ئەتىيازدا ئاپتاپقا بىردەم قاقلانساقلا ئۇيقۇمىز كېلىدۇ، بۇ ۋاقىتتا بىر ئىستاكان قەھۋە ئىچىپ كەيپىياتىمىزنى كۆتۈرۈشنى ئويلىغان بولساقمۇ، لېكىن ئادەتتە ئىچىدىغان تۈرلىرىمىزنىڭ ئانچە مەززىسى يوقتەك ھېس قىلىمىز.
مانا قاراڭ، ئىجادىيەتكە باي شىنجاڭلىقلار يەنە يېڭىچە قەھۋەنى بارلىققا كەلتۈردى، نان قەھۋەسىدىن كېيىن قېتىق قەھۋە، ئانار شەربىتى قوشۇلغان ئامېرىكىچە قەھۋە، لاپىزا قوشۇلغان قەھۋە ...... ھەر خىل «غەيرىي تۇيۇلىدىغان لېكىن ئەقىلگە مۇۋاپىق كېلىدىغان» قەھۋەلەر مەيدانغا كىلىپ، داكا قىلىشنىڭ يېڭى يۈزلىنىشىگە ئايلاندى.
ئۇنداقتا، بۇنى زادى كىم ئويلاپ تاپقاندۇ؟ شىنجاڭنىڭ بۇ قەھۋەسىنى تېتىپ بېقىڭ، ئالدىرىماي تېتىپ بېقىڭ.
قېتىق قەھۋە
قېتىق بىلەن قەھۋە ماسلاشتۇرۇلغان، بىر ئىستاكان ئىچتىڭىزمۇ بولدى داۋاملىق ئىچكۈڭىز كېلىدۇ.
نۇرغۇن كىشىنىڭ كۆڭلىدە شىنجاڭنىڭ كالا سۈتى بىلەن قەھۋەسى ئەڭ ياخشى ھەمراھ ھېسابلىنىدۇ. لېكىن، تۇنجى قېتىم قېتىق قوشۇلغان قەھۋە ئىچكەندىكى تەسىرات، يەنە بىر خىل كۈتۈلمىگەن خۇشاللىق ھېسابلىنىدۇ.
ئالدى بىلەن كۆرۈش سېزىمى جەھەتتە، قېتىق قەھۋە قارىماققا ناتيې قەھۋەسىدەك سىلىق، ئىككى خىل تەم يۇغۇرۇلۇپ كەتكەندەك بىلىنىدۇ. ئەمدى ئۇنىڭ تەمىگە كەلسەك، بىرىنچى يۇتۇمنى ئىچكەندە قەھۋەنىڭ سۇيۇقلۇق تەركىبى ئادەمنىڭ تەم سەزگۈسىنى تامام ئىگىلەيدۇ. ئىككىنچى يۇتۇمنى ئىچكەندە، قەھۋە ئاخىرى قېتىق بىلەن بىرىكىپ، قېتىقنىڭ چۈچۈمەل تەمى تەدرىجىي روشەنلىشىپ، قەھۋەنىڭ قىرتاق تەمىنى نېيتراللاشتۇرىدۇ.
ئەڭ ئاخىرىدا قەھۋەنىڭ تەمى بارغانسېرى سۇسلىشىپ، پەقەت ئاق ئۆرۈك مۇرابباسىنىڭ تاتلىق تەمىلا قالىدۇ، بىر ئىستاكان ئىچسە ئادەمنى ھاياجانغا سالىدۇ ھەم پۇخادىن چىقىرىدۇ.
لاپىزا قوشۇلغان ناتيې قەھۋەسى
بۇ قەھۋە ھەقىقەتەن كۆزىڭىزنى ئېچىپ قويىدۇ، لېكىن «زىيانلىق ئىچىملىك» ئەمەس
كۈنلەرنىڭ بىرىدە لاپىزىنىڭ قەھۋە يۈزىدىكى سۈت كۆپۈكچىسىدە پەيدا بولۇپ، كۆزنى چاقنىتىدىغانلىقىنى كىممۇ ئويلىغان دەيسىز.
ئۇنىڭ جەلپ قىلىش كۈچى قانچىلىك؟ تېخى ئۈستەلگە ئېلىپ چىقماي تۇرۇپلا، يىراقتىن ئەنجىخەي لاپىزىنىڭ كۈچلۈك ئاچچىق-چۈچۈك پۇرىقىنى پۇرىغىلى بولىدۇ. ئالدى بىلەن لاپىزىنى يېيىش كېرەكمۇ ياكى قەھۋەنى ئىچىش كېرەكمۇ، بۇ چوقۇم ئويلىنىشقا تېگىشلىك مەسىلە.
ئەسلىدە بۇنى ناھايىتى غەلىتە بىر ماسلاشتۇرۇشكەن دەپ ئويلىغانىدىم، تېتىپ باققاندىن كېيىن ئەمەلىيەتتە ئۇنداق ئەمەسلىكىنى بىلدىم. ئەنجىخەي لاپىزىنىڭ ئاچچىق، تۇزلۇق كەلگەن خۇش پۇرىقى ناتيې قەھۋەسىنى ئەپچىللىك بىلەن نېيتراللاشتۇرۇپ، ئادەمنى خۇمار قىلىپ قويىدىكەن.
