3-ئاينىڭ 8-كۈنى، شىنجاڭ ئىشلەپچىقىرىش-قۇرۇلۇش بىڭتۇەنى 2-شى 22-تۇەن 15-ليەنىنىڭ يۇقىرى ئۆلچەملىك ئېتىزلىقىدا، يېزا ئىگىلىك ماشىنىلىرى ئۇياقتىن-بۇياققا ئۆتۈپ سولياۋ يوپۇق يېپىش مەشغۇلاتى قىلماقتا (تىزگىنەكلىك ئۇچقۇدا تارتىلغان). شيې جياڭلىن فوتوسى
باھار كېلىپ، بارلىق شەيئىلەر جانلاندى، شىنجاڭدىكى بىپايان ئېتىزلىقلاردا ھاياتىي كۈچكە تولغان ئەتىيازلىق تېرىلغۇ گۈزەل مەنزىرىسى نامايان بولدى.
ئاقچى دېھقانچىلىق مەيدانىدىكى كۆكباش قوناق تېرىشتىن، كۈنەس ناھىيەسىدىكى كۈزگى بۇغدايلارنى قايتا كۆكلەش مەزگىلىدىكى قوشۇمچە ئوغۇتلاشقىچە؛ يەنجىدىكى ئەقلىي ئىقتىدارلاشقان سولياۋ يوپۇق يېپىش ماشىنىسى ئارقىلىق تۈجۈپىلەپ مەشغۇلات قىلىشتىن، جىڭدىكى ئالقاتلىقتا شاخلارنى پۇتاش بىلەن ئالدىراش بولۇشقىچە ... تىيانشاننىڭ جەنۇبى-شىمالىدا دېھقانلار دېھقانچىلىق پەيتىنى چىڭ تۇتۇپ، ئۈمىد ئۇرۇقىنى چاچتى.
يېزا ئىگىلىك ماشىنىلىرى گۈرۈلدەپ، پەن-تېخنىكا كۈچ قوشتى، ئەنئەنىۋى تېرىقچىلىق بىلەن زامانىۋى ئەقىل-پاراسەت گىرەلىشىپ، ئەتىيازلىق تېرىلغۇ «مارشى» ياڭرىدى.
3-ئاينىڭ 24-كۈنى، تېمپېراتۇرىنىڭ تەدرىجىي ئۆرلىشىگە ئەگىشىپ، جىڭ ناھىيەسىدىكى ئاقچى دېھقانچىلىق مەيدانى كۆكباش قوناق تېرىشنىڭ ئاچقۇچلۇق مەزگىلىنى كۈتۈۋالدى. بۇ يىل، ئاقچى دېھقانچىلىق مەيدانى 200 مو يەرگە كۆكباش قوناق تېرىشنى پىلانلاپ، خاس يېزا ئىگىلىكىنىڭ تەرەققىياتى ئۈچۈن يەنە يېڭى ھەرىكەتلەندۈرگۈچى كۈچ قوشتى. ليۇ چۇەن فوتوسى
∨
∨
3-ئاينىڭ 23-كۈنى، كۈنەس ناھىيەسىنىڭ زەكتى بازىرى زەكتى كەنتىدىكى مۇنبەت ئېتىزلىقتا، دېھقانلار ئەلا سۈپەتلىك بۇغداي ئۇرۇقى ۋە ئوغۇتنى ئۇرۇق سېلىش ماشىنىسىغا سالدى، ماشىنىنىڭ گۈرۈلدىگەن ئاۋازىغا ئەگىشىپ، ئۇرۇق سېلىش ماشىنىسى ئۇياق-بۇياققا ئۆتۈپ، تەرتىپلىك مەشغۇلات قىلماقتا. جاڭ ۋېنتىڭ فوتوسى
∨
3-ئاينىڭ 12-كۈنى، يەنجى خۇيزۇ ئاپتونوم ناھىيەسىنىڭ ئۇخاۋچۈ يېزىسى تۇخاۋچۈ كەنتىدىكى دېھقانلار لازا كۆچۈرۈپ تىكىش ئېتىزىدا سولياۋ يوپۇق يېپىش ماشىنىسىدىن پايدىلىنىپ سولياۋ يوپۇق يېپىش مەشغۇلاتى قىلماقتا. ئىلگىرىكى يىللاردىكىگە ئوخشىمايدىغىنى، بۇ يىل ئەقلىي ئىقتىدارلاشقان يېزا ئىگىلىك ماشىنىلىرى ئېتىز-ئېرىق باشلىرىدا «ئۆز كارامىتى»نى كۆرسىتىپ، ئەتىيازلىق تېرىلغۇ ئىشلەپچىقىرىشىدىكى «ئاساسىي قوشۇن»غا ئايلاندى. چۆ . خۇرە فوتوسى
∨
3-ئاينىڭ 8-كۈنى، شىنجاڭ ئىشلەپچىقىرىش-قۇرۇلۇش بىڭتۇەنى 2-شى 22-تۇەن 15-ليەنىنىڭ يۇقىرى ئۆلچەملىك ئېتىزىدا، يېزا ئىگىلىك ماشىنىلىرى ئۇياقتىن-بۇياققا ئۆتۈپ سولياۋ يوپۇق يېپىش مەشغۇلاتى قىلماقتا. شيې جياڭلىن فوتوسى
∨
3-ئاينىڭ 10-كۈنى، جىڭ ناھىيەسىدىكى باجياخۇ دېھقانچىلىق مەيدانى چارۋىچىلىق 3-ئەترىتىنىڭ ئالقات كەسىپلەر باغچىسىدا، دېھقانلار ئالقات شېخىنى پۇتىماقتا. ھازىر، جىڭ ناھىيەسىدىكى 100 مىڭ مو يەردىكى ئالقاتلىق ئەتىيازلىق شاخ پۇتاش ئاچقۇچلۇق مەزگىلىگە كىرگەچكە، جىڭ ناھىيەسىدىكى ھەرقايسى يېزا-بازارلاردا ئالقات شېخىنى ئەتىيازلىق پۇتاش خىزمىتى ئارقا-ئارقىدىن قانات يايدۇرۇلدى، دېھقانلار بەس-بەستە دېھقانچىلىق پەيتىنى چىڭ تۇتۇپ ئالقات شاخلىرىنى پۇتاپ، ئەتىيازلىق تېرىلغۇ ئىشلەپچىقىرىشىنىڭ ئوڭۇشلۇق ئېلىپ بېرىلىشىغا ھەقىقىي كاپالەتلىك قىلىپ، بۇ يىل مول ھوسۇل ئېلىش ۋە كىرىمنى ئاشۇرۇش ئۈچۈن پۇختا ئاساس سالدى. سەي يۇڭجيې فوتوسى
∨
3-ئاينىڭ 1-كۈنى، قۇتۇبى ناھىيەسىدىكى نەسىللىك كالا فېرمىسى ئېتىزلىقىدا، دېھقانلار ئوغۇت چېچىش ماشىنىسىنى ھەيدەپ ئېتىزلىققا ئوغۇت چاچماقتا. تاۋ ۋېيمىڭ فوتوسى
∨
