شىنخۇا ئاگېنتلىقى، بېيجىڭ، 3 ـ ئاينىڭ 29 ـ كۈنى تېلېگراممىسى 3 ـ ئاينىڭ 29 ـ كۈنى، دۆلەت رەئىسى شى جىنپىڭ بىرمىنىڭ يەر تەۋرەش ئاپىتىگە ئۇچرىغانلىقى مۇناسىۋىتى بىلەن بىرما رەھبىرى مىن ئاڭلەيگە ھال سوراش تېلېگراممىسى ئەۋەتتى.
شى جىنپىڭ مۇنداق بىلدۈردى: بىرمىنىڭ كۈچلۈك يەر تەۋرەش ئاپىتىگە ئۇچراپ، ئېغىر دەرىجىدە ئادەم ئۆلۈش ـ يارىلىنىش ۋە مال ـ مۈلۈك زىيىنى پەيدا قىلغانلىقىدىن خەۋەر تېپىپ چۆچۈدۈم. مەن جۇڭگو ھۆكۈمىتى ۋە جۇڭگو خەلقىگە ۋاكالىتەن بەختسىزلىككە ئۇچرىغانلارغا چوڭقۇر تەزىيە بىلدۈرىمەن، بەختسىزلىككە ئۇچرىغانلارنىڭ ئائىلە تەۋەلىرى، يارىلانغانلار ۋە ئاپەت يۈزبەرگەن رايوندىكى خەلق ئاممىسىدىن سەمىمىي ھال سورايمەن. جۇڭگو بىلەن بىرما جاپادىمۇ، ھالاۋەتتىمۇ بىللە بولىدىغان تەقدىر ئورتاق گەۋدىسى، ئىككى دۆلەت خەلقىنىڭ قېرىنداشلىق مېھىر ـ مۇھەببىتى چوڭقۇر. جۇڭگو تەرەپ بىرما تەرەپنى زۆرۈر بولغان ياردەم بىلەن تەمىنلەشنى خالايدۇ، ئاپەت يۈزبەرگەن رايوندىكى خەلقنىڭ ئاپەت ئۈستىدىن بالدۇرراق غەلىبە قىلىپ، يۇرت ـ ماكانىنى قايتا قۇرۇپ چىقىشىغا مەدەت بېرىدۇ.
شۇ كۈنى، گوۋۇيۈەننىڭ زۇڭلىسى لى چياڭ بىرمىنىڭ يەر تەۋرەش ئاپىتىگە ئۇچرىغانلىقى مۇناسىۋىتى بىلەن مىن ئاڭلەيگە ھال سوراش تېلېگراممىسى ئەۋەتتى.
