سىن-سۈرەت | يىپەك يولىدا باھار دولقۇنى مەۋج ئۇردى، پۇقراۋى كارخانىلار يەلكەن چىقىرىپ دولقۇن يېرىپ ئىلگىرىلىدى

   ماشىنىلار تېز سۈرئەتتە ئايلاندى، ئىشلەپچىقىرىش لىنىيەلىرى سۈرئەتنى تېزلەتتى، ئىشچى-خىزمەتچىلەر تەرتىپلىك ھالدا ئالدىراش بولۇپ كەتتى... قاينام-تاشقىنلىققا چۆمگەن مەنزىرىلەر شىنجاڭدىكى پۇقراۋى ئىگىلىكنىڭ جۇشقۇن ھاياتىي كۈچىنى نامايان قىلىپ، كارخانىلارنىڭ «دادىل بۆسۈش ھاسىل قىلىش، دادىل ئىشلەش» كۈچلۈك سىگنالىنى تارقاتتى. دۆلەتنىڭ پۇقراۋى ئىگىلىكنىڭ ساغلام تەرەققىياتى، يۇقىرى سۈپەتلىك تەرەققىياتىنى ئىلگىرى سۈرۈش سىياسىتىدىن ئىبارەت شەرق شامىلىدا، شىنجاڭدىكى پۇقراۋى ئىگىلىك بازار چوڭ دولقۇنىدا دولقۇن يېرىپ ئىلگىرىلەپ، يۇقىرى سۈپەتلىك تەرەققىياتنى ئالغا سىلجىتىش ئېسىل سەھىپىسىنى پۈتۈپ چىقتى.

   پۇقراۋى ئىگىلىكنىڭ ياخشى تەرەققىي قىلىشى «سىياسەت كۈچى»نىڭ كاپالەتلەندۈرۈشىدىن ئايرىلالمايدۇ. شىنجاڭ نۇقتىلىق ساھە ۋە ئاچقۇچلۇق ھالقىلاردا ئىسلاھاتنى ئالغا سىلجىتىپ، بازار مېخانىزمى ئۈنۈملۈك، ھۆكۈمەت كاپالىتى جايىدا بولغان تىجارەت-سودا مۇھىتى بەرپا قىلىپ، سودىگەرلەرنى ھۆرمەتلەيدىغان، سودىگەرلەرگە ئەھمىيەت بېرىدىغان، سودىگەرلەرگە يېقىن تۇرىدىغان، سودىگەرلەرنى خاتىرجەم قىلىدىغان كەيپىيات يارىتىپ، پۇقراۋى كارخانىلارنىڭ شىنجاڭدا يىلتىز تارتىش، تەرەققىي قىلىپ زورىيىش ئىشەنچىنى ئۈزلۈكسىز كۈچەيتتى.

   پۇرسەت ۋە ئۈمىدكە تولغان بۇ دەۋر دولقۇنىدا، پۈتۈن جەمئىيەت ئورتاق تونۇشنى مۇجەسسەملەپ، ئېتىقادنى چىڭىتىپ، يېڭىلىق يارىتىش ئارقىلىق تۈرتكە بولۇش، ئىختىساسلىقلار ئارقىلىق يېتەكچىلىك قىلىش، سىياسەت ئارقىلىق كاپالەتلەندۈرۈشكە تايىنىپ، پۇقراۋى ئىگىلىكنىڭ يۇقىرى سۈپەتلىك تەرەققىيات ئۇلۇغ مۇساپىسىدە جاسارەت بىلەن ئىلگىرىلىشىگە كۈچ قوشۇشى كېرەك.

«ئانار بۇلۇت»تىن ئېلىپ تەرجىمە قىلىندى