆتكۈزۈشتە مەدەنىي سەپەرگە چىقىشنى ئالدىنقى ئورۇنغا قويۇش
بىخەتەرلىك ئاساسىدا سېغىنىشنى ئىپادىلەش
ئېھتىياتچان بولۇپ، گۈزەل باھار مەنزىرىسىنى ياخشى قوغداش كېرەك
«ئانار بۇلۇت»تىن ئېلىپ تەرجىمە قىلىندى
