3 - ئاينىڭ 28 - كۈنى چۈشتىن بۇرۇن، دۆلەت رەئىسى شى جىنپىڭ بېيجىڭ خەلق سارىيىدا خەلقئارا سودا - سانائەت ساھەسى ۋەكىللىرى بىلەن كۆرۈشتى. □شىنخۇا ئاگېنتلىقى مۇخبىرى لى شۆرېن فوتوسى
شىنخۇا ئاگېنتلىقى، بېيجىڭ، 3 - ئاينىڭ 28 - كۈنى تېلېگراممىسى (مۇخبىرلار ياڭ يىجۈن، سۈن يى) 3 - ئاينىڭ 28 - كۈنى چۈشتىن بۇرۇن، دۆلەت رەئىسى شى جىنپىڭ بېيجىڭ خەلق سارىيىدا خەلقئارا سودا - سانائەت ساھەسى ۋەكىللىرى بىلەن كۆرۈشتى.
شى جىنپىڭ خەلقئارا سودا - سانائەت ساھەسى ۋەكىللىرىنىڭ كەلگەنلىكىنى قارشى ئالدى، ئۇلارنىڭ ئۇزاقتىن بۇيان جۇڭگو بىلەن بولغان ھەمكارلىققا كۈچ چىقارغانلىقىنى ئالقىشلىدى. شى جىنپىڭ مۇنداق تەكىتلىدى: يېڭى جۇڭگو قۇرۇلغان 70 نەچچە يىلدىن بۇيان، بولۇپمۇ ئىسلاھات - ئېچىۋېتىش يولغا قويۇلغان 40 نەچچە يىلدىن بۇيان، ئىقتىساد تېز تەرەققىي قىلىش ۋە جەمئىيەت ئۇزاققىچە مۇقىم بولۇشتىن ئىبارەت «ئىككى چوڭ مۆجىزە»نى ياراتتۇق، بۇنىڭدا جۇڭگو كوممۇنىستىك پارتىيەسىنىڭ كۈچلۈك رەھبەرلىكى ۋە جۇڭگو خەلقىنىڭ ئىتتىپاقلىشىپ كۈرەش قىلىشىغا تاياندۇق، بۇ ھەم خەلقئارا جەمئىيەتنىڭ قوللىشى ۋە ياردىمىدىن ئايرىلالمايدۇ، بۇ، جۇڭگودىكى چەت ئەل مەبلىغى كارخانىلىرىنىڭ قوشقان تۆھپىسىنى ئۆز ئىچىگە ئالىدۇ. ئىسلاھات - ئېچىۋېتىش ئارقىلىق جۇڭگو تېز سۈرئەتتە دۇنيا بازىرىغا كىردى، چوڭ قەدەم بىلەن دەۋرگە يېتىشىۋالدى، بۇنىڭدىكى مۇھىم بىر تەرەپ چەت ئەل مەبلىغىدىن پائال پايدىلاندۇق. چەت ئەل مەبلىغى كارخانىلىرىنىڭ جۇڭگوغا كېلىپ مەبلەغ سېلىشى جۇڭگو ئىقتىسادىنىڭ ئېشىشىغا ۋە ئىشقا ئورۇنلىشىشقا تۈرتكە بولدى، جۇڭگونىڭ تېخنىكا ۋە باشقۇرۇش جەھەتتىكى تەرەققىياتىنى ئىلگىرى سۈردى، جۇڭگونىڭ ئىسلاھات - ئېچىۋېتىش ئىشلىرىغا تۈرتكە بولدى. ئەمەلىيەت شۇنى ئىسپاتلىدىكى، چەت ئەل مەبلىغى كارخانىلىرى جۇڭگوچە زامانىۋىلاشتۇرۇشتىكى مۇھىم قاتناشقۇچى، جۇڭگونىڭ ئىسلاھات - ئېچىۋېتىش ۋە يېڭىلىق يارىتىش، ئىجاد قىلىش ئىشلىرىدىكى مۇھىم قاتناشقۇچى، جۇڭگونىڭ دۇنيا بىلەن تۇتىشىشى، ئىقتىسادنىڭ دۇنياۋىلىشىشىغا سىڭىشىشىدىكى مۇھىم قاتناشقۇچى. بۇ جەرياندا، چەت ئەل مەبلىغى كارخانىلىرى ئومۇميۈزلۈك مول مەنپەئەتكە ئېرىشتى، كارخانىلار ئۈزلۈكسىز تەرەققىي قىلىپ زورىيىپ، ئۆزئارا مەنپەئەت يەتكۈزۈپ ئورتاق پايدا ئېلىشنى ئىشقا ئاشۇردى، شۇنداقلا جۇڭگو خەلقى بىلەن چوڭقۇر دوستلۇق ئورناتتى.
