G0711 لىنىيەسى ئۈرۈمچى-لوپنۇر يۇقىرى سۈرئەتلىك يولىنىڭ كورلا-بالغۇنتاي بۆلىكى (لىچېڭ جەنۇبى ھەق ئېلىش پونكىتىدىن بالغۇنتاي ھەق ئېلىش پونكىتىغىچە)دە 4-ئاينىڭ 1-كۈنى رەسمىي قاتناش باشلاندى.
143 كىلومېتىر كېلىدىغان بۇ «كاتتا تاشيول» شىنجاڭنىڭ قاتناش سۈرئىتىنى تېزلىتىپ قالماي، تېخىمۇ مۇھىمى قارلىق تاغ، جىلغا، يايلاق، سۇلۇق يەر قاتارلىق سانسىزلىغان سىرلىق مەنزىلنى تۇتاشتۇرۇپ تۇرىدۇ، ھەربىر كۆرۈنۈشتە بىر ئېسىل مەنزىرە كىشىلەرنىڭ كۆز ئالدىدا نامايان بولىدىغان بولۇپ، تىيانشاننىڭ جەنۇبىي ئېتىكىدىكى خىياللاردىكىدەك «مەنزىرە كارىدورى» دەپ ئاتالغان، بۇ يولدا قاتناش باشلىنىشتىن بۇرۇن، بىز بىلەن بىللە بىر مەيدان «بۇلۇت ساياھىتى» قىلىپ، كەلگۈسىدە داكا قىلماقچى بولغان جاينى ئالدىن بېكىتىڭ.
1-بېكەت: لىچېڭ جەنۇبىي ھەق ئېلىش پونكىتى (K290 + 307)
ئاچقۇچلۇق سۆز: بوستانلىقتىكى مەرۋايىت، نەشپۈت چېچىكى كاتتا مەنزىرىسى
كورلا يەنە نەشپۈت شەھىرى دەپمۇ ئاتىلىدۇ، 400 مىڭ مودىن ئارتۇق يەردىكى نەشپۈت دەرەخلىرى ھەر يىلى 4-ئايدا ھۈپپىدە چېچەكلەيدۇ. بۇ يەر قۇملۇقنىڭ چېتىگە جايلاشقان بولۇپ، زامانىۋى شەھەر قىياپىتى بىلەن خەلق ئۆرپ-ئادىتى يۇغۇرۇلغان بوستانلىق شەھىرى ھېسابلىنىدۇ. بۇ يەردە مەززىلىك تائاملار كۆپ، كاۋاپ، سامسا، تونۇر كاۋاپ، پولۇ... نەشپۈت دەرىخى ئاستىدا تەم سەزگۈمىزگە ئەگىشىپ، بۇ مەيدان ئېسىل ساياھىتىمىزنى باشلايمىز.
شياڭسىخۇ تۈگۈنى.
2-بېكەت: شىگشىن مۇلازىمەت رايونى (K236 + 160)
ئاچقۇچلۇق سۆز: يىپەك يولى ئىزنالىرى، مىڭ يىللىق بۇددا ئىبادەتخانىسى
شىگشىن مۇلازىمەت رايونى يېنىدا، شىنجاڭ بويىچە ھازىرغىچە ساقلىنىپ كەلگەن ئەڭ قەدىمكى بۇددا دىنى خارابىسى − شىگشىن بۇددا ئىبادەتخانىسى ساقلانغان بولۇپ، قالدۇق بۇددا مۇنارى، تام رەسىملىرى يىپەك يولىنىڭ شانلىق مەدەنىيلىكىنى بايان قىلىپ تۇرىدۇ.
3-بېكەت: قايدۇ دەرياسى ھەق ئېلىش پونكىتى (K216 + 335)
ئاچقۇچلۇق سۆز: سۇلۇق يەر ئېكولوگىيەسى، پەسىل قۇشلىرىنىڭ مەنزىلگاھى
قايدۇ دەرياسى ئالاھىدە چوڭ كۆۋرۈكى.
قايدۇ دەرياسى سۇلۇق يېرى جەنۇبىي شىنجاڭدىكى ئاز ئۇچرايدىغان «سۇ ماكانى» بولۇپ، قومۇشلار شامالدا لىڭشىپ تۇرىدۇ، سۇ قۇشلىرى بۇ يەردە ئارام ئالىدۇ، ئۆز ئاپتوموبىل ساياھىتى قىلىپ كەلگەنلەر بۇ يەرنىڭ جىمجىتلىقى ۋە ھاياتىي كۈچىنى يېقىن ئارىلىقتىن ھېس قىلالايدۇ.
4-بېكەت: خېجىڭ مۇلازىمەت رايونى (K194 + 130)
ئاچقۇچلۇق سۆز: ئورمانلىقتىكى سىرلىق مەنزىل، ئارشاڭ ماكانى
خېجىڭ بۆلىكىگە كىرگەندىن كېيىن، تىيانشاننىڭ جەنۇبىي ئېتىكىدىكى ئىپتىدائىي ئورمانلىق ۋە دەريا ۋادىسى مەنزىرىسى تاشيولنىڭ ئىككى تەرىپىدە ئاستا-ئاستا نامايان بولىدۇ. يېقىنلا يەرگە كۈنەس دۆلەت ئورمان باغچىسى يوشۇرۇنغان بولۇپ، بۇ يەردە شەمشادلار كۆككە تاقاشقان، سۇ ئېقىنلىرى شىلدىرلاپ ئېقىپ تۇرىدۇ، قىش پەسلىدە يەنە قارلىق تاغ ئارشىڭىدىن ھۇزۇرلانغىلى بولىدۇ!
ئاخىرقى بېكەت: بالغۇنتاي مۇلازىمەت رايونى (K153 + 800)
ئاچقۇچلۇق سۆز: توققۇز ئەگىمدىكى پادىچىلار ناخشىسى، بۇلۇتلار ئارىسىدىكى يايلاق
بالغۇنتايدىن يولغا چىقىپ، ئاپتوموبىلنى ھەيدەپ غەربكە قاراپ ماڭغاندا، بايىنبۇلاق يايلىقى − جۇڭگودىكى 2-چوڭ يايلاققا يېتىپ بارغىلى بولىدۇ! بۇ يەردىكى دەريا ئەگمىسىدە كىشىلەر «توققۇز قۇياش»نى كۆرەلەيدۇ، بۇ يەردىكى يېشىل دالا ئاسمان بىلەن يەرنىڭ كەڭلىكىنى چەكسىز يىراققا سوزغان...
تيەنچياۋ تونىلى ئېغىزىدىكى يول بۆلىكى.
ئۈرۈمچى-لوپنۇر يۇقىرى سۈرئەتلىك يولى سىزنىڭ كېلىپ ھېس قىلىشىڭىزنى كۈتمەكتە، تېزدىن دوستلىرىڭىز بىلەن كېلىشىپ، بۇ «كۆز بىلەن قەلب تەڭ يولغا چىقىدىغان» تىيانشان سەپىرىنى باشلاشقا تەييارلىنىڭ!
(مۇخبىر جىڭ لىجۈن، ئىختىيارىي مۇخبىر يۈەن كېيى، سۈرەت \ ئىختىيارىي مۇخبىر ئۆمەرجان ئەخەت، سىن \ ئىختىيارىي مۇخبىر ۋاڭ جيەنگو)
«ئانار بۇلۇت»تىن ئېلىپ تەرجىمە قىلىندى
