2024-يىلى 12-ئاينىڭ 15-كۈنىدىن باشلاپ
شەخسلەر ياشانغاندا كۈتۈنۈش پۇلى تۈزۈمى پۈتۈن مەملىكەت مىقياسىدا يولغا قويۇلدى
ئاممىباب قىلىپ ئېيتقاندا، شەخسلەر ياشانغاندا كۈتۈنۈش پۇلى دېگىنىمىز شەخسلەر ئۆز ئىختىيارلىقى بىلەن ئالاھىدە ھېسابات نومۇرىغا پۇل ئامانەت قويۇشنى كۆرسىتىدۇ، ھازىر ھەر يىلى 12 مىڭ يۈەندىن ئېشىپ كەتمەيدۇ، بەلگىلىمىگە ئۇيغۇن كېلىدىغان پۇل مۇئامىلە مەھسۇلاتلىرىنى سېتىۋېلىشقا ئىشلىتىلىدۇ، يەنە باجدا ئېتىبار بېرىش سىياسىتىدىن بەھرىمەن بولالايدۇ، ئېلىش شەرتىگە يەتكەندىن كېيىن، شەخسلەر ياشانغاندا كۈتۈنۈش پۇلى ئالالايدۇ، بۇنداق بولغاندا شەخسلەر ياشانغاندا كۈتۈنۈش پۇلى مەنبەسى جىقلاپ، ياشانغاندا كۈتۈنۈش كاپالىتى كۆپىيىدۇ.
شەخسلەر ياشانغاندا كۈتۈنۈش پۇلىنىڭ تۆۋەندىكىدەك بىر قانچە ئالاھىدىلىكى بار:
دۆلەت سىياسەت جەھەتتىن قوللايدۇ
شەخس ئۆز ئىختىيارلىقى بىلەن قاتنىشىدۇ
بازارلاشتۇرۇپ باشقۇرۇلىدۇ
شەخسلەر ياشانغاندا كۈتۈنۈش سۇغۇرتىسىنى تولۇقلايدۇ
شەخسلەر ياشانغاندا كۈتۈنۈش پۇلى كارخانا ئىشچى-خىزمەتچىلىرىنىڭ ياشانغاندا كۈتۈنۈش سۇغۇرتىسى ۋە شەھەر-يېزا ئاھالىلىرىنىڭ ياشانغاندا كۈتۈنۈش سۇغۇرتىسى بىلەن ئوخشاشمايدۇ
ئۇلارنىڭ ھەممىسى
دۆلىتىمىزنىڭ ياشانغاندا كۈتۈنۈش سۇغۇرتىسى سىستېمىسىنىڭ تەركىبىي قىسمى
كۆپچىلىك ھەرگىز ئالماشتۇرۇپ قويماڭلار
كىملەر شەخسلەر ياشانغاندا كۈتۈنۈش پۇلى تۈرىگە قاتنىشالايدۇ؟
جۇڭگو چېگراسى ئىچىدىكى
شەھەر-بازار ئىشچى-خىزمەتچىلىرىنىڭ ئاساسىي كۈتۈنۈش سۇغۇرتىسى
ياكى شەھەر-يېزا ئاھالىسىنىڭ ئاساسىي كۈتۈنۈش سۇغۇرتىسىغا قاتناشقان
ئەمگەكچىلەر شەخسلەر ياشانغاندا كۈتۈنۈش پۇلى تۈرىگە قاتناشسا بولىدۇ
جانلىق ئىشقا ئورۇنلاشقانلار قاتناشسا بولامدۇ؟
ئەلۋەتتە بولىدۇ! جانلىق ئىشقا ئورۇنلاشقانلار مەيلى ئىشچى-خىزمەتچىلەرنىڭ ئاساسىي كۈتۈنۈش سۇغۇرتىسى بولسۇن ياكى شەھەر-يېزا ئاھالىلىرىنىڭ ئاساسىي كۈتۈنۈش سۇغۇرتىسى بولسۇن، ئاساسىي كۈتۈنۈش سۇغۇرتىسى تۈزۈمىگە قاتناشقانلا بولسا ھەم ئەڭ ئاز بولغاندا بىر قېتىم ھەق تاپشۇرغان بولسا، شەخسلەر ياشانغاندا كۈتۈنۈش پۇلى تۈرىگە قاتناشسا بولىدۇ.