شى جىنپىڭ مۇنداق كۆرسەتتى: كۆپ يىللاردىن بۇيان، جۇڭگو ئىزچىل دۇنيا ئىقتىسادىنىڭ ئېشىشىدىكى ئاساسلىق تۆھپىكار ۋە مۇقىملاشتۇرغۇچ بولۇپ، جۇڭگوچە زامانىۋىلاشتۇرۇشنى ئومۇميۈزلۈك ئالغا سىلجىتماقتا. سىرتقا ئېچىۋېتىش جۇڭگونىڭ ئاساسىي دۆلەت سىياسىتى، جۇڭگو يۇقىرى سەۋىيەلىك سىرتقا ئېچىۋېتىشنى ئالغا سىلجىتىپ، قائىدە، تۈزۈم، باشقۇرۇش، ئۆلچەم قاتارلىق تۈزۈم تىپىدىكى ئېچىۋېتىشنى پۇختا قەدەمدە كېڭەيتىۋاتىدۇ، ئېچىۋېتىلگەن دەرۋازىسى بارغانسېرى كەڭ ئېچىۋېتىلىدۇ، چەت ئەل مەبلىغىدىن پايدىلىنىش سىياسىتى ئۆزگەرمىدى ھەم ئۆزگەرمەيدۇ. جۇڭگو يەرشارىدىكى 2 - چوڭ ئىستېمال بازىرى، يەرشارى بويىچە كۆلىمى ئەڭ چوڭ ئوتتۇراھال كىرىملىكلەر توپىغا، غايەت زور سېلىنما ۋە ئىستېمال يوشۇرۇن كۈچىگە ئىگە. جۇڭگو يۇقىرى سۈپەتلىك تەرەققىياتقا كۈچ چىقىرىپ، يېشىللاشقان، رەقەملەشكەن، ئەقلىي ئىقتىدارلاشقان تىپ ئۆزگەرتىشنى تېز ئالغا سىلجىتىۋاتىدۇ، كەسىپ يۈرۈشتۈرۈش ئىقتىدارى كۈچلۈك، بۇ، يېڭى بىر نۆۋەتلىك پەن - تېخنىكا ئىنقىلابى ۋە كەسىپ ئۆزگىرىشىنىڭ ئەڭ ياخشى ئەمەلىي كۆرۈنۈشى. جۇڭگو چەت ئەل مەبلىغىدىن پايدىلىنىشقا دائىر بىرقەدەر تاكامۇللاشقان قانۇن - نىزام سىياسەت سىستېمىسى ۋە خىزمەت سىستېمىسىنى شەكىللەندۈرۈپ، سودا ۋە سېلىنمىنى ئەركىنلەشتۈرۈش، قولايلاشتۇرۇشقا تۈرتكە بولۇپ، بازارلاشقان، قانۇنچىللاشقان، خەلقئارالاشقان بىرىنچى قاتاردىكى تىجارەت - سودا مۇھىتىنى پائال ياراتتى. جۇڭگو ئۇزاقتىن بۇيان سىياسىي ۋەزىيىتى مۇقىم، جەمئىيەت تىنچ بولۇشنى ساقلاپ كېلىۋاتقان دۇنيا ئېتىراپ قىلغان ئەڭ بىخەتەر دۆلەتلەرنىڭ بىرى. بۇلار شۇنى چۈشەندۈرىدۇكى، جۇڭگو كەسىپلىرىنىڭ سەھنىسى زور، بازار ئىستىقبالى كەڭ، سىياسەت كۆزلىمىسى مۇقىم، بىخەتەرلىك ۋەزىيىتى ياخشى بولۇپ، دەل چەت ئەل مەبلىغى كارخانىلىرىنىڭ مەبلەغ سېلىپ كەسىپنى گۈللەندۈرۈشىگە پايدىلىق بىر مۇنبەت تۇپراق. جۇڭگو ئىلگىرى چەت ئەل سودىگەرلىرىنىڭ كۆڭۈلدىكىدەك، بىخەتەر، ئىستىقباللىق مەبلەغ سېلىش مەنزىلى ئىدى، ھازىرمۇ، كەلگۈسىدىمۇ مۇقەررەر ھالدا شۇنداق بولىدۇ، جۇڭگو بىلەن بىللە ماڭغانلىق پۇرسەت بىلەن بىللە ماڭغانلىق، جۇڭگوغا ئىشەنگەنلىك ئەتىگە ئىشەنگەنلىك، جۇڭگوغا مەبلەغ سالغانلىق كەلگۈسىگە مەبلەغ سالغانلىق.
