ئانار بۇلۇت\شىنجاڭ گېزىتى ئەسلىي ئىجادىيىتى
باھار شامىلى تىيانشاننىڭ جەنۇبى ۋە شىمالىنى سىيپاپ ئۆتتى، ئۆرۈكلەر غۇچچىدە چېچەكلىدى، ساياھەتچىلەر مىغ-مىغ بولۇپ كەتتى.
كەلپىن ناھىيەسىنىڭ ئۆرۈك چېچىكى كەنتىدە، غەيرىي ماددىي مەدەنىيەت مىراسى قول ھۈنەرۋەنچىلىك بۇيۇملىرىغا چېچەكلەرنىڭ خۇش ھىدى قوشۇلۇپ كەتكەنىدى، ساياھەتچىلەر چېچەك دېڭىزىنى سەيلە قىلغاچ، مىڭ يىللىق ھۈنەر-سەنئەتنىڭ ئىللىق ھارارىتىنى ھېس قىلدى؛ تۇرپاندىكى ئۆرۈك چېچەكلىرى ئاستىدا، كۈلكە سادالىرى باھار مەنزىرىسىگە جور بولدى، كۆپچىلىكنىڭ ئاپپاراتى ئارقىلىق خاتىرە قالدۇرغىنى گۈزەل مەنزىرىلا بولۇپ قالماي، ئەڭ مۇھىمى بۇ تۇپراققا بولغان قىزغىن مۇھەببىتى ئىدى.
باھاردىكى شىنجاڭدا، پورەكلەپ ئېچىلغان ئۆرۈك چېچەكلىرى بار بولۇپلا قالماي، يەنە رەڭدار، مول مەزمۇنلۇق مەدەنىيەت پائالىيەتلىرىمۇ بار، ساياھەتچىلەر تەبىئىي گۈزەل مەنزىرىلەرنى تاماشا قىلىپلا قالماي، يەنە كۆپ خىل مەدەنىيەتنىڭ ئۆزگىچە جەلپكارلىقىنى ھېس قىلالايدۇ.
مېھىر-مۇھەببەتكە تولغان روزى ھېيت
3-ئاينىڭ 27-كۈنى، روزى ھېيت يېتىپ كېلىش ئالدىدا، ئۈرۈمچى شەھىرىنىڭ تىيانشان رايونى داۋان كوچا باشقارمىسى يەنخۇا مەھەللىسى «مېھىر-مۇھەببەتكە تولغان روزى ھېيت، مېھىر-شەپقەت يەتكۈزۈش ساڭزىسى ئارقىلىق ئىللىقلىق يەتكۈزۈش» پائالىيىتىنى قانات يايدۇردى، ھەر مىللەت ئاھالىلەر بىللە ئولتۇرۇپ ساڭزا سېلىشنى ئۆگەندى ۋە مۇڭداشتى، ھەممە جاي بايراملىق خۇشال كەيپىياتقا چۆمدى. سۈرەتتە: ئاھالە رەيھانگۈل ھېكىم (سولدا) بىلەن جوۋ گۈيشيا يېڭى سالغان ساڭزىسىنى كۆرسەتمەكتە. ئانار بۇلۇت\شىنجاڭ گېزىتى مۇخبىرى ئۆتكۈر نىجات فوتوسى
غەيرىي ماددىي مەدەنىيەتنى ھېس قىلىش ساياھىتى
3-ئاينىڭ 24-كۈنى، تاشقورغان تاجىك ئاپتونوم ناھىيەسىنىڭ غەيرىي ماددىي مەدەنىيەت مىراسلىرى كۆرگەزمە باغچىسىدا، شېنجېندىن كەلگەن ساياھەتچى جۇ مىن (سولدىن 2-كىشى) شۇ جايدىكى ئامما بىلەن بىللە سۈرەتكە چۈشۈپ خاتىرە قالدۇرماقتا. ئانار بۇلۇت\شىنجاڭ گېزىتى مۇخبىرى سەي زېڭلې فوتوسى
«غەيرىي ماددىي مەدەنىيەت مىراسلىرى قىزغىنلىقى»نى ھېس قىلىش