شەخسلەر ياشانغاندا كۈتۈنۈش پۇلى تۈرىگە قانداق قاتنىشىدۇ؟
ھېسابات نومۇرى ئاچىدۇ
شەخسلەر ياشانغاندا كۈتۈنۈش پۇلى تۈرىدە
شەخسىي ھېسابات نومۇرى تۈزۈمى يولغا قويۇلىدۇ
قاتناشقۇچىلار ئىككى ھېسابات نومۇرى ئېچىشى كېرەك:
شەخسلەر ياشانغاندا كۈتۈنۈش پۇلى ھېسابات نومۇرى ۋە شەخسلەر ياشانغاندا كۈتۈنۈش پۇلى مەبلەغ ھېسابات نومۇرى
شەخسلەر ياشانغاندا كۈتۈنۈش پۇلى ھېسابات نومۇرىنى دۆلەت ئىجتىمائىي سۇغۇرتا ئاممىۋى مۇلازىمەت سۇپىسى، مەملىكەتلىك ئادەم كۈچى بايلىقى ۋە ئىجتىمائىي كاپالەت ھۆكۈمەت ئىشلىرى مۇلازىمەت سۇپىسى، ئېلېكتىرونلۇق ئىجتىمائىي سۇغۇرتا كارتىسى، ئالىقاندىكى 12333 Appسى قاتارلىق مەملىكەت بويىچە بىر تۇتاش تور مۇلازىمەت كىرىش ئېغىزى ياكى سودا بانكىسى يولى ئارقىلىق ئېچىشقا بولىدۇ، ئاساسلىقى شەخسلەرنىڭ سالاھىيەت ئۇچۇرىنى تىزىملاش ۋە باشقۇرۇشقا ئىشلىتىلىدۇ، شەخسلەرنىڭ ياشانغاندا كۈتۈنۈش پۇلى تاپشۇرۇش، مەبلەغ سېلىش، ئېلىش قاتارلىق ئۇچۇرلىرى خاتىرىلىنىدۇ؛
ئاندىن، بەلگىلىمىگە ئۇيغۇن كېلىدىغان بىر سودا بانكىسىنى تاللاپ، شەخسلەر ياشانغاندا كۈتۈنۈش پۇلى مەبلەغ ھېسابات نومۇرى ئاچىدۇ ياكى بېكىتىدۇ، ئاساسلىقى ھەق تاپشۇرۇش، مەھسۇلاتقا مەبلەغ سېلىش، شەخسلەر ياشانغاندا كۈتۈنۈش پۇلىنى چىقىم قىلىش قاتارلىقلارغا ئىشلىتىدۇ.
سودا بانكىسى يولى ئارقىلىق
بۇ ئىككى ھېسابات نومۇرىنى بىر قېتىمدىلا ئېچىشنى تاللىسىمۇ بولىدۇ
قاتناشقۇچىلار
شەخسلەر ياشانغاندا كۈتۈنۈش پۇلى مەبلەغ ھېسابات نومۇرى ئاچقان بانكىنى
يىلدا ئىككى قېتىم ئۆزگەرتسە بولىدۇ
ھەق تاپشۇرۇش
شەخسلەر ياشانغاندا كۈتۈنۈش پۇلى تاپشۇرۇشنى قاتناشقان شەخس ئۆزى ئۈستىگە ئالىدۇ
ھازىر ھەر يىلى ئەڭ كۆپ بولغاندا 12 مىڭ يۈەن تاپشۇرۇشقا بولىدۇ
ئاي بويىچە، قېتىمغا بۆلۈپ ياكى يىل بويىچە ھەق تاپشۇرسىمۇ بولىدۇ
«ئانار بۇلۇت»تىن ئېلىپ تەرجىمە قىلىندى