شى جىنپىڭ مۇنداق تەكىتلىدى: جۇڭگو كوممۇنىستىك پارتىيەسى 20 - نۆۋەتلىك مەركىزىي كومىتېتى 3 - ئومۇمىي يىغىنىدا، چەت ئەل سودىگەرلىرىنىڭ مەبلەغ سېلىش ۋە چەت ئەلگە مەبلەغ سېلىشنى باشقۇرۇش تۈزۈلمىسى ئىسلاھاتىنى چوڭقۇرلاشتۇرۇشنىڭ يول خەرىتىسى ۋە ۋاقىت جەدۋىلى تۈزۈلدى. جۇڭگو بازار ئىجازىتى ئۆلچىمىنى تۆۋەنلىتىشنى مۇھىم نۇقتا قىلىپ، ئېچىۋېتىشنى يەنىمۇ كېڭەيتىدۇ؛ جۇڭگودىكى چەت ئەل مەبلىغى كارخانىلىرىنىڭ پۇقراۋى مۇئامىلىدىن ئوخشاش بەھرىمەن بولۇشىغا كاپالەتلىك قىلىپ، بازاردىكى ئادىل رىقابەتنى قوغدايدۇ؛ چەت ئەل سودىگەرلىرى بىلەن بولغان ئالاقىلىشىش ۋە ئالماشتۇرۇشنى كۈچەيتىپ، ئۇلارنىڭ جۇڭگوغا كېلىپ سودا قىلىشى ۋە مەبلەغ سېلىشىغا ئىمكانىيەتنىڭ بارىچە قولايلىق يارىتىپ بېرىپ، چەت ئەل مەبلىغى كارخانىلىرىنىڭ قانۇنلۇق ھوقۇق - مەنپەئىتىنى قانۇن بويىچە قوغدايدۇ. شۇنىڭ بىلەن بىللە، جۇڭگو قەتئىي تەۋرەنمەي تىنچ تەرەققىيات يولىدا مېڭىپ، چەت ئەل مەبلىغى كارخانىلىرىنىڭ تەرەققىياتى ئۈچۈن تىرىشىپ ياخشى تاشقى مۇھىت يارىتىپ بېرىدۇ.
شى جىنپىڭ مۇنداق كۆرسەتتى: كۆپ تەرەپچىلىك دۇنيا دۇچ كەلگەن قىيىنچىلىق، خىرىسلارنى ھەل قىلىشتىكى مۇقەررەر تاللاش، ئىقتىسادنىڭ دۇنياۋىلىشىشى توسۇۋالغىلى بولمايدىغان تارىخىي ئېقىم. جۇڭگو ھەقىقىي كۆپ تەرەپچىلىكتە چىڭ تۇرۇپ، ئومۇمىي مەنپەئەتدار، سىغدۇرۇشچان بولغان ئىقتىسادنىڭ دۇنياۋىلىشىشىغا تۈرتكە بولۇپ، دۇنياۋى ئىقتىسادنى ئىدارە قىلىشقا پائال قاتنىشىپ، ئوچۇق دۇنيا ئىقتىسادىنى بەرپا قىلىشقا كۈچ چىقىرىدۇ. چەت ئەل مەبلىغى كارخانىلىرى، بولۇپمۇ دۆلەت ھالقىغان شىركەتلەر دۇنيانىڭ ئىقتىسادىي تەرتىپىنى قوغداشتا مۇھىم رولىنى جارى قىلدۇرماقتا، شۇنداقلا مۇھىم مەسئۇلىيەتنى ئۈستىگە ئالماقتا. كۆپ تەرەپلىك سودا تۈزۈلمىسىنى ئورتاق قوغداپ، يەرشارىۋى كەسىپ زەنجىرى، تەمىنلەش زەنجىرىنىڭ مۇقىملىقىنى ئورتاق قوغداپ، ئېچىۋېتىلگەن، ھەمكارلىشىدىغان خەلقئارا مۇھىتنى ئورتاق قوغداپ، ئىقتىسادنىڭ دۇنياۋىلىشىشىنىڭ توغرا يۆنىلىشكە قاراپ تەرەققىي قىلىشىغا تۈرتكە بولۇش كېرەك.