3-ئاينىڭ 29-كۈنى، ئۈرۈمچى شەھىرى شىمىگۇ رايونلۇق پارتىيە كومىتېتى تەشۋىقات بۆلۈمى، شىمىگۇ رايونلۇق خەلق ئىچى سەنئىتى جەمئىيىتى غەيرىي ماددىي مەدەنىيەت مىراسلىرى ۋەكىللىك ۋارىسى ۋە مەدەنىيەت ئىجادىيىتى بويىچە قول ھۈنەر بۇيۇملىرى ئىجادچىلىرىدىن 35 كىشىنى تەكلىپ قىلىپ، ۋۇيۆ مەيدانىدا بىرلىكتە غەيرىي ماددىي مەدەنىيەت مىراسلىرى كۆرگەزمە رايونى ۋە غەيرىي ماددىي مەدەنىيەت مىراسلىرى مەدەنىيەت ئىجادىيەت بازىرى بەرپا قىلىپ، ھەر مىللەت شەھەر ئاھالىلىرىنى «غەيرىي ماددىي مەدەنىيەت مىراسلىرى قىزغىنلىقى»نى ھېس قىلىش ئىمكانىيىتىگە ئىگە قىلدى. ئانار بۇلۇت\شىنجاڭ گېزىتى مۇخبىرى لى شيۇڭشىن فوتوسى
ئۆرۈكلەر چېچەكلىدى
3-ئاينىڭ 29-كۈنى، ئاقسۇ ۋىلايىتىنىڭ 2025-يىللىق ئەتىيازلىق مەدەنىيەت-ساياھەت ئىستېمال پەسلى ھەم كەلپىن ناھىيەسىنىڭ «ئۆرۈكلەر چېچەكلىدى. تۆگە شەھىرىگە باھار كەلدى» 9-نۆۋەتلىك ئۆرۈك چېچىكى مەدەنىيەت-ساياھەت پەسلى يۈرۈشلۈك پائالىيىتى كەلپىن ناھىيەسىنىڭ ئۆرۈك چېچىكى كەنتى مەنزىرە رايونىدا باشلاندى. بۇ قېتىمقى پائالىيەت، «چېچەك تاماشا قىلىش + خەلق ئۆرپ-ئادىتى + غەيرىي ماددىي مەدەنىيەت مىراسلىرى + مەززىلىك تائاملار»دىن ئىبارەت كۆپ خىل ھېس قىلىش ئەندىزىسى ئارقىلىق، ساياھەتچىلەرنى تەبىئىي مەنزىرە، مەدەنىيەت ئاساسى ۋە خاس كەسىپلەر بىر گەۋدىلەشكەن باھاردىكى كاتتا زىياپەتتىن ھۇزۇر ئېلىش ئىمكانىيىتىگە ئىگە قىلدى. يەن شوۋلىن فوتوسى
ئىللىق باھارنى ھېس قىلىش
3-ئاينىڭ 29-كۈنى، ساياھەتچىلەر بەس-بەستە تۇرپان شەھىرىنىڭ توقسۇن ناھىيەسى شا بازىرى نەخۇل كەنتىگە كېلىپ باھار سەيلىسى قىلدى، ئۆرۈك چېچەكلىرىنى تاماشا قىلىپ، دالىدا ئىللىق باھاردىن ھۇزۇر ئالدى. سۈن جېنسۇڭ فوتوسى
خىزمەتچى قوبۇل قىلىش قىزغىنلىقى
3-ئاينىڭ 26-كۈنى، تارىم داشۆ 2025-يىللىق ئەتىياز پەسىللىك تۇنجى مەيدان ئۇنىۋېرسال تۈردىكى قوش تاللاش يىغىنى ئۆتكۈزدى، شۇ كۈنى، شىنجاڭ ئىچى-سىرتىدىكى 114 كارخانا ئوقۇغۇچىلارنى 3364 ئىش ئورنى بىلەن تەمىنلىدى. ۋاڭ جىچىڭ فوتوسى
ئېكولوگىيەلىك دېھقانچىلىق مەيدانى دەرسخانىغا كىردى
3-ئاينىڭ 26-كۈنى، شىنجاڭ ئىشلەپچىقىرىش-قۇرۇلۇش بىڭتۇەنى 2-شى 22-تۇەن ئوتتۇرا مەكتىپىنىڭ قورۇسىدىكى «ئېكولوگىيەلىك دېھقانچىلىق مەيدانى» پارنىكىدا، 7-يىللىق ئوقۇغۇچىلىرى ئۆسۈملۈكلەرنىڭ ئۆسۈش ئەھۋالىنى كۆزىتىپ خاتىرىلىمەكتە. يېڭى ئوقۇش مەۋسۇمى باشلانغاندىن بۇيان، بۇ ئوتتۇرا مەكتەپ ئوقۇتۇش ئەندىزىسىدە پائال يېڭىلىق يارىتىپ، بىيولوگىيە دەرستىكى «ئۆسۈملۈكنىڭ ھاياتى» دېگەن بۆلەكنى ئۆتىدىغان دەرسخانىنى مەكتەپنىڭ «ئېكولوگىيەلىك دېھقانچىلىق مەيدانى»غا كۆچۈرۈپ كىردى. شيې جياڭلىن فوتوسى
ئانار بۇلۇت\شىنجاڭ گېزىتى سۈرەتلىك خەۋەرلەر بۆلۈمى ئىشلىگەن
«ئانار بۇلۇت»تىن ئېلىپ تەرجىمە قىلىندى