ئانار شەربىتى قوشۇلغان ئامېرىكىچە قەھۋە
ئانار شەربىتى قوشۇلغان ئامېرىكىچە قەھۋەنى ئېغىزىڭىزغا تولدۇرۇپ ئىچىپ ئانار شەربىتى بېغىشلىغان ئاددىي خۇشاللىقتىن ھۇزۇرلىنىڭ
ئانار شەربىتى قوشۇلغان ئامېرىكىچە قەھۋەنى ئىچىشكە ئالاھىدە ئۇسۇل كەتمەيدۇ، پەقەت ئېغىزىمىزغا تولدۇرۇپ ئىچسەكلا ئانار ئېلىپ كەلگەن خۇشاللىقىنى ھېس قىلغىلى بولىدۇ.
ئانارنىڭ يېڭى سىقىلغان شەربىتى يېڭىچە ئاساسىي مىلودىيەنى بارلىققا كەلتۈردى، قويۇلدۇرۇلغان قەھۋە سۇيۇقلۇقىغا كىشىنى ھاياجانغا سالىدىغان چۈچۈمەل تەم قوشۇلۇپ، خوتەن قىزىلگۈلىنىڭ گۈل بەرگىلىرى خۇش پۇراقنى ئاشۇرۇپ، كۆزنى يۇمۇپ ئاچقۇچە گۈل پۇرىقى، مېۋە پۇرىقى قاتلاممۇ قاتلام تارقىلىدۇ، بۇ قەھۋەدىن بىر ئىستاكان ئىچسىڭىز ھاياتىي كۈچكە تولىسىز ھەم پۇخادىن چىقىسىز.
قايماق قوشۇلغان ناتيې
قايماق تېتىپ تۇرىدۇ، بەك ئىچىشلىك
قايماق قوشۇلغان ناتيېنى قانداق سۈپەتلىسە ئەڭ مۇۋاپىق بولىدۇ؟ ئاغزىمىزدىن دەرھال: قايماق تېتىپ تۇرىدۇ، ئەڭ ياخشى، دېگەن سۆز چىقىدۇ. بىر يۇتۇم ئىچكەندىن كېيىن، ئەڭ ئاۋۋال ئىللىق سۈت پۇرىقىنى ھېس قىلىسىز، قەھۋەنىڭ قىرتاق تەمىنى ئاخىرقى يۇتۇملىرىدا ئاندىن ئاستا-ئاستا ھېس قىلىسىز.
قەھۋەگە قوشۇلغان قايماق بىلەن تارا ئاستا-ئاستا ئېرىپ قەھۋەگە كىرىدۇ، ئەڭ ئاخىرقى يۇتۇمنى ئىچكەندىمۇ زىيادە تاتلىق بولۇپ كەتمەيدۇ، ئەكسىچە بىر پۈتۈن گەۋدىگە چاققان ۋە جانلىق تۈس قوشىدۇ.
قۇمدا قاينىتىلغان قەھۋە
مايدا پىشۇرۇلغان تورت بىلەن قەھۋە ماسلاشتۇرۇلسا، بۇنىڭدا شىنجاڭچە پۇراق ئىنتايىن كۈچلۈك بولىدۇ
مايدا پىشۇرۇلغان تورت بىلەن قەھۋە ماسلاشتۇرۇلسا، بۇنىڭدا شىنجاڭچە پۇراق ئىنتايىن كۈچلۈك بولىدۇ. بىر يۇتۇم قەھۋە، بىر چىشلەم ياغدا پىشۇرۇلغان تورت، شىنجاڭلىقلارنىڭ ئاددىي خۇشاللىقىنى ناھايىتى تېزلا ھېس قىلالايسىز.
قۇمدا قاينىتىلغان قەھۋەنىڭ ئىسمىغا قاراپلا قۇمدا قاينىتىدىغانلىقىنى بىلگىلى بولىدۇ.
يۇمشاق قۇمنى مۇۋاپىق تېمپېراتۇرىغىچە قىزدۇرۇپ، قەھۋە قاچىلانغان قاچىنى ئىچىگە كۆمۈپ، قۇمنىڭ قىزىقىدا قويۇق قەھۋەنى ئاستا-ئاستا قايناتقاندا، تەمى تېخىمۇ قىرتاق بولىدۇ، لېكىن ئۇنىڭغا تاتلىق، چۈرۈك مايدا پىشۇرۇلغان تورت ماسلاشتۇرۇلسا، ئاجايىپ بىر تەسۋىرلىگۈسىز لەززەت بارلىققا كېلىدۇ.
«شىنجاڭ ياخشى جاي» ۋىيشىن ئاممىۋى سۇپىسىدىن ئېلىپ تەرجىمە قىلىندى