چەت ئەل مەبلىغى كارخانىلىرىنىڭ يەرشارىۋى باش مۇدىرلىرى، باش ئىجرائىيە ئەمەلدارلىرى ۋە سودا جەمئىيىتىنىڭ 40 نەچچە ۋەكىلى كۆرۈشۈشكە قاتناشتى. ئامېرىكا قوشما ئىشتات تېز يەتكۈزۈش گۇرۇھىنىڭ باش لىدىرى رۇي سىبو، گېرمانىيە مېرسىدىس − بېنىز گۇرۇھى مۇدىرىيىتىنىڭ رەئىسى كاڭ لىنسۇڭ، فىرانسىيە سەينوفېي گۇرۇھىنىڭ باش ئىجرائىيە ئەمەلدارى خەن باۋلو، ئەنگلىيە خۇيفېڭ پاي كونترول گۇرۇھىنىڭ مەمۇرىي باش لىدىرى ئەي چياۋجى، ياپونىيە رىلى ياسىمىچىلىق ئورنىنىڭ باشلىقى دۇڭيۈەن مىنجاۋ، كورېيە SK خەيلىشى شىركىتىنىڭ باشلىقى گو لۇجېڭ، سەئۇدى ئەرەبىستانى ئامېي شىركىتىنىڭ باش لىدىرى ناسىر قاتارلىقلار ئىلگىرى - كېيىن بولۇپ سۆز قىلدى.
ئۇلار مۇنداق بىلدۈردى: رەئىس شى جىنپىڭنىڭ رەھبەرلىكىدە، جۇڭگو ئىسلاھاتنى ئومۇميۈزلۈك چوڭقۇرلاشتۇرۇش، يۇقىرى سەۋىيەلىك سىرتقا ئېچىۋېتىشنى كېڭەيتىش ئارقىلىق ئىقتىسادنىڭ مۇقىم ئېشىشىنى ئىشقا ئاشۇردى، بۇ، كىشىنى قايىل قىلىدۇ. «جۇڭگو ياسىمىچىلىقى»دىن «يېڭى سۈپەتلىك ئىشلەپچىقىرىش كۈچلىرى»گىچە، جۇڭگو پەن - تېخنىكىدا يېڭىلىق يارىتىش ئارقىلىق كەسىپلەرنىڭ تىپىنى ئۆزگەرتىپ دەرىجىسىنى ئۆستۈرۈشكە كۈچ قوشۇپ، تېخىمۇ يۇقىرى سۈپەتلىك، تېخىمۇ ئىمكانىيەتلىك سىجىل تەرەققىياتنى ئىشقا ئاشۇرىدۇ، جۇڭگو ئىقتىسادىنىڭ ئىستىقبالى پارلاق. قورۇقچىلىق كۈچىيىۋاتقان ئارقا كۆرۈنۈشتە، جۇڭگو ئېچىۋېتىشنى ئۈزلۈكسىز كېڭەيتىپ، دۇنياۋى ئىقتىسادقا مۇقىملىق بېغىشلاپ، ئېنىقلىققا تولغان بوستانلىققا ۋە مەبلەغ سېلىپ كەسىپنى گۈللەندۈرۈشتىكى مېھىرلىك تۇپراققا ئايلاندى. جۇڭگونىڭ تەرەققىياتى دۇنيا ئىقتىسادىنىڭ يادرولۇق ھەرىكەتلەندۈرگۈچ كۈچى، جۇڭگودىكى كەڭ پۇرسەت ۋە ئۆسۈپ يېتىلىش بوشلۇقى كىشىنى ھاياجانغا سالىدۇ. جۇڭگو ھۆكۈمىتىنىڭ چەت ئەل مەبلىغى كارخانىلىرىغا ئادىل، ياخشى تىجارەت - سودا مۇھىتى يارىتىپ بەرگەنلىكىنى يۈكسەك ئالقىشلايمىز، قەتئىي تەۋرەنمەي جۇڭگوغا مەبلەغ سېلىپ ھەمكارلىشىشنى كېڭەيتىپ، جۇڭگو بازىرىدا چوڭقۇر يىلتىز تارتىپ، جۇڭگوچە زامانىۋىلاشتۇرۇش مۇساپىسىگە پائال قاتنىشىپ، جۇڭگونىڭ چەت ئەللەر بىلەن بولغان ئالماشتۇرۇشى، ھەمكارلىشىشى ئۈچۈن كۆۋرۈك سېلىپ، دۇنياۋى بازارنى ئېچىۋېتىشنى قوللاپ، خەلقئارا ئەركىن سودىنى قوغداپ، دۇنيا ئىقتىسادىنىڭ تەرەققىياتى ئۈچۈن تۆھپە قوشىمىز.
سەي چى، ۋاڭ يى، خې لىفېڭ قاتارلىقلار كۆرۈشۈشكە قاتناشتى.
