ئاپتونوم رايوننىڭ ۋەكىللەر قانۇنىنى ئۆگىنىش، ئىزچىللاشتۇرۇش، يولغا قويۇش سۆھبەت يىغىنى ئېچىلدى
قانۇنچىللىق يولىدا خەلق قۇرۇلتىيى ۋەكىللىرى خىزمىتىنىڭ يۇقىرى سۈپەتلىك تەرەققىياتىغا تۈرتكە بولۇش كېرەك
شىنجاڭ گېزىتى، ئۈرۈمچى، 3 - ئاينىڭ 27 - كۈنى خەۋىرى ئانار بۇلۇت\شىنجاڭ گېزىتى مۇخبىرى جاڭ لېي خەۋەر قىلىدۇ: 3 - ئاينىڭ 26 - كۈنى، ئاپتونوم رايوننىڭ ۋەكىللەر قانۇنىنى ئۆگىنىش، ئىزچىللاشتۇرۇش، يولغا قويۇش سۆھبەت يىغىنى ئېچىلدى. ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇدىرى زۇمرەت ئوبۇل قاتناشتى ھەم سۆز قىلدى. ئۇ مۇنداق تەكىتلىدى: باش شۇجى شى جىنپىڭنىڭ ۋەكىللەر خىزمىتى توغرىسىدىكى مۇھىم بايانلىرىنى چوڭقۇر ئۆگىنىپ، ئىزچىللاشتۇرۇپ، مەملىكەتلىك خەلق قۇرۇلتىيى دائىمىي كومىتېتىنىڭ ئورۇنلاشتۇرۇشى، ئورۇنلاشتۇرمىلىرىنى ئىزچىللاشتۇرۇپ، ئەمەلىيلەشتۈرۈپ، شىنجاڭنىڭ ئەمەلىيىتىگە بىرلەشتۈرۈپ، يېڭىدىن تۈزىتىش كىرگۈزۈلگەن ۋەكىللەر قانۇنىنى ياخشى ئۆگىنىپ ۋە ياخشى تەشۋىق قىلىپ، ياخشى ئىزچىللاشتۇرۇپ ۋە ياخشى يولغا قويۇپ، قانۇنچىللىق يولىدا خەلق قۇرۇلتىيى ۋەكىللىرى خىزمىتىنىڭ يۇقىرى سۈپەتلىك تەرەققىياتىغا تۈرتكە بولۇش كېرەك.
زۇمرەت ئوبۇل مۇنداق كۆرسەتتى: يېڭىدىن تۈزىتىش كىرگۈزۈلگەن ۋەكىللەر قانۇنىدا پارتىيە مەركىزىي كومىتېتىنىڭ يېڭى دەۋردىكى خەلق قۇرۇلتىيى ۋەكىللىرى خىزمىتىنى ياخشى ئىشلەش توغرىسىدىكى تەدبىر - ئورۇنلاشتۇرمىلىرى ۋە خەلق قۇرۇلتىيى ۋەكىللىرىنىڭ رولى ۋە ئورۇن بېكىتمىسى، مەسئۇلىيىتى ۋە بۇرچى، ھوقۇقى ۋە مەجبۇرىيىتىگە قارىتا قويۇلغان ئېنىق تەلەپلىرىنىڭ قانۇن قائىدىسىگە ئايلاندۇرۇلۇشى قانۇن ماددىلىرىنى مۇكەممەللەشتۈرگەنلىك بولۇپلا قالماي، تېخىمۇ مۇھىمى خەلق قۇرۇلتىيى تۈزۈمىنى مۇكەممەللەشتۈرگەنلىك بولۇپ، خەلق قۇرۇلتىيى تۈزۈمىنىڭ روشەن ئەۋزەللىكىنى تېخىمۇ تولۇق جارى قىلدۇرۇش، خەلق قۇرۇلتىيى ۋەكىللىرى خىزمىتىنىڭ يۇقىرى سۈپەتلىك تەرەققىياتىغا كاپالەتلىك قىلىش ۋە ئۇنى ئىلگىرى سۈرۈشتە مۇھىم ئەھمىيەتكە ئىگە، بۇ مۇقەررەر، تۈزۈم ئەۋزەللىكىنى ئىدارە قىلىش ئۈنۈمىگە تېخىمۇ ياخشى ئايلاندۇرۇشقا تۈرتكە بولىدۇ.
