ئاپتونوم رايونىمىزدىكى ھەرقايسى جايلار، ھەرقايسى تارماقلار تېزدىن ئورۇنلاشتۇرما قىلىشنى باشلىدى، ئەتراپلىق تەشكىللەپ يولغا قويدى −
مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش ـ تەربىيەسىنى تەرتىپلىك قانات يايدۇرۇشقا تۈرتكە بولۇش كېرەك
□ئانار بۇلۇت\شىنجاڭ گېزىتى مۇخبىرلىرى
پۈتۈن پارتىيەدە مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش ـ تەربىيەسىنى قانات يايدۇرۇش يولداش شى جىنپىڭ يادرولۇقىدىكى پارتىيە مەركىزىي كومىتېتى چىقارغان زور تەدبىر ـ ئورۇنلاشتۇرما، بۇ يىللىق پارتىيە قۇرۇلۇشى خىزمىتىدىكى مۇھىم سىياسىي ۋەزىپە. ئۇدا بىرقانچە كۈندىن بۇيان، شىنجاڭدىكى ھەرقايسى جايلار، ھەرقايسى تارماقلار تېزدىن ئورۇنلاشتۇرما قىلىشنى باشلاپ، ئەتراپلىق تەشكىللەپ يولغا قويۇپ، كەڭ پارتىيە ئەزالىرى، كادىرلارنى ھەقىقىي تۈردە ئىدىيە ۋە ھەرىكەتنى پارتىيە مەركىزىي كومىتېتىنىڭ تەدبىر ـ ئورۇنلاشتۇرمىلىرىغا بىرلىككە كەلتۈرۈپ، باش شۇجى شى جىنپىڭنىڭ پارتىيەنىڭ ئىستىل قۇرۇلۇشىنى كۈچەيتىش توغرىسىدىكى مۇھىم بايانلىرى ۋە مەركەزنىڭ سەككىز تۈرلۈك بەلگىلىمىسى ھەم ئۇنى يولغا قويۇش تەپسىلىي قائىدىسىنىڭ روھىنى ئەستايىدىل ئۆگىنىپ، ئۆزلەشتۈرۈپ، مەركىزىي خىزمەتكە زىچ بىرلەشتۈرۈپ، ئۆگىنىش ـ تەربىيەسىنى تەرتىپلىك، ئۈنۈملۈك قانات يايدۇرۇپ، ئۈزلۈكسىز تۈردە روھنى ئۇرغۇتۇش، ياخشى ئىستىل تاۋلاش، يېڭى مەسئۇلىيەتچانلىقنى نامايان قىلىشقا يېتەكلىدى.
ئاپتونوم رايونلۇق خەلق قۇرۇلتىيى دائىمىي كومىتېتى پارتىيە گۇرۇپپىسى كېڭەيتىلگەن يىغىن ئېچىپ، خەلق قۇرۇلتىيى ئورگىنىنىڭ مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش ـ تەربىيەسى خىزمىتىنى مۇھاكىمە قىلدى، ئورۇنلاشتۇرما قىلدى، ئۆگىنىش ـ تەربىيەسى ۋە مەركەزلىك تۈزەش خىزمىتى تەدبىرلىرىنى ئايدىڭلاشتۇردى. يىغىندا مۇنداق تەكىتلەندى: بۇ قېتىمقى ئۆگىنىش ـ تەربىيەسىنىڭ مۇھىم ئەھمىيىتىنى تولۇق تونۇپ، يۈكسەكلىكنى يەنىمۇ ئۆستۈرۈپ، مەسئۇلىيەتنى چىڭىتىپ، دىققەتنى باش تېمىغا مەركەزلەشتۈرۈپ، ئەمەلىي ئۈنۈمگە ئەھمىيەت بېرىپ، ئۆگىنىش ـ تەربىيەسىنى قانات يايدۇرۇشنى كۆزىتىشكە ئاساسەن تۈزىتىش خىزمىتى، پارتىيە ئىستىلى، پاكلىق قۇرۇلۇشىنى ۋە چىرىكلىككە قارشى تۇرۇش كۈرىشىنى چوڭقۇر ئالغا سىلجىتىش بىلەن بىرلەشتۈرۈپ، مەركەزلىك تۈزەش بىلەن كۆزىتىشكە ئاساسەن تۈزىتىشنى بىر گەۋدىلەشتۈرۈپ ئالغا سىلجىتىپ، ئۆگىنىشنىڭ سۈپىتى بولۇش، تەكشۈرۈشنىڭ سالمىقى بولۇش، تۈزىتىشنىڭ ئۈنۈمى بولۇشقا ھەقىقىي كاپالەتلىك قىلىپ، يۈكسەك سىياسىي ئاڭلىقلىق، ئىدىيە ئاڭلىقلىقى ۋە ھەرىكەت ئاڭلىقلىقى ئارقىلىق، خەلق قۇرۇلتىيىنىڭ ئورگان ئىستىلىنى سىجىل ياخشلاشقا تۈرتكە بولۇپ، ئېسىل ئىستىل ئارقىلىق قەلب ۋە كۈچنى مۇجەسسەملەش، ئىش قىلىپ نەتىجە يارىتىش كېرەك.
ئاپتونوم رايونلۇق پارتىيە كومىتېتى بەنگۇڭتىڭى مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش ـ تەربىيەسىنى قانات يايدۇرۇشنى بىر تۈرلۈك مۇھىم سىياسىي ۋەزىپە قىلىپ، بەنگۇڭتىڭ ئىشلىرى يىغىنى ئېچىپ، مەركەزنىڭ سەككىز تۈرلۈك بەلگىلىمىسى ھەم ئۇنى يولغا قويۇش تەپسىلىي قائىدىسىنىڭ روھىنى ئەستايىدىل ئۆگىنىپ، ئۆگىنىش ـ تەربىيەسىنى قانات يايدۇرۇشنى ئورۇنلاشتۇردى، ئورۇنلاشتۇرما قىلدى. شۇنىڭ بىلەن بىللە، دىققەتنى پارتىيە كومىتېتى بەنگۇڭتىڭىنىڭ فۇنكسىيەسى، مەسئۇلىيىتىگە مەركەزلەشتۈرۈپ، باشلامچى بولۇپ مەركەزلىك تۈزەش ۋەزىپىسىنى چۆرىدەپ، ھەرقايسى ماسلىشىدىغان تارماقلار، ئورۇنلار بىلەن بىرلىكتە كونكرېت ئىپادىلەش ۋە تۈزەش تەدبىرلىرىنى ئىنچىكىلەشتۈرۈپ، ئۆگىنىش ـ تەربىيەسىنىڭ تەرتىپلىك، ئۈنۈملۈك قانات يايدۇرۇلۇشىغا تۈرتكە بولدى. كېيىنكى قەدەمدە، ئاپتونوم رايونلۇق پارتىيە كومىتېتى بەنگۇڭتىڭى دىققەتنى باش تېمىغا مەركەزلەشتۈرۈش، ئاددىي، ئەمەلىي بولۇشتا چىڭ تۇرۇپ، ئۆگىنىش، تەكشۈرۈش، تۈزىتىشنى بىر گەۋدىلەشتۈرۈپ ئالغا سىلجىتىپ، كۈندىلىك خىزمەتلەرگە سىڭدۈرۈپ، دائىم تۇتۇپ، ئىستىل قۇرۇلۇشىنىڭ يېڭى نەتىجىسى ئارقىلىق «ئۈچكە مۇلازىمەت قىلىش» خىزمىتىنىڭ يەنە يېڭى پەللىگە كۆتۈرۈلۈشىنى كۈچلۈك كاپالەت بىلەن تەمىنلەيدۇ.
ئاپتونوم رايونلۇق خەلق ھۆكۈمىتى بەنگۇڭتىڭى ھەر دەرىجىلىك پارتىيە تەشكىلاتلىرى، پارتىيەلىك رەھبىرىي كادىرلاردىن ئاڭلىق ھالدا ئىدىيەۋى تونۇشنى بىرلىككە كەلتۈرۈپ، سىياسىي مەسئۇلىيەتنى ئېنىق تونۇپ، ئىچكى ھەرىكەتلەندۈرگۈچى كۈچنى ئۇرغۇتۇپ، ئۆگىنىش ـ تەربىيەسى پىلانىنى تەتقىق قىلىپ تۈزۈپ، ئۆگىنىش، تەكشۈرۈش، تۈزىتىش ۋە مەركەزلىك تۈزەش خىزمىتىنى پۇختا ئالغا سىلجىتىشنى تەلەپ قىلدى. بىرلەشتۈرۈشكە كۈچ سەرپ قىلىشقا ئەھمىيەت بېرىپ، دىققەتنى ئۆگىنىش ـ تەربىيەسى باش تېمىسىغا مەركەزلەشتۈرۈپ، ئورگان چوڭ دەرسخانىسى، كادىرلارنى تەربىيەلەش ـ يېتىشتۈرۈش، پارتىيە ئىستىلى، پاكلىق قۇرۇلۇشى تەربىيەسى ئېيى قاتارلىق مەزمۇنلارنى بىرتۇتاش ئورۇنلاشتۇرۇپ، ئۆگىنىش ـ تەربىيەسىنى ئەمەلىي قىلدى. شۇنىڭ بىلەن بىللە، قاراتمىلىق ھالدا نىشان تۇرغۇزۇپ، مەركەزنىڭ سەككىز تۈرلۈك بەلگىلىمىسى ھەم ئۇنى يولغا قويۇش تەپسىلىي قائىدىسىگە سېلىشتۇرۇپ، كۆزىتىش بويىچە قايتما ئىنكاس قىلىنغان مەسىلىلەرنى تۈزىتىشكە بىرلەشتۈرۈپ، مەسىلە تىزىملىكىنى تۈزۈپ چىقىپ، بىر تەرەپتىن تەكشۈرۈپ، بىر تەرەپتىن مۇكەممەللەشتۈرۈپ، بىر تەرەپتىن تۈزىتىپ، بىر تەرەپتىن تىزىملىكتىن ئۆچۈرۈپ، مەركەزلىك تۈزەش نەتىجىسىنىڭ تەسىرى، ئۈنۈمى بولۇشقا ھەقىقىي كاپالەتلىك قىلدى.