زۇمرەت ئوبۇل مۇنداق تەكىتلىدى: يەنىمۇ ئىلگىرىلىگەن ھالدا سىياسىي يۈكسەكلىكنى ئۆستۈرۈپ، سىياسىي مەسئۇلىيەتنى كۈچەيتىپ، يېڭىدىن تۈزىتىش كىرگۈزۈلگەن ۋەكىللەر قانۇنىنى ئىزچىللاشتۇرۇش، يولغا قويۇشنى پۇرسەت بىلىپ، خەلق قۇرۇلتىيى تۈزۈمىدە ياخشى چىڭ تۇرۇپ، ئۇنى ياخشى مۇكەممەللەشتۈرۈپ، ياخشى يۈرۈشتۈرۈپ، جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىنى ئالغا سىلجىتىشنى پۇختا تۈزۈم كاپالىتى بىلەن تەمىنلەپ، ئەمەلىي ھەرىكەت ئارقىلىق «ئىككىنى تىكلەش»نى قەتئىي ھىمايە قىلىش، «ئىككىنى قوغداش»نى قەتئىي ئىشقا ئاشۇرۇش كېرەك. ئىدىيەۋى - سىياسىي يېتەكچىلىكنى گەۋدىلەندۈرۈپ، خەلق قۇرۇلتىيى ۋەكىللىرىنى باش شۇجى شى جىنپىڭنىڭ خەلق قۇرۇلتىيى تۈزۈمىدە چىڭ تۇرۇش ۋە ئۇنى مۇكەممەللەشتۈرۈش توغرىسىدىكى مۇھىم ئىدىيەسىنى ئەستايىدىل ئۆگىنىپ، يېڭىدىن تۈزىتىش كىرگۈزۈلگەن ۋەكىللەر قانۇنىنى ئەستايىدىل ئۆگىنىپ ئەمەلدە كۆرسىتىپ، قانۇن تەلىپىنى ئەمەلىيلەشتۈرۈپ، سادىقلىق بىلەن پارتىيەنىڭ غېمىنى يېيىش، سادىقلىق بىلەن خەلق ئۈچۈن مەسئۇلىيىتىنى ئادا قىلىشقا تەشكىللەش كېرەك. مەركىزىي خىزمەتنى چۆرىدەش، ئومۇمىيەتكە مۇلازىمەت قىلىشتا چىڭ تۇرۇپ، ۋەكىللەر قانۇنىنى ئومۇميۈزلۈك ئىزچىللاشتۇرۇپ، يولغا قويۇپ، خەلق قۇرۇلتىيى ۋەكىللىرىنى جۇڭخۇا مىللىتى ئورتاق گەۋدىسى قۇرۇلۇشىنى ئالغا سىلجىتىش، يۇقىرى سۈپەتلىك تەرەققىي قىلدۇرۇش، يۇقىرى سەۋىيەلىك ئېچىۋېتىش، يېزا - كەنتلەرنى ئومۇميۈزلۈك گۈللەندۈرۈش، ئاساسىي قاتلامنى ئىدارە قىلىش، ئامما بىلەن ئالاقە باغلاش، ئاممىغا مۇلازىمەت قىلىش قاتارلىق جەھەتلەردە مەسئۇلىيەتچانلىقنى كۈچەيتىشكە، ماھىرلىق بىلەن نەتىجە يارىتىشقا يېتەكلەش كېرەك. قانۇن تەلىپىنى ئىزچىللاشتۇرۇپ، ئەمەلىيلەشتۈرۈپ، يەنىمۇ ئىلگىرىلىگەن ھالدا ۋەكىللەر خىزمىتى تۈزۈم - مېخانىزمىنى مۇكەممەللەشتۈرۈپ، پۈتۈن جەريانلىق خەلق دېموكراتىيەسىنى ئەمەلدە كۆرسىتىشنى چۆرىدەپ، «تۈمەنلىگەن ۋەكىل تۈمەنلىگەن ئائىلىگە كىرىش» باش تېمىلىق ئەمەلىيەت پائالىيىتىنى سىجىل چوڭقۇر قانات يايدۇرۇپ، دىققەتنى «ئون چوڭ كەسىپ توپى» قۇرۇلۇشىغا مەركەزلەشتۈرۈپ ۋەكىللەر كەسپىي گۇرۇپپىسىنى تەشكىللەپ قۇرۇپ، ۋەكىللەر «ئائىلىسى، پونكىتى»نى قېلىپلاشتۇرۇپ قۇرۇش، ئۇزاق ئۈنۈملۈك ئىشلىتىشكە تۈرتكە بولۇش كېرەك. ۋەكىللەر قانۇنىنى تەشۋىق قىلىش، يېشىپ چۈشەندۈرۈشنى كۈچەيتىپ، خەلق قۇرۇلتىيى ۋەكىللىرىنىڭ مەسئۇلىيىتىنى ئادا قىلىش سالاپىتىنى تەشۋىق قىلىپ، ياخشى ئاممىۋى پىكىر كەيپىياتىنى يارىتىش كېرەك.
لى نىڭپىڭ يىغىنغا رىياسەتچىلىك قىلدى. ئاپتونوم رايونلۇق خەلق قۇرۇلتىيى يېزا ئىگىلىكى ۋە يېزا كومىتېتى، دائىمىي كومىتېت قانۇنچىلىق خىزمىتى كومىتېتى ۋە ۋەكىللەر خىزمىتى كومىتېتىدىكى مەسئۇل يولداشلار، سانجى خۇيزۇ ئاپتونوم ئوبلاستلىق خەلق قۇرۇلتىيى دائىمىي كومىتېتى، ئاقسۇ ۋىلايەتلىك خەلق قۇرۇلتىيى خىزمەت كومىتېتىدىكى مەسئۇل يولداشلار، ئاپتونوم رايونلۇق خەلق قۇرۇلتىيى ۋەكىللىرى يىغىندا سۆز قىلدى.