ئاپتونوم رايونلۇق سىياسىي كېڭەش ئورگىنى يىغىن ئېچىپ، مۇنداق تەكىتلىدى: ئۆگىنىش ـ تەربىيەسىدىكى تۈرلۈك ۋەزىپىلەرنى پۇختا تۇتۇپ، ئىنچىكە تۇتۇپ، ئەمەلىي ھەرىكەت ئارقىلىق «ئىككىنى تىكلەش»نى قەتئىي ھىمايە قىلىش، «ئىككىنى قوغداش»نى قەتئىي ئىشقا ئاشۇرۇش كېرەك. شەخسلەر ئۆزلۈكىدىن ئۆگىنىش بىلەن مەركەزلىك ئۆگىنىش، كۈندىلىك تەربىيەلەش بىلەن مەركەزلىك تەربىيەلەشنى بىرلەشتۈرۈشتە چىڭ تۇرۇپ، ئۆگىنىش، ئۆزلەشتۈرۈش جەھەتتە تېخىمۇ يۇقىرى ئورۇندا تۇرۇش، تېخىمۇ چوڭقۇر ئويلىنىش، تېخىمۇ تىرىشىش كېرەك. ئۆگەنگەننى ئىشلىتىشتە چىڭ تۇرۇپ، ئىستىل قۇرۇلۇشىنى ئورگاننىڭ مەسئۇلىيەتنى ئادا قىلىش خىزمىتىنىڭ پۈتكۈل جەريانى ۋە ھەرقايسى تەرەپلىرىگە سىڭدۈرۈشكە تۈرتكە بولۇپ، دىققەتنى يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇشقا مەركەزلەشتۈرۈپ، ئاپتونوم رايونلۇق سىياسىي كېڭەشنىڭ مەركىزىي خىزمەتنى چۆرىدەپ ئومۇمىيەتكە مۇلازىمەت قىلىپ، مەسئۇلىيىتىنى تولۇق ئادا قىلىشىنى تېخىمۇ يۇقىرى سۈپەت ۋە ئۈنۈم ئارقىلىق كاپالەتلەندۈرۈپ، ھەقىقىي تۈردە ئۆگىنىش ـ تەربىيەسىنى ئىدىيەۋى تونۇشنى ئۆستۈرۈش، گەۋدىلىك مەسىلىلەرنى ھەل قىلىش، كۈچلۈك پارتىيەۋىلىكنى تاۋلاش، مەسئۇلىيەتنى زىممىگە ئېلىپ نەتىجە يارىتىشقا رىغبەتلەندۈرۈشتىكى ئەمەلىي ھەرىكەتكە ئايلاندۇرۇش كېرەك.
ئالتاي ۋىلايەتلىك پارتىيە كومىتېتى نىشان ـ تەلەپنى چىڭ كۆزلەپ، مەركەزنىڭ سەككىز تۈرلۈك بەلگىلىمىسى ھەم ئۇنى يولغا قويۇش تەپسىلىي قائىدىسىنىڭ روھىنى چوڭقۇر ئۆگىنىپ، ئۆزلەشتۈرۈپ ۋە ئىزچىللاشتۇرۇپ، ئەمەلىيلەشتۈرۈپ، كۆڭۈل قويۇپ تەشكىللەپ، دەل جايىدا كۈچەپ، «تىزىملىك شەكلىدىكى باشقۇرۇش» «تۈرلەشتۈرۈپ ئالغا سىلجىتىش» ئۇسۇلى ئارقىلىق، ئۆگىنىش، تەكشۈرۈش، تۈزىتىشنى بىر گەۋدىلەشتۈرۈپ ئالغا سىلجىتتى. ئوخشاش بولمىغان قاتلاملار بويىچە خىزمەت تىزىملىكىنى تۈرگە ئايرىپ تەتقىق قىلىپ تۈزۈپ، ۋەزىپىنى ئايدىڭلاشتۇرۇش، مەسئۇلىيەتنى ئادەمگىچە ئەمەلىيلەشتۈرۈشنى ئىشقا ئاشۇرۇپ، تۈرلۈك ۋەزىپە، تەدبىرنىڭ چوڭقۇرلىشىشى، پۇختىلىنىشى، ئەمەلىيلىشىپ ئۈنۈم ھاسىل قىلىشىنى ماس ئالغا سىلجىتتى.
ئاقسۇ ۋىلايەتلىك پارتىيە كومىتېتى ھەر دەرىجىلىك ھەرقايسى تارماقلار ۋە كەڭ پارتىيە ئەزالىرى، كادىرلاردىن يۈكسەك سىياسىي ئاڭلىقلىق، ئىدىيە ئاڭلىقلىقى ۋە ھەرىكەت ئاڭلىقلىقى ئارقىلىق ئۆگىنىش ۋە مۇھاكىمە قىلىش، مەسىلىلەرنى تەكشۈرۈپ تېپىپ چىقىش، مەركەزلىك تۈزەش، ئوچۇق ـ ئاشكارا تەربىيەلەش قاتارلىق تۈرلۈك ۋەزىپىلەرنى ئەمەلىيلەشتۈرۈشنى ياخشى تۇتۇشنى تەلەپ قىلدى. «جەنۇبىي شىنجاڭنىڭ شاھمات كۆزىلىك، موتورلۇق» ئىستراتېگىيەلىك ئورۇن بېكىتمىسىنى چىڭ كۆزلەپ، «ئون چوڭ كەسىپ توپى» تەرەققىياتىنى ئاساسىي ھۇجۇم يۆنىلىشى قىلىشتا چىڭ تۇرۇپ، ئاممىنىڭ ئېرىشىش تۇيغۇسى، رازى بولۇش دەرىجىسىنى ئۆگىنىش ـ تەربىيەسىنىڭ ئۈنۈمىنى تەكشۈرۈشتىكى مۇھىم پايدىلانما قىلىپ، ئاممىنىڭ پىكىر ـ تەكلىپلىرىنى كەڭ دائىرىدە ئاڭلاپ، ئوتتۇرىغا قويۇلغان خىزمەت تەكلىپلىرىنى ھەقىقىي تۈردە ئەمەلىيلەشتۈرۈشكە تۈرتكە بولىدىغان ئىنچىكە تەدبىرگە ئايلاندۇرۇشنى تەكىتلىدى.
بورتالا شەھەرلىك ئىنتىزام تەكشۈرۈش كومىتېتى، رېۋىزىيە كومىتېتى ئۆگىنىش ـ تەربىيەسىنى چوڭقۇر قانات يايدۇرۇپ، «تۆت خاھىش» مەسىلىسىنىڭ يېڭى يۈزلىنىشىگە چىڭ قادىلىپ، دىققەتنى بەلگىلىمىگە خىلاپ ھالدا يەپ ـ ئىچىش، سوۋغاتلىق بۇيۇم، سوۋغاتلىق پۇل بېرىش ـ ئېلىش قاتارلىق جاھىل ئىللەتلەرگە مەركەزلەشتۈرۈپ، «چوڭ سانلىق مەلۇمات + ئاشكارا كۆزىتىش، يوشۇرۇن تەكشۈرۈش» ئۇسۇلىنى قوللىنىپ، دەل جايىدا نازارەت قىلىشنى قانات يايدۇردى. شۇنىڭ بىلەن بىللە، پۈتۈن شەھەردىكى پارتىيە ئەزالىرى، كادىرلارنى ئىبرەت تەربىيەسى فىلىمىنى كۆرۈشكە تەشكىللەپ، پاك ـ تەلەپچان بولۇش ئاگاھ سىگنالىنى ياڭرىتىپ، چىرىكلىشىشنى توسۇپ، ئۆزگىرىپ ئاينىپ كېتىشنىڭ ئالدىنى ئېلىش ئىدىيەۋى مۇداپىئە سېپىنى مۇستەھكەملىدى.
(مۇخبىر جاڭ يەنفاڭ، قاتناشقان مۇخبىرلار جاڭ تىڭ، جاڭ جىلى، ئىختىيارىي مۇخبىر خۇ جۈنشيۇ)
